ޓޮޓެންހަމް މުހިންމު މެޗަށް ނުކުންނައިރު އުނދަގޫ ހާލަތެއްގައި

Nov 1, 2022, 8:20 AM
ސްޕޯޓިންއާ ދެކޮޅަށް ކުޅުނު މެޗުގެ ތެރެއިން ޓޮޓެންހަމްގެ ކޭން (ކ) އާއި ހޮއިބިއާ.

ސްޕޯޓިންއާ ދެކޮޅަށް ކުޅުނު މެޗުގެ ތެރެއިން ޓޮޓެންހަމްގެ ކޭން (ކ) އާއި ހޮއިބިއާ.

ލަންޑަން (ނޮވެމްބަރު 1) - ޔުއެފާ ޗެމްޕިއަންސް ލީގުގެ ގްރޫޕް ސްޓޭޖުގެ ފަހު މެޗަށް މިރޭ ނުކުންނައިރު، ނަތީޖާ ނެރެން ޓޮޓެންހަމް ހޮޓްސްޕާސް އަށް ވަނީ މަޖުބޫރުވެފަ އެވެ. އެކަމަކު، މާސޭއާ ދެކޮޅަށް ކުޅޭއިރު، ޓޮޓެންހަމްގެ ކޯޗު އެންޓޯނިއޯ ކޮންޓޭ ހުރީ ސަސްޕެންޝަނެއްގައި ކަމަށްވާތީ، ބެންޗަށް ނުދެވޭނެ އެވެ.

ކޮންޓޭ ނެތުމަކީ ކުޅުންތެރިން އިތުރަށް މަސައްކަތް ކުރަން ލިބޭ ހިތްވަރެއް ކަމަށް ޓޮޓެންހަމްގެ މިޑްފިލްޑަރު އެމީލް ހޮއިބިއާ ވަނީ ބުނެފަ އެވެ.

ޗެމްޕިއަންސް ލީގުގެ ގްރޫޕް ގްރޫޕް ޑީގެ ފަހު މެޗަށް މިރޭ ނުކުންނައިރު ގްރޫޕުގެ ހުރިހާ ޓީމަކަށް ވެސް ދެވަނަ ބުރުގެ ފުރުސަތު އެބައޮތެވެ. މި ގްރޫޕުގައި އޮތް ހަތަރު ޓީމްގެ ތެރެއިން އެންމެ ބޮޑު ފުރުސަތެއް އޮތީ ޓޮޓެންހަމް އަށެވެ. އެ ޓީމަށް މިރޭ މާސޭއާ ދެކޮޅަށް ކުޅޭ މެޗުގައި ބަލިނުވެ، ފަރުޖައްސާލައިގެން ދެ ވަނަ ބުރަށް ދެވޭނެ އެވެ. މާސޭ އަށް އޮތް ހަމައެކަނި ފުރުސަތަކީ މި މެޗުން މޮޅުވުމެވެ.

ދެން މި ގްރޫޕުގައި ހިމެނޭ އަނެއް ދެ ޓީމަށް ބަލާއިރު، ސްޕޯޓިން ލިޒްބަން އާއި ޖަރުމަނުގެ އައިންޓްރަކްޓް ފްރޭންކްފާޓް ވާދަކުރާ މެޗުން މޮޅުވާ ޓީމަކަށް ވެސް ދެ ވަނަ ބުރުން ފުރުސަތު ލިބޭނެ އެވެ. އެ މެޗު، އެއްވަރުވެއްޖެ ނަމަ ފުރުސަތު ލިބޭނީ ސްޕޯޓިން އަށެވެ.

ކޮންޓޭ މިރޭގެ މެޗަށް ސަސްޕެންޑްވީ އެންމެ ފަހުން ކުޅުނު މެޗުގައި ދެއްކި ރަތް ކާޑުގެ ސަބަބުންނެވެ. ކޮންޓޭ އަށް ރަތް ކާޑު ދެއްކީ އިތުރު ވަގުތުގައި ޓޮޓެންހަމް އިން ޖެހި ގޯލެއް ބަލައިނުގަންނަން ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލާފައި ރެފްރީ ނިންމުމުން އެކަމާ ހިތްހަމަނުޖެހުން ފާޅުކުރި ގޮތުންނެވެ.

ކޮންޓޭ ނެތުމާ ގުޅޭގޮތުން ހޮއިބިއާ ބުނީ މިއީ ޓޮޓެންހަމަށް އުނދަގޫ ދަނޑިވަޅެއްކަމުގައި ބަޔަކު ބުންޏަސް އެ ގޮތަށް ކުޅުންތެރިން ނުދެކޭ ކަމަށެވެ.

"މިއީ އަހަރުމެންނަށް އުނދަގޫ ހާލަތެއް ނޫން، ހަމައެކަނި މިއީ ތަފާތު ހާލަތެއް. ކޯޗު ނެތުމަކީ ކުޅުންތެރިންނަށް ލިބޭ ބޮޑު ހިތްވަރެއް. ކޯޗު އަހަރުމެން ތައްޔާރުކޮށްފައި ހުރީ މިކަހަލަ ކޮންމެ ދަނޑިވަޅަކަށް ކެރިގެން ކުރިމަތިލެވޭ ގޮތަށް" ޑެންމާކުގެ ގައުމީ ޓީމުގެ މެދުތެރޭގައި މޮޅު ކުޅުމެއް ދައްކަމުން އަންނަ ހޮއިބިއާ ބުންޏެވެ.

ކޮންޓޭ ނެތުމުގެ އިތުރުން ޓޮޓެންހަމް މުހިންމު ތިން ކުޅުންތެރިއަކަށް މިރޭގެ މެޗުގައި އަނިޔާގެ ސަބަބުން ނުކުޅެވޭނެ އެވެ. އެއީ ފޯވާޑް ރިޗާލިސަން، ވިންގް، ޑޭޔާން ކުލުސެވްސްކީ އަދި ޑިފެންޑަރު ކްރިސްޓިއަން ރޮމޭރޯ އެވެ.

މިރޭގެ މެޗު އެންމެ ބޮޑަށް ހާއްސަވާ އެއް ކުޅުންތެރިއަކީ އާސެނަލްގެ ކުރީގެ ފޯވާޑް އެލެކްސިސް ސަންޗޭޒް އެވެ. ސަންޗޭޒްގެ އިތުރުން އާސެނަލްގެ ކުރީގެ ތިން ކުޅުންތެރިން ކަމަށްވާ މަޓެއޯ ގުއެންޑޫޒީ، ނޫނޯ ޓަވަރޭސް އަދި ސީޑް ކޮލާސިނަޗް އަށް ވެސް މި މެޗު ހާއްސަވާނެ އެވެ.

އާސެނަލްގެ ޒަމާންވީ ވާދަވެރިން ކަމަށްވާ ޓޮޓެންހަމާއި ދެކޮޅަށް ކުޅެން ޖެހޭ މެޗާއި ގުޅޭގޮތުން ސަންޗޭޒް ބުނީ ޓޮޓެންހަމް ބަލިކުރުމަކީ އަބަދުވެސް ލިބޭ ބޮޑު އުފަލެއް ކަމަށެވެ. އާސެނަލާ އެކު ކުރެވުނު ތަޖުރިބާތަކުގެ ހަނދާން ވަރަށް ރަނގަޅަށް އެބަހުރި ކަމަށް ވެސް ސަންޗޭޒް ވަނީ ބުނެފަ އެވެ.

ޗެމްޕިއަންސް ލީގުގައި ހިމެނޭ ހުރިހާ ގްރޫޕްތަކެއްގެ ތެރެއިން މިހާތަނަށް ދެ ވަނަ ބުރުގެ ޖާގައެއް ޔަގީން ނުވާ ހަމައެކަނި ގްރޫޕަކީ މި ގްރޫޕެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox