ރޮޒެއިނާގެ ކެތްތެރިކަން ކޮޅުންލައިފި؛ ނަޝީދާމެދު އޮތް ޝަކުވާތައް ބަންޑުންކޮށްލައިފި

މަޖިލީހުގެ ޖަލްސާއެއްގައި އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވާހަކަ ދައްކަވަނީ. -ފޮޓޯ: މަޖިލިސް

މަޖިލީހުގެ ޖަލްސާއެއްގައި އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވާހަކަ ދައްކަވަނީ. -ފޮޓޯ: މަޖިލިސް

ރައްޔިތުންގެ މަޖިލީހުގެ ގަވައިދާ ހިލާފަށް، ހުދުމުހުތާރުކޮށް މަޖިލީހުގެ ރައީސް މުހައްމަދު ނަޝީދު މަޖިލިސް ހިންގަވަމުން ގެންދަވާކަމުގެ ތުހުމަތުތަކާއެކު އައްޑޫ މީދޫ ދާއިރާގެ މެމްބަރު ރޮޒެއިނާ އާދަމްގެ ޝަކުވާތައް ބަންޑުންކޮށްލައިފި އެވެ.

ނަވާރަވަނަ މަޖިލީހުގެ ސާފު އަގުލަބިއްޔަތު ވެރިކަންކުރާ މައި ޕާޓީ، އެމްޑީޕީ ކޮންޓްރޯލްކުރާއިރު، ނަޝީދުގެ ފެކްޝަނާއި ރައީސް އިބްރާހިމް މުހައްމަދު ސޯލިހުގެ ފެކްޝަންގެ މެމްބަރުންގެ މެދުގައި އޮތް ހިޔާލުތަފާތުވުންތައް މިއަދުގެ ޖަލްސާގައި ވަނީ ހޫނުވެފަ އެވެ.

މި ކޯޅުން އެންމެ ފުރަތަމަ ހޫނުވީ، މުޅި މަޖިލީހުގެ ކޮމިޓީން ޓެކްސް ބޮޑުކުރަން ސަރުކާރުން ހުށަހަޅާފައިވާ ބިލު ދިރާސާކުރި ވަގުތުގަ އެވެ.

Advertisement

އެ ބިލު ސަރުކާރުން ހުށަހެޅި ގޮތަށް ފާސްކުރަން އެމްޑީޕީގެ ޕާލިމަންޓަރީ ގުރޫޕުން ތްރިލައިން ވިޕެއް ނެރެފައިވާއިރު، މަޝްވަރާކޮށްލުމުގެ ފުރުސަތު ވެސް ނުލިބޭ ކަމަށް ވިދާޅުވެ ނަޝީދަށް ތާއީދުކުރައްވާ މެމްބަރުން ވަނީ ނުރުހުން ފާޅުކުރައްވައިފަ އެވެ.

އެއާއެކު ދެ ފެކްޝަނުގެ މެދުގައި ކޯޅުން ބޮޑުވެ، ކޮމިޓީ ބައްދަލުވުން ވަނީ ހޫނުވެފަ އެވެ.

އެކަމާ ގުޅުވައި، ނަޝީދު ވަނީ ތްރީލައިން ވިޕު ނެރުނަސް، ކަމާގުޅޭ މާހިރުންގެ ލަފާ އަދި ހިޔާލު ނުހޯދައި ބިލު ފާސްކުރުމުގެ މަރުހަލާ ކުރިއަށް ނުގެންދަވާނެ ކަމަށް ވިދާޅުވެފަ އެވެ.

"މިތަނަށް ކަމާގުޅޭ މާހިރުން އަޅުގަނޑު ގެންނާނަން. މިއަށްފަހުގައި ކޮމިޓީގެ ރިޕޯޓެއް އަނބުރާ ތަޅުމަށް ގެނެސް ވޯޓަށް މި އެހެނީ. އިރާދަކުރެއްވިއްޔާ މި ދެންނެވި ޑިމޮކްރެޓިކް އިޖުރާއަތްތައް އަޅުގަނޑު ހިފަހައްޓާނަން،" ނަޝީދު ވިދާޅުވި އެވެ.

މުޅި މަޖިލީހުގެ ކޮމިޓީއަށްފަހު، ސަރުކާރުގެ ފަރާތުން ހެއްކާބެހޭ ގާނޫނަށް ހުށަހަޅާފައިވާ އިސްލާހުގެ ބިލަށް ބަހުސްކުރައްވަމުން ރޮޒެއިނާ ވަނީ ނަޝީދު މިއަދުގެ ކޮމިޓީ ކުރިއަށް ގެންދެވި ގޮތާމެދު ހިތްހަމަނުޖެހުން ފާޅުކުރައްވާފަ އެވެ.

އޭނާ ވިދާޅުވި ގޮތުގައި، ކޮމިޓީގެ ވަގުތު އިތުރުކުރަން މެމްބަރުން ހުށަހަޅައި އެކަމަށް ތާއީދު ލިބުމުން ނަޝީދު ވަނީ ވޯޓަށް ނާހައި ކޮމިޓީ ނިންމަވާލައްވައިފަ އެވެ. އަދި ކޮމިޓީގައި ވޯޓެއް ނަގައި، މެމްބަރުންގެ ތާއީދު ނެތި، ކޮމިޓީއަށް މާހިރުން ގެންނަން ނަޝީދު އަމިއްލައަށް ނިންމި ނިންމުމަށް ވެސް ރޮޒެއިނާ ވަނީ ވަރަށް ބޮޑަށް ފާޑުވިދާޅުވެފަ އެވެ.

"މަޖިލީހުގެ ގަވައިދަކީ މިހާރު ހަމައެކަނި ކަރުދާހުގައި އޮތް އެއްޗެއް. މަޖިލީހުގެ ރިޔާސަތުގެ މޭޒުގައި އޮތް މަޖިލީހުގެ ގަވައިދާ، މެމްބަރުންގެ މޭޒުގައި އޮތް ގަވައިދަކީ ދޭއްޗެއް ހެން ވެސް އަޅުގަނޑުމެނަށް މިހާރު އެބަ ހީވޭ،" އޭނާ ވިދާޅުވި އެވެ.

ވަރަށް ޖަޒުބާތުގައި ރޮޒެއިނާ އިތުރަށް ވިދާޅުވީ މެމްބަރުންނަށް ވަގުތު ދިނުމުގައި އެކި މެމްބަރުންނަށް އެކި ގޮތަށް ނަޝީދު އަމަލުކުރައްވަމުން ގެންދަވާ ކަމަށެވެ. އަދި މަޖިލީހަށް ހުށަހެޅޭ ކަންކަމުގައި މެމްބަރުންނަށް ބަހުސްކުރަން ލިބޭ ވަގުތުގައި ނަޝީދު ބަހުސްގެ ތެރެއަށް ވަންނަވައި، ހުރިހާ ކަމެއްގައި އަމިއްލަ ވާހަކަތަކާއި ހިޔާލުތައް ދެއްވަމުން ގެންދަވާ ކަމަށް ވެސް އޭނާ ތުހުމަތު ކުރެއްވި އެވެ.

"ސުވާލުގެ ގަޑީގައި މިނިސްޓަރު ދެއްވަންޖެހޭ ޖަވާބު ވެސް އެނގެނީ މަޖިލީހުގެ ރައީސަށް. މެމްބަރުން ކުރަންޖެހޭ ސުވާލު ވެސް އެނގެނީ މަޖިލީހުގެ ރައީސަށް. އަދި އެ ޖަވާބު ދިނީމާ، އޭގެ ތަރުޖަމާ ދެއްވަން އެބަ އުޅުއްވާ،" މިއީ މަޖިލީހުގެ ތާރީހުގައި އެންމެ ހުދުމުހުތާރު ރިޔާސަތު ކަމަށް ސިފަކުރައްވަމުން ރޮޒެއިނާ ވިދާޅުވި އެވެ.

އޭނާ އިތުރަށް ވިދާޅުވި ގޮތުގައި، ނަޝީދަކީ ކުރީގެ ރައީސްކަން ކުރައްވާފައިވާ ބޭފުޅެއް ނަމަވެސް، މަޖިލީހުގެ ރިޔާސަތަކީ ރައީސް އޮފީހެއް ނޫނެވެ. ރައީސުލްޖުމްހޫރިއްޔާއަށް ލިބިވަޑައިގަންނަވާ ބާރުތަކާއި އިހުތިޔާރުތައް މަޖިލީހުގެ ރިޔާސަތުގައި އިންނަވައިގެން ނަޝީދަށް ނޯންނާނެ ކަމަށް ރޮޒެއިނާ ވިދާޅުވި އެވެ.

"މިއީ ރައްޔިތުންގެ މަޖިލިސް. މިތާނގާ ބާރު އޮންނާނީ މަޖިލީހުގެ މެމްބަރުންނަށް. ތި ގޮނޑީގައި އިންނަވާ ބޭފުޅަކީ މިތަނުގެ ކަންތައްތައް ސްމޫތުކޮށް ހިނގާތޯ އިންނަވާ ބޭފުޅެއް. މަޖިލީހުން ނުނިންމައި، މަޖިލީހުގެ ނަމުގައި ސިޓީތައް ތަންތަނަށް ފޮނުވައި، ކޮމިޓީތަކަށް މައްސަލަތައް ފޮނުވައި، މިކަންކަމެއް ނުކުރެވޭނެ،" އޭނާ ވިދާޅުވި އެވެ.

ރޮޒެއިނާ ވިދާޅުވީ މަޖިލީހުގެ ގަވައިދާ އެއްގޮތަށް މަޖިލިސް ހިނގާނެ ގޮތަކަށް މެމްބަރުން މަސައްކަތް ކުރަންޖެހޭ ކަމަށާއި، ނަޝީދު މަޖިލިސް ހިންގަވާ ގޮތުން މަސައްކަތް ކުރަން މެމްބަރުންނަށް އުނދަގޫވެފައިވާ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox