ހދ. ނޮޅިވަރަމުގައި މަރުވެފައި އޮއްވާ ފެނުނު އަންހެން މީހާގެ ހަށިގަނޑުގެ ޕޯސްޓުމޯޓަމް ހެދުމަށް ނިންމައިފި އެވެ.
މަރުވެފައި އޮއްވައި ފެނިފައި ވަނީ ނޮޅިވަރަމު، ހިތަށްފިނިވާގޭ ނިޝާމާ މުހައްމަދު 28އ، އެވެ.
ނޮޅިވަރަމު ކައުންސިލަރު މުހައްމަދު މުސްތަފާ "އަދަދު" ނޫހަށް ވިދާޅުވީ ނިޝާމާގެ ޕޯސްޓްމޯޓަމް ހެދުމަށް އޭނާގެ ހަށިގަނޑު މާލެ ގެންދިއުމަށްޓަކައި މިހާރު ކުޅުދުއްފުއްޓަށް ފޮނުވާފައިވާ ކަމަށެވެ.
މުސްތަފާ ވިދާޅުވީ އެ އަންހެން މީހާ މަރުވެފައި އޮއްވައި ފެނުނު އިރު ހަށިގަނޑުގައި ޒަހަމްތަކެއް ހުއްޓެވެ.
ފުލުހުން މިހާރު ގެންދަނީ އެ މައްސަލަ ތަހުގީގުކުރަމުންނެވެ.
މި މަރުގެ މައްސަލައިގައި ނިޝާމާގެ ފިރިމީހާ، އދ. ފެންފުއްޓަށް ނިސްބަތްވާ އަބޫބަކުރު ފައިސަލަށް ތުހުމަތު ކުރެވޭއިރު، ނިޝާމާ މަރުވެފައި އޮއްވާ ފެނުނުއިރު ކުއްލިއަކަށް ފުރައިގެން ގޮސް ހުރީ އެ އަތޮޅު ކުޅުދުއްފުށީގަ އެވެ.
ކުޅުދުއްފުށީ ޕޮލިސް ސްޓޭޝަނަށް ފައިސަލް ދިޔައީ އަމިއްލަ އަށް ކަމަށާއި އޭނާ ފުލުހުންގެ ބެލުމުގެ ދަށުގައި ހުރި ކަމަށް ފުލުހުން ބުނެ އެވެ. އަދި ގާނޫނީ ގޮތުން ހައްޔަރުކުރުމުގެ އިޖުރާއަތްތައް ފުރިހަމަކުރުމާއި ކޯޓު އަމުރު ހޯދަން މަސައްކަތް ކުރާ ކަމަށް ވެސް ފުލުހުން ބުނެ އެވެ.
ނަމަވެސް ގައިސަލްގެ މައްޗަށް ފުލުހުން ކުރާ ތުހުމަތެއް އަދި ނުބުނެ އެވެ.
ނިޝާމާ އާއި ފައިސަލްގެ ކުޑަ ތިން ކުދިން ކުދިން ތިބެ އެވެ.
