މިދިޔަ ހަފުތާގައި އިރާނުގައި އުމުރުން 15 އަހަރުގެ އަންހެން ކުއްޖަކު މަރުވީ ސަަލާމަތީ ފައުޖުން އަނިޔާ ކުރުމުން ކަމަށް ޓީޗަރުންގެ ޔޫނިއަނުން ތުހުމަތުކޮށްފި އެވެ.
ކޯޑިނޭޓިންގް ކައުންސިލް އޮފް ޓީޗާޒް ސިންޑިކޭޓްސްއިން ބުނީ އަސްރާ ޕަނަހީ މަރުވީ އަރްދާީލްގައި ހުންނަ ސްކޫލް ބަލައި ފާސްކުރުމަށް ހިންގި އޮޕަރޭޝަނުގެ ތެރެއިން ކަމަށެވެ.
އެ ޔޫނިއަނުން ބުނީ ސަލާމަތީ ފައުޖުގެ އޮޕަރޭޝަނުގައި ގިނަ ކުދިންތަކަކަށް އަނިޔާވި ކަމަށެވެ. އެ ކުދިންނަށް ހަމަލާ ދިނީ ރޫހާނޫ ލީޑަރު އާޔަތުﷲ އަލީ ހާމަނާއީއަށް ތާއީދުކޮށް ލަވަޔެއް ކިޔަން ދެކޮޅު ހެދުމުން ކަމަށް އެ ޔޫނިއަނުން ބުންޏެވެ.
އެކަމަކު އޮފިޝަލުން އެ ތުހުމަތު ދޮގު ކުރި އެވެ. ދައުލަތުގެ ޓީވީއިން ބުނީ އަސްރާއަކީ ހިތުގެ މައްސަލައެއް ހުރި ކުއްޖެއް ކަމަށެވެ.
މީގެ މަހެއް ކުރިން އިރާނުގައި ފެށި މުޒާހަރާތަކުގައި ފުރާވަރު އުމުރުގެ އަންހެން ކުދިން މަރުވަމުން ދަނީ ސަލާމަތީ ފައުޖުން އަނިޔާކުރާތީ ކަމަށް އާއިލާތަކާއި އެކްޓިވިސްޓުން ތުހުމަތުކުރެ އެވެ.
އިރާނުގައި ހަމަނުޖެހުން ފެށުނީ ބުރުގާ ނާޅާ ހުރުމުން ހައްޔަރު ކުރި އުމުރުން 22 އަހަރުގެ މަހްސާ އާމިނީ މަރުވުމުންނެވެ. އިރާނުގައި އަންހެނުން ބުރުގާ އެޅުން މަޖުބޫރެވެ.
އޭގެ ފަހުން ސަރުކާރާ ދެކޮޅަށް މުޒާހަރާ ކުރުމުގައި ބައިވެރިވި ނިކާ ޝަކަރަމީ އާއި ސަރީނާ އެސްމާއިލްޒާދެހް ވެސް މަރުވި އެވެ.
