ދެ ބިލިއަން މީހުން ގަވާއިދުން ބޭނުންކުރާ ވަޓްސްއެޕް މެސެޖިން ޕްލެޓްފޯމް ޑައުންވެއްޖެ އެވެ.
ސޯޝަލް މީޑިއާގައި ޕޯސްޓު ކުރި ގިނަ ބަޔަކު ބުނީ މެސެޖު ނުފޮނުވޭ ކަމަށެވެ. ވަޓްސްއެޕްއަކީ ފޭސްބުކް ހިންގާ މެޓަ ކުންފުނީގެ ޕްލެޓްފޯމެކެވެ.
އޭގެ އިތުރުން އެޕް ހުޅުވުނު ނަމަވެސް، އެއްވެސް މެސެޖެއް ނުލިބޭ ކަމަށް ސޯޝަލް މީޑިއާގައި ހިޔާލު ފާޅުކުރި މީހުން ވަނީ ބުނެފަ އެވެ.
ބައެއް މީހުންނަށް އެޕްގެ މަތިން ފެންނަ މެސެޖަކީ ސާވާއާ ކަނެޓްކްޓުވަމުންދާ ކަމަށެވެ. އެކަމަކު ގިނައިރުތަކެއްވާ އިރު ވެސް ކަނެކްޓްވާ ގޮތެއް ނުވެ އެވެ.
ވަޓްސްއެޕްގެ ތަރުޖަމާނަކު ބުނީ ބައެއް މީހުންނަށް އެޕް ބޭނުން ކުރުމުގައި މައްސަލަތަކެއް ދިމާވަމުންދާ ކަމަށާއި އެކަން ވީ އެންމެ އަވަހަކަށް ހަައްލު ކުރުމަށް މަސައްކަތް ކުރަމުންދާ ކަަމަށެވެ.
ހިދުމަތުގެ ސްޓެޓަސް މޮނީޓާ ކުރާ ޑައުން ޑިޓެކްޓާ ވެބްސައިޓުން ބުނީ ވަޓްސްއެޕް ޑައުންވީ ރާއްޖެ ގަޑިން 12 ޖެހިއިރު ކަމަށެވެ.
