"ދުނިޔޭގެ އެންމެ މުޑުދާރު މީހާގެ" ގޮތުގައި ނޫސްތަކުން ލޭބަލްކޮށްފައިވާ އިރާނުގެ ރައްޔިތަކު އުމުރުން 94 އަހަރުގައި މަރުވެއްޖެ އެވެ.
އަމޫ ހާޖީ ބައި ގަރުނު ވަންދެން ފެން ނުވަރާ އުޅުނީ ސައިބޯންޏާއި ފެން ބޭނުން ކުރުމުން ބަލިވެދާނެތީ ބިރުން ކަމަށް އިރާނުގެ ނޫސްތަކުން ބުނެ އެވެ.
އިރާނުގެ ދެކުނު ފާރްސް ޕްރޮވިންސްގެ އަވަށެއްގައި އެހެން މީހުންނާ އެކަހެރިކޮށް ދުވަސްތައް ހޭދަކުރި އަމޫ ހާޖީ ފެންވަރުވަން އަވަށުގެ މީހުން ގިނަ މަސައްކަތްތަކެއް ކުރި އެވެ.
ނޫސްތަކުން ބުނީ އަވަށުގެ މީހުންގެ ޕްރެޝަރާ ހެދި، ބަސް ގަބޫލުކޮށް، މީގެ މަސްތަކެއް ކުރިން އަމޫ ހާޖީ ފެންވެރި ކަމަށެވެ. އިރްނާ ނިއުސް އެޖެންސީން ބުނީ އޭގެ ފަހުން އޭނާ ބަލިވި ކަމަށެވެ.
ތެހްރާން ޓައިމްސަށް 2014 ވަނަ އަހަރު ދިން އިންޓަވިއުގައި އަމޫ ހާޖީ ބުނީ އޭނާއަށް އެންމެ މީރީ ޕޯކިޔުޕައުން ނަމަކަށް ކިޔާ ޖަނަވާރު ކަމަށެވެ.
އަދި ދިރިއުޅެނީ ބިމުގައި ކޮނެފައިވާ ވަޅުގަނޑެއްގެ ތެރޭގައި ކަމަށާއި ދެޖްގާ އަވަށުގެ މީހުން ހަދައިދިން ކުޑަ ޖިފުޓިއެއްގައި ވެސް ބައެއް ފަހަރު އުޅޭ ކަމަށް އޭނާ ބުންޏެވެ.
އޭރު އަމޫ ހާޖީ ބުނީ އެހެން މީހުންނާ ތަފާތު ގޮތަކަށް އޭނާގެ ދިރިއުޅުން ކުރިއަށް ދަނީ ކުޑައިރު ދިމާވި ހިތާމަވެރި ހާދިސާތަކަކަށް ފަހުގައި ކަމަށެވެ.
އަހަރުތަކެއް ވަންދެން ފެނުގައި ނުޖެހި އުޅުމުން ހަންގަނޑު ފާރުވެ، ދޮސްލާފައިވާ ކަމަށާއި ކެއުމަށް ބޭނުންކުރީ ކުނިވެފައިވާ މަހާއި ނުތާހިރު ފެން ކަމަށް އިރްނާ ނިއުސް އެޖެންސީން ބުންޏެވެ.
އަމޫ ހާޖީއަކީ ދުންފަތުގެ އިސްތިއުމާލް ކުރުމަށް ލޯބިކުރި މީހެކެވެ. އިރްނާ ނިއުސް އެޖެންސީން ބުނީ އޭނާ ފެން ވަރުވައި ބުއިމަށް ސާފު ފެން ދޭން އުޅުމުން، ވަރަށް ބޮޑަށް ހިތާމަ ކުރި ކަމަށެވެ.
