މޯލްޑިވްސް އިސްލާމިކް ބޭންކުގައި އެކައުންޓެއް ހުޅުވަން ބޭނުންވާ ނަމަ މިއަދާއި އަންނަ ހޮނިހިރު ދުވަހަކީ އެކަމަށް ވަރަށް ފަސޭހަ ފުރުސަތެކެވެ.
އެ ޕޮއިންޓްމެންޓް ހެއްދުމަކާ ނުލައި އައިޑީ ކާޑު ހިފައިގެން އެމްއައިބީގެ ހެޑް އޮފީހަށް ޒިޔާރަތްކޮށްލުމުން، ބޭނުންވާ ކޮންމެ ވައްތަރެއްގެ އެކައުންޓެއް ވެސް ހުޅުވައިދޭނެ އެވެ.
"ބޭނުންވަނީ މުއްދަތު ހަމަ ނުވާ އައިޑީ ކާޑެއް. އޭރުން ސޭވިން އެކައުންޓް، ކިޑްސް އެކައުންޓް، އަދި އިންވެސްޓްމެންޓް އެކައުންޓް ވެސް ހުޅުވޭ،" އެ ބޭންކުގެ އޮފިޝަލަކު ވިދާޅުވި އެވެ.
އޭނާ ވިދާޅުވީ މިފަދަ ފަސޭހަ ފުރުސަތެއް ދޭން ބޭނުންވީ ވަޒީފާތަކާއި މަސައްކަތުގައި ބުރަކޮށް އުޅޭ ފަރާތްތަކަށް ބަންދު ދުވަހެއްގައި އެކައުންޓް ހުޅުވަން ފަސޭހަކޮށް ދިނުމަށް ކަމަށެވެ.
އެކައުންޓް ހުޅުވުން ކުރިއަށް ގެންދާނީ މިއަދު އަދި އަންނަ ހޮނިހިރު ދުވަހު ވެސް ހެނދުނު 9:00 އިން 12:30 އަށެވެ.
އެމްއައިބީގެ ކިޑްސް އެކައުންޓްގެ މަގުބޫލްކަން އިތުރުވެފައިވާއިރު، އެފަދަ އެކައުންޓެއް ހުޅުވަން ބޭންކަށް ބޭނުންވާނީ 10 އަހަރުން މަތީ ކުއްޖަކަށް ނަމަ އުފަން ދުވަހުގެ ސެޓްފިކެޓާއި އައިޑީ ކާޑެވެ. ދިހަ އަހަރުން ދަށުގެ ކުދިންނަށް އެކައުންޓެއް ހުޅުވާނަމަ އައިޑީ ކާޑު އެކަނިން ފުދެ އެވެ.
އެމްއައިބީ ކާމިޔާބު ކިޑްސް އެކައުންޓަކީ ކޮބާ؟
އެމްއައިބީގެ ކާމިޔާބު ކިޑްސް އެކައުންޓަކީ މި ވަގުތު ރާއްޖޭގައި އެންމެ ރަނގަޅު ރޭޓެއްގައި ފައިދާ ހިއްސާކުރާ އެއް ކިޑްސް ސޭވިން އެކައުންޓެވެ. މި އެކައުންޓަކީ އެހެން ކިޑްސް ސޭވިން އެކައުންޓަކާއި ހިލާފަށް ކުއްޖާއަށް 18 އަހަރު ފުރުމާ ހަމަޔަށް ވަކި އަދަދެއްގެ ފައިސާ ރައްކާކުރުމުގެ އަމާޒުގައި ހުޅުވާ އެކައުންޓެކެވެ. ކާމިޔާބު ކިޑްސް އެކައުންޓެއް ޑޮލަރުން ވެސް ހުޅުވިދާނެ އެވެ. އަދި ކޮންމެ ހަ މަހަކުން ފައިދާ ލިބޭއިރު ބެލެނިވެރިޔާ ބޭނުންނަމަ ހިލޭ ސްޓޭންޑިން އޯޑާ ހެދުމުގެ ފުރުސަތު ވެސް ބޭންކުން ދެ އެވެ.
