ރިލްވާންގެ އާއިލާއިން ކޮމިޝަނުގެ މަސައްކަތް ބަލައިގަނެފި

Dec 16, 2022, 4:33 PM
ނޫސްވެރިިޔާ ރިލްވާން އަބްދުﷲ: އޭނާގެ މައްސަލައިގެ ރިޕޯޓް ރައީސް ސޯލިހަށް އެރުވީ އިއްޔެ -- ފޮޓޯ: ފައިލް

ނޫސްވެރިިޔާ ރިލްވާން އަބްދުﷲ: އޭނާގެ މައްސަލައިގެ ރިޕޯޓް ރައީސް ސޯލިހަށް އެރުވީ އިއްޔެ -- ފޮޓޯ: ފައިލް

ނޫސްވެރިޔާ ރިލްވާން އަބްދުﷲގެ މައްސަލައިގައި ގެއްލުވާލާފައިވާ މީހުންނާއި ގޮތް ނޭނގޭ މަރުތައް ތަހުގީގު ކުރާ ކޮމިޝަނުން ކުރި މަސައްކަތް ބަލައިގަންނަ ކަމަށް އާއިލާއިން މިރޭ ބުނެފި އެވެ.

އޯގަސްޓް 7، 2014 ގައި ގެއްލުނު ރިލްވާން މައްސަލައިގެ ރިޕޯޓު ނިންމައި އިއްޔެ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަށް މަރު ކޮމިޝަނުން ވަނީ އަރުވައިފަ އެވެ. އެ ކޮމިޝަނުގެ ނިންމުމަކީ ރިލްވާން ވަގަށް ނަގައި، މަރާލުމަށްފަހު ކަނޑު ފެއްތީ ކަމަށެވެ.

އެކަމާ ގުޅިގެން ރިލްވާންގެ ދައްތަ، ފާތިމަތު ޝެހެނާޒް "އަދަދު" ނޫހާ ވާހަކަ ދައްކަމުން ބުނީ އެހާ ގިނަ ދުވަސްވީ އަދި ފޮރުވަން މަސައްކަތްކޮށްފައިވާ މައްސަލައެއްގައި މަރު ކޮމިޝަނުން ކުރި މަސައްކަތް އާއިލާއިން ބަލައިގަންނަ ކަމަށެވެ.

Advertisement

"ކޮމިޝަނުން މަސައްކަތްތަކއެއް ކުރާކަން ފާހަގަ ކުރެވޭ. ތިން މީހަކު ހައްޔަރުފިތާ މިހާރު ވެސް އެ މައްސަލައިގައި. އެއީ ވަރަށް ބިޮޑު ހިތްހަމަޖެހުމެއް. ދެން ވެސް ހައްޔަރު ކުރަމުން ގެންދާނެ ކަމަށް އިއްޔެ ކޮމިޝަނުން ބުނި. އެކަން ވެސް ފާހަގަ ކުރަން އަޅުގަނޑުމެން،" ޝެހެނާޒް ބުންޏެވެ.

ޝެހެނާޒް ބުނީ، ރިލްވާން މައްސަލައިގައި ހަރުކަށި މީހުންގެ އިތުރުން ގޭންގުތަކާއި ސިޔާސީ ފަރާތްތަކާ ގުޅުން އޮތް މިންވަރު ވެސް ކޮމިޝަނުގެ މަސައްކަތުން ކުރިއަށްވުރެ ބޮޑަށް ހާމަވެއްޖެ ކަމަށެވެ.

"ކޮބާހޭ ރިލްވާން؟ އެ ހިސާބަށް ވާސިލްވާން ދަތިވާނެ ކަމަށް ވެސް ގަބޫލު ކުރަން. ބަޔަކު މި އޮތީ ހެކި ނައްތާލުމަށް ވަރަށް ބޮޑަށް މަސައްކަތްކޮށްފަ،" ޝެހެނާޒް ބުންޏެވެ. "ދެން މައްސަލަ ކޯޓުން ރަނގަޅަށް ނިންމާނެ ކަމަށް އުއްމީދު ކުރަނީ. އެކަމަކު ކޮންމެ ފަހަރަކު ވެސް ކޯޓާ ހަމައިން ގޯސްކޮށް މި ނިމެނީ."

އޭގެ އިތުރުން ޝެހެނާޒް ބުނީ، ރިލްވާންގެ ވާހަކަ ނޫސްތަކުން ލިޔާއިރު އަދި ހާދިސާ ސިފަކުރާ ގޮތުން އާއިލާއަށް ހިތާމަ ލިބޭ ކަމަށެވެ. އަދި ރިލްވާންގެ ހާދިސާއަށް ނިސްބަތްކޮށް ބައެއް މީހުން ޖޯކު ޖަހާ ކަމަށް ވެސް އޭނާ ބުންޏެވެ.

"ދެރަވޭ، އިއްޔެއާ މިއަދުއާ ވަރަށް ދެރަވޭ. ނޫސްތައް ހުޅުވާލާ ކޮންމެ ފަހަރަކު ވަރަށް ހިތަށް އަސަރު ކުރޭ. ބައެއް މީހުން ޖޯކު ވެސް ޖަހާ. އާއިލާއަށް ކުރާ އަސަރު އެމީހުންނަކަށް ނުވިސްނޭ،" ޝެހެނާޒް ކިޔައިދިނެވެ.

ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމުގައި މަރު ކޮމިޝަނުން ބުނީ ރިިލްވާން ވަގަށް ނަގައި މަަރާލީ ގޭންގުތަކާ ގުޅުން އޮންނަ ހަރުކަށި ފިކުރުގެ މީހުން، ސޯޝަލް މީޑިއާގައި ހިޔާލު ފާޅު ކުރަމުންދިޔަ މީހުންނާ ދެކޮޅަށް ހިންގި ޓެރަރިޒަމްގެ ކެމްޕެއިނެއްގެ ތެރެއިން ކަމަށެވެ.

ރިލްވާން މަރާލީ ދުރާލައި ރާވައިގެން ކަމަށާއި އެ ހާދިސާއަށްފަހު ރޭވިގެން ހެކި ނައްތާލާފައިވާ ކަމަށް ވެސް ކޮމިޝަނުން ބުންޏެވެ. އަދި ހެކި ނައްތާލުމާއި ރިލްވާން މެރުމުގައި ބައިވެރިވި މީހުން ރާއްޖެ ފިލައިގެން ދިޔުމަށް ފުލުހުންގެ ތެރެއިންނާއި ސަރުކާރުގެ އިސް ވެރިން މަސައްކަތް ކުރި ކަމަށް ވެސް ބުންޏެވެ.

ރިލްވާން މެރުމުގައި ބައިވެރިވި އެކަކު، އެ ހާދިސާ ކުރީގެ ރައީސް އަބްދުﷲ ޔާމީނަށް ކިޔައިދިން ކަމަށާއި އޭނާ ރާއްޖެއިން ބޭރަށް ފުރުވާލުމުގައި ޔާމީންގެ ދައުރެއްވާ ކަމަށް ވެސް ކޮމިޝަނުން ބުނެ އެވެ. އަދި ރިލްވާންއަށް އޮތް ނުރައްކާ ފުލުހުންނަށް ކުރިން އެނގުނު ކަމަށާއި ފިޔަވަޅު އެޅި ނަމަ އެއީ ހުއްޓުވުމުގެ ފުރުސަތު އޮތް މަރެއް ކަމަށް ވެސް ކޮމިޝަނުން ބުންޏެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox