އަންގާރަ ދުވަހުގެ ރޭ ފުރިހަމަ ކޭތައެއް ހިފި ވަގުތު، ރަތް ކުލައިން ދިއްލިފައިވާ ހަނދު އުތުރު އެމެރިކާ ބައްރުން ފެށިގެން ގޮސް ބޮޑު ސަރަހައްދަކަށް ފެނިއްޖެ އެވެ.
ކޭތަ ފުރިހަމަވެފައި ހުރީ ޖީއެމްޓީ ގަޑިން 10:17 އާއި 11:42 އާ ދެމެދު އެވެ. އެ ވަގުތުތަކުގައި ދުނިޔޭގެ ހިޔަނި ހަނދުގެ މައްޗަށް އެޅިފައި ހުއްޓެވެ.
އުތުރު އަދި މެދުތެރޭ އެމެރިކާ އާއި ދެކުނު އެމެރިކާ، އޮސްޓްރޭލިއާ، ނިއުޒީލޭންޑް އަދި އޭޝިއާގެ ބައެއް ގައުމުތަކަށް ވެސް އެ ކޭތަ ފެނުނެވެ.
ރާއްޖެއަށް ކޭތަ ފެނުނީ "ޕެނަމްބްރަލް" ކޭތައެއްގެ ގޮތުގަ އެވެ. އެއީ ދުނިޔޭގެ ހިޔަނީގެ ބޭރު ފަށަލަ ހަނދުގެ މައްޗަށް އެޅުމުން ފެންނަ ގޮތެވެ.
ގިނަ ގައުމުތަކަކަށް ކޭތަ ފެނުނު.
ގިނަ ގައުމުތަކަށް ކޭތަ ފެނުނު ނަމަވެސް، ޔޫރަޕަކަށް ނުފެނެ އެވެ. އެހެން ނަމަވެސް، ދެން އެންމެ އަވަހަށް ހިފާ ފުރިހަމަ ހަނދު ކޭތަ ޔޫރަޕަށް ފެންނާނެ އެވެ. އެއީ މާޗް 14، 2025 އެވެ.
ކޭތަ ހިފުމުން ހަނދު ރަތް ކުލައިން ފެންނަނީ އެ ވަގުތުކޮޅު ހަނދާ ހަމައަށް ފޯރާ އިރުގެ މަދު ދޯދިތައް ދުނިޔޭގެ އެޓްމޮސްފިއާގެ ތެރެއިން ލާފައި ދާތީ ކަމަށް ނާސާއިން ބުނެ އެވެ.
އެގޮތުން ކޭތަ ހިފާ ވަގުތު ދުނިޔޭގެ އެޓްމޮސްފިއާގައި ހިރަފުސް އަދި ވިލާ ގިނަވި ވަރަކަށް ހަނދުގެ ރަަތްކަން ގަދަވާނެ ކަމަށް ނާސާއިން ބުންޏެވެ.
