އިނގިރޭސިވިލާތުގެ ވަލީ އަހުދު އަމީރު ވިލިއަމް އެމެރިކާއަށް ކުރައްވަމުން ގެންދަވާ ދަތުރުފުޅުގެ ތެރެއިން ހުކުރު ދުވަހު ބޮސްޓަންގައި ރައީސް ޖޯ ބައިޑެންއާ ބައްދަލުކުރައްވައިފި އެވެ.
ދެ ބޭފުޅުންގެ ބައްދަލުވުން އޮތީ ބޮސްޓަންގެ ޖޯން އެފް ކެނެޑީ ލައިބްރަރީ އަދި މިޔުޒިއަމްގަ އެވެ. ދެ ބޭފުޅުން މަޝްވަރާ ކުރެއްވުމަށް ގަޑިއެއްހާއިރު ހޭދަކުރެއްވި އެވެ.
އަމީރު ވިލިއަމް އާއި އަނބިކަނބަލުން ކޭޓް ބޮސްޓަަންއަށް ވަޑއިގެންނެވީ އާތުޝޮޓް ޕްރައިޒްގެ އެވޯޑް ދިނުމުގައުި ހަފުލާގައި ބައިވެރިވެވަޑައިގެންނެވުމަށެވެ. ބައިޑެން އެ ސިޓީއަށް ވަޑައިގެންނެވީ ޑިމޮކްރެޓިކް ޕާޓީގެ ފަންޑްރެއިޒާ އިވެންޓަކަށެވެ.
ވައިޓް ހައުސްގެ ޕްރެސް ސެކެޓްރީ ކެރީން ޖޯން ޕިއޭ ވިދާޅުވީ އަމީރު ވިލިއަމްއާ އެކު މަޝްވަަރާ ކުރެއްވީ ދެ ލީޑަރުން ވެސް އިސްކަން ދެއްވާ މުހިއްމު މައްސަލަތަކާ ގުޅޭ ގޮތުން ކަމަށެވެ.
އެގޮތުން މޫސުމީ ބަދަލުގެ އަސަރު ކުރަން ކަނޑައެޅި ލަނޑުދަނޑިތަކާއި، ނަފުސާނީ ދުޅަހެޔޮކަމުގެ މުހިއްމުކަމާއި، ބަލިތަކުގެ ސަބަބުން ކުރާ އަސަރު ކުޑަ ކުރުން ފަދަ ކަންކަމާ ގުޅޭ މަޝްވަރާ ކުރެއްވި އެވެ.
