ކޮކާކޯލާގެ ނަސީބުވެރިންނަށް ތަޖުރިބާކޮށްލަން ލިބުނީ ގަތަރު ވޯލްޑް ކަޕްގެ ހާއްސަ މެޗެއް

ކޮކާކޯލާގެ ބައެއް ނަސީބުވެރިން ލުސައިލް އައިކޮނިކް ސްޓޭޑިއަމްގެ ތެރޭގައި ނަގާފައިވާ ފޮޓޯއެއް.

ކޮކާކޯލާގެ ބައެއް ނަސީބުވެރިން ލުސައިލް އައިކޮނިކް ސްޓޭޑިއަމްގެ ތެރޭގައި ނަގާފައިވާ ފޮޓޯއެއް.

ރާއްޖޭގެ ކޮކާކޯލާ ކުންފުނިން މިދިޔަ ސެޕްޓެމްބަރު މަހުގެ އެއް ވަނަ ދުވަހުގެ ނިޔަލަށް، ކުރިއަށްގެންދިޔަ، "އަންކެޕް، ބިލީވް، ފުލައި،" މި ޕްރޮމޯޝަނުގެ ތެރެއިން މިދިޔަ އަންގާރަ ދުވަހުގެރޭ ފީފާ ވޯލްޑް ކަޕްގެ ގަދަ 16 ބުރުގައި ޕޯޗުގަލް އިން 6-1 އިން ސްވިޒަލެންޑް ބަލިކުރި މެޗު ބެލުމުގެ ފުރުސަތު، 20 ދިވެއްސަކަށް ލިބިގެންދިޔަ އެވެ.

އެއީ ނަސީބުވެރިންގެ ގޮތުގައި ދަތުރުގައި ބައިވެރިވި، 16 ފަރާތުގެ އިތުރުން، ކޮކާކޯލާގެ ތިން ފަރާތަކާއި ނޫސްވެރިއަކަށެވެ.

މި ފަހަރުގެ ވޯލްޑް ކަޕްގެ އިންތިޒާމްތައް ގަތަރުން ހަމަޖައްސާފައިވާ ގޮތުން، ދުބާއީގައި ޗުއްޓީއެއް ހޭދަކޮށްލުމަށް ފަހު ވެސް ވޯލްޑް ކަޕް މެޗެއް ބަލާލުމުގެ ފުރުސަތު އޮތީ ފަހިކޮށެވެ. ކޮކާކޯލާ ކުންފުނީގެ ދަތުރުގައި ބައިވެރިވި 20 ފަރާތަށް އެ ކުންފުނީގެ ފަރާތުން ހަމަޖައްސައިދީފައި އޮތީ، ދުބާއީގައި ރަނގަޅު ޗުއްޓީ އަކަށް ފަހު، ހަމައެކަނި މެޗަށް ގަތަރަށް ދާ ގޮތަށެވެ.

ފްލައިދުބާއީގެ ޝަޓްލް ފްލައިޓެއްގައި އަންގާރަ ދުވަހު ގަތަރަށް ގޮސް، މި ފަހަރުގެ ވޯލްޑް ކަޕްގައި ފެނިގެންދިޔަ އެންމެ ގިނަ ގޯލު ފެނިގެންދިޔަ އެއް މެޗު ކަމަށްވާ، ސްވިޒަލެންޑާއި ޕޯޗުގަލްގެ ކުރިމަތިލުން ބަލާލަން ފުރުސަތު ލިބުނީ 83،720 މީހުން، ދަނޑަށް ވަން މެޗެއްގަ އެވެ.

މި މެޗު ހާއްސަވީ ގިނަ ސަބަބުތަކެއް ވެސް އެބައޮތެވެ. އެ ގޮތުން، ބަލާއިރު، މިއީ 2008 ވަނަ އަހަރުން ފެށިގެން މިހާތަނަށް ބޮޑު މުބާރާތެއްގައި ޕޯޗުގަލް އިން ނޮކައުޓް މެޗަކަށް، އެ ޓީމުގެ ތަރި، ކްރިސްޓިއާނޯ ރޮނާލްޑޯ ފުރަތަމަ އެގާރައިގައި ނުހިމަނައި، ނުކުތް ފުރަތަމަ މެޗެވެ. ކޮކާކޯލާ ނަސީބުވެރިންގެ ތެރޭގައި ރޮނާލްޑޯގެ ފޭނުން ވެސް ހިމެނެ އެވެ.

"ރޮނާލްޑޯ ސްޓާޓް ނުކުރިޔަސް، މި މެޗު ބަލާލަން ލިބުނީމަ އެއީ ވަރަށް ބޮޑު ކަމެއްދޯ،" ކޮކާކޯލާ ނަސީބު ވެރިއަކު، ރޮނާލްޑޯ މެޗުގެ ފުރަތަމަ އެގާރައިގައި ނުހިމެނޭތީ އެ ކަމަށް އިޝާރާތްކޮށް ބުނެލި އެވެ.

ސްވިޒަލެންޑާއި ޕޯޗުގަލް މެޗަކީ މި ފަހަރުގެ ވޯލްޑް ކަޕްގައި 90 މިނިޓަށް ބަލާނަމަ އެންމެ ގިނަ ގޯލު ފެނިގެންދިޔަ ތިން މެޗުގެ ތެރެއިން އެއް މެޗެވެ.

ކޮކާކޯލާގެ ނަސީބުވެރިން ލުސައިލް އައިކޮނިކް ސްޓޭޑިއަމް ބޭރުގައި ނަގާފައިވާ ފޮޓޯއެއް: މެޗު ބަލަންދިޔައިރު، ކޮންމެ ނަސީބުވެރިއަކު ކަހަލަ ގޮތަކަށް ދިވެހި ދިދަ ދަނޑަށް ގެންދިޔަ.

ސްވިޒަލެންޑާ ދެކޮޅަށް ކުޅުނު މެޗުގައި ޕޯޗުގަލްގެ ފޯވާޑް، ގޮންކާލޯ ރާމޯސް، 21، ހެޓްރިކެއް ހެދިއިރު، މިއީ މި ފަހަރުގެ ވޯލްޑް ކަޕްގައި ފެނިގެންދިޔަ، ހަމައެކަނި ހެޓްރިކް އެވެ. ތާރީހީ ވޯލްޑް ކަޕެއްގެ މި ތާރީހީ ހެޓްރިކް ދަނޑުގައި ތިބެ، ބަލާލުމުގެ ނަސީބު ވެސް ކޮކާކޯލާގެ ފަރާތުން މި މެޗަށް ދިޔަ ނަސީބުވެރިންނަށް ލިބިގެންދިޔައީ އެވެ.

ނަސީބުވެރިން "ދަނޑުގެ ފޯރީ" ގައި ވެސް ބައިވެރިވި

ގަތަރުގެ ލުސައިލް އައިކޮނިކް ސްޓޭޑިއަމްގައި ޕޯޗުގަލް އާއި ސްވިޒަލެންޑް ބައްދަލުކުރި މެޗަށް، ކޮކާކޯލާގެ ނަސީބު ވެރިން ދަނޑަށް ވަނީ މެޗު ފަށަން ގާތްގަނޑަކަށް ދޮޅު ގަޑިއިރެއްހާއިރަށް ވެފައި އޮއްވަ އެވެ.

ދަނޑުގައި ކޮކާކޯލާ ނަސީބުވެރިންނަށް ސީޓު ލިބުނީ ޕޯޗުގަލް ސަޕޯޓަރުން ތިބޭ ދިމާލުގެ ކަނުން ކޯނަރު ދަނޑިއާ ވީފަޅި ކައިރިންނެވެ. އެއީ، ދަނޑުގެ ސީޓީން އެރޭންޖްމަންޓްސް އަށް ބަލާއިރު، ހޮސްޕިޓާލިޓީ އޭރިއާ އިން ހަމަޖެހިފައިވާ ޓިކެޓްތަކެއް ކަމަށްވާތީ، މިއީ ދަނޑުގައި ހުރެ، މެޗެއް ބަލާލަން ލިބޭނެ އެންމެ ރަނގަޅު އެއް ދިމާކަން ޔަގީނެވެ.

މި މެޗު ކުރިންނާއި މެޗު ފަށައިގެން ވެސް ޕޯޗުގަލް ސަޕޯޓަރުން ނަގަމުންދިޔަ ފޯރީގައި، ކޮކާކޯލާގެ ނަސީބު ވެރިން ވެސް ބައިވެރިވި އެވެ. ޕޯޗުގަލް ސަޕޯޓަރުންގެ ޔޫފޯރިއާ ކްލެޕާއި އާއި ދަނޑުގެ އެ ފަޅިން ފޯރިނަގަން ކުރިއަށްގެންދިޔަ، މެކްސިކަން ވޭވްގައި ވެސް ކޮކާކޯލާ ނަސީބުވެރިން ބައިވެރިވި އެވެ.

މީގެ އިތުރުން މެޗުގެ ދެ ވަނަ ހާފުގައި ދަނޑުގައި ތިބި ސަޕޯޓަރުން ޕޯޗުގަލްގެ ތަރި ރޮނާލްޑޯ މެޗު ކުޅެން އަރުވަން އެދި ޝުއޫރުފާޅުކުރިއިރު، އެ ކަމުގައި ވެސް ވަނީ ބައިވެރިވެފަ އެވެ.

ޔަގީނުން ވެސް ކޮކާކޯލާގެ ފަރާތުން މި ފަހަރުގެ ވޯލްޑް ކަޕްގެ މެޗެއް ބެލުމަށް، މި ދިން ފުރުސަތަކީ، ގިނަ ނަސީބުވެރިންގެ ހަޔާތުގައި ހާއްސަވާނެ ދުވަހެކެވެ.

ނަސީބުވެރިން ތެރޭގައި ހިމެނޭ ގިނަ ފަރާތްތަކަކީ ބައިނަލްއަގުވާމީ މި ފަދަ މުބާރާތެއްގެ މެޗެއް ދަނޑުގައި އިނދެގެން، ތަޖުރިބާ ކޮށްލަން ފުރަތަމަ ފަހަރަށް ލިބުނު ފަރާތްތަކެވެ. ހާއްސަކޮށް، ދުނިޔޭގެ ފުޓްބޯޅައިގައި މިހާރު ނަން ހިނގާ މަޝްހޫރު ކުޅުންތެރިން ކުޅޭ ނޮކައުޓް މެޗެއް ބަލާލަން ލިބުނީތީ، ގިނަ ނަސީބުވެރިން އެކަމަށްޓަކައި އުފާކޮށް، ކޮކާކޯލާ އިން މި ފަދަ އާދަޔާހިލާފު ފުރުސަތެއް ލިބޭ ޕްރޮމޯޝަނެއް ކުރިއަށްގެންދާތީ ޝުކުރު އަދާކުރި އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox