ދޯހާ، ގަތަރު (ނޮވެމްބަރު 23) - ގަތަރުގައި މިހާރު ކުރިއަށްދާ ފީފާ ވޯލްޑް ކަޕް މެޗުތަކުގައި އިތުރު ވަގުތު ގިނައިން ކުޅުވާތީ ގިނަ ފުޓްބޯޅަ ސަޕޯޓަރުންނާއި އެނަލިސްޓުންގެ މެދުގައި އެ ވާހަަކަ ވަނީ ބަހުސަކަށް ވެފަ އެވެ.
އެކަމަކު، މި ފަހަރުގެ މުބާރާތް ފެށުމުގެ ކުރިން، ރެފްރީންނަށް ބޭއްވި ސެޝަނަށް ފަހު، ފީފާގެ ރެފްރީސް ކޮމިޓީގެ ޗެއާމަން، ކުރީގެ މަޝްހޫރު ރެފްރީ، ޕިއެރްލުއީޖީ ކޮލީނާ ވަނީ މުބާރާތް ފެށުމުގެ ކުރިން އެކަން ވަރަށް ރަނގަޅަށް ނޫސްވެރިންގެ ބައްދަލުވުމުގައި ކިޔައިދީފަ އެވެ.
ފީފާ އިން މި ފަހަރު ނިންމާފައިވަނީ ހަތަރު ވަނަ ރެފްރީގެ ޒިންމާ ބޮޑުކޮށް މެޗުގައި ގެއްލިގެންދާ ވަގުތަށް ސަމާލުވާން އަންގައިފަ އެވެ. އެގޮތުން އަނިޔާ އާއި ކުޅުންތެރިން ބަދަލުކުރުމާއި ރަތް ކާޑާއި ރީނދޫ ކާޑު ދައްކަން އެ ނަގާ ވަގުތާއި ލީޑުގައި އޮންނަ ޓީމެއް ނޫނީ މެޗުގައި ވަކި ނަތީޖާއެއް ނެރެން މަސައްކަތްކުރުމުގެ ގޮތުން ވަގުތު ބޭކާރުކުރަން ކުރާ ކަންކަމާއި ގޯލު ޖެހުމަށް ފަހު އުފާފާޅުކުރުމަށް އެ ހޭދަވާ ވަގުުތުތަކަށް ވެސް ހަތަރު ވަނަ ރެފްރީ ބަލަން އަންގައިފަ އެވެ.
މި ފަހަރުގެ ވޯލްޑް ކަޕްގައި އިންގްލެންޑާއި އިރާން ކުޅުނު މެޗުގައި އިތުރު ވަގުތުގެ ގޮތުގައި ފުރަތަމަ ހާފުގައި 14 މިނިޓް ދައްކާފައިވޭ.
އެ ހުރިހާ ކަމަކަށް ބެލުމަށް ފަހު މެޗުގެ ރެފްރީގެ ލަފާގެ މަތިން ކޮންމެ ހާފެއްގެ އިތުރަށް ކުޅެން ޖެހޭ ވަގުތު ފައިނަލް ކުރާނެ އެވެ.
"ރަޝިއާގައި އަހަރެމެން (ރަޝިއާގައި 2018 ވަނަ އަހަރު ބޭއްވި ވޯލްޑް ކަޕްގައި)، މަސައްކަތް ކުރިން މެޗުތަކުގައި ވަރަށް ރަނގަޅަށް އިތުރު ވަގުތު ކުޅުވަން އެހެންވެ، ތި މީހުންނަށް ފެންނާނެ ހައެއް ނޫނީ ހަތެއް ނޫނީ އަށް މިނިޓް ވިޔަސް އިތުރަށް ކުޅުވާތަން،" މުބާރާތް ފެށުމުގެ ކުރިން، ބޭއްވި ނޫސްވެރިންގެ ބައްދަލުވުމުގައި ކޮލީނާ ބުންޏެވެ.
"ވިސްނާލަން ޖެހޭ ކަމެއް އެއީ، މިސާލަކަށް ފުރަތަމަ ހާފުގައި އެކަނި ވެސް ތިން ގޯލު ޖަހާ ޓީމެއް ގޯލު ޖެހުމަށް ފަހު އެ އުފާފާޅުކުރުމުގައި އެ ހޭދަވާ ވަގުތުގައި ވެސް އަލުން މެޗު ފެށުމާ ހަމައަށް ހަތަރެއް ނޫނީ ފަސް ވަރަކަށް މިނިޓް ގެއްލިދާނެ،"
ކޮލީނާ ބުނީ ސީޒަނެއްގެ މެދުތެރެއިން ކުޅޭ ވޯލްޑް ކަޕެއްގައި ގާތްގާތުގައި މެޗުތައް ކުޅެން ޖެހޭއިރު، އިތުރު ވަގުތު ގިނައިން ކުޅެން ޖެހުމުގެ ޝަކުވާ އަންނާނެކަން އެނގޭ ކަމަށެވެ.
އެކަމަކު، މިއީ ފުޓްބޯޅަ އަށް އެކިއެކި ޓެކްނޮލޮޖީ ގެނައިއިރު ވެސް ވާހަކަ ދެކެވުނު ކަންކަން ކަމަށާއި ކޮންމެ ކަމަކަށް ވެސް ހޭނެން ވަގުތު ނަގާނެ ކަމަށް ކޮލީނާ ވަނީ ބުނެފަ އެވެ.
މި ފަހަރުގެ ވޯލްޑް ކަޕްގައި އިންގްލެންޑުން އިރާންގެ މައްޗަށް 6-2 އިން ކުރިހޯދި މެޗުގައި ޖުމްލަ އެކު ދެ ހާފުގައި 30 މިނިޓާ ގާތްކުރާ ވަރަށް އިތުރު ވަގުތު ކުޅުނެވެ. އިންގްލެންޑްގެ ކޯޗު ގަރެތު ސައުތުގޭޓް ވަނީ އިތުރު ވަގުތު ގިނަ ވުމުން އެ ޝަކުވާކޮށްފަ އެވެ. އަދި މީގެ ކުރިން ވޯލްޑް ކަޕްގައި ބެލްޖިއަމަށް ކޯޗުކޮށްދިން މާކް ވިލްމޮޓްސް ބުނީ އިތުރު ވަގުތު ގިނައިން ކުޅުވައިގެން ފީފާއިން ކުޅުންތެރިންނަށް ދެނީ ގެއްލުމެއް ކަމަށެވެ.
