ފިނި ހަނގުރާމައިގެ ދުވަސްވަރު 1962 ވަނަ އަހަރު ކުރިމަތިވި ކިއުބާގެ މިސައިލް ކާރިސާއަށް ފަހު ނިޔުކްލިއާ ހަމަލާއެއްގެ ނުރައްކާ އެންމެ ބޮޑީ މިހާރު ކަމަށް އެމެރިކާގެ ރައީސް ޖޯ ބައިޑެން ވިދާޅުވެއްޖެ އެވެ.
ޔޫކްރެއިން ހަނގުރާމައިގަައި ގެއްލުންތަކެއް ލިބިފައި ވާތީ ނިޔުކްލިއާ ހަތިޔާރު ބޭނުން ކުރުމުގެ ވާހަކަ ރަޝިއާއިން ދައްކަނީ ވަރަށް ސީރިއަސްކޮށް ކަަމަށް ބައިޑެން ވިދާޅުވި އެވެ.
މީގެ ކުރިން ޔޫރަޕިއަން ޔޫނިއަން (އީޔޫ) އިން ވެސް ބުނީ ނިޔުކްލިއާ ހަމަލާ ދިނުމާ ގުޅޭ ގޮތުން ރަޝިއާއިން ދަައްކާ ވާހަކަތަކާ މެދު ސީރިއަސް ވާން ޖެހޭ ކަމަށް ބުނެފަ އެވެ.
އެހެން ނަމަވެސް މިދިޔަ ހަފުތާގައި އެމެރިކާގެ ނޭޝަނަލް ސެކިއުރިޓީ އެޑްވައިޒަރު ޖޭކް ސަލިވަން ވިދާޅުވީ ނިޔުކްލިއާ ހަމަލާގެ ވާހަކަ ރަޝިއާއިން ދެއްކި ނަމަވެސް، ވަގުތުން ވަގުތަށް އެފަދަ ހަމަލާއެއްގެ ނުރައްކާ ނެތް ކަމަށެވެ.
titledesc
ރަޝިއާގެ ރައީސް ލެޑިމިއަ ޕުޓިން މިދިޔަަ ހަފުތާގައި ވިދާޅުވީ ދެ ވަނަ ބޮޑު ހަނގުރާމަ ނިމެން ގާތްވެފައި ވަނިކޮށް، އެމެރިކާއިން ޖަޕާނާ ދެކޮޅަށް ނިޔުކްލިއާ ހަތިޔާރު ބޭނުންކޮށް "ޕްރެސެޑެންޓެއް" ގާއިމްކޮށްފައިވާ ކަމަށެވެ.
އޭގެ އިތުރުން ރަަޝިއާގެ ބިމުގެ ސަރަހައްދު ހިމާޔަތް ކުރަން ލިބެން ހުރި ހުރިހާ ވަސީލާތެއް ބޭނުން ކުރާނެ ކަމުގެ އިންޒާރު ވެސް ޕުޓިން ދެއްވި އެވެ.
ބުރާސްފަތި ދުވަހު ރަޝިއާ ފޮރިން މިނިސްޓްރީގެ ތަރުޖަމާނަކު ނޫސްވެރިންނަށް ވިދާޅުވީ ނިޔުކްލިއާ ހަނގުރާމަ "ދުވަހަކު ވެސް ކޮށްގެން ނުވާނެ" ކަމަަށް ރަޝިއާއިން ގެންގުޅޭ ވިސްނުމަށް ބަދަލެއް ނާންނަ ކަމަަށެވެ.
