ދެ ފުށް ފެންނަ ސުލްހަވެރި އިންތިހާބަކަށް ރިޔާސީ އިންތިހާބު ވާން ޖެހޭ: ނަޝީދު

ބައިނަލްއަޤްވާމީ ޑިމޮކްރަސީ ދުވަސް ފާހަގަކުރުމުގެ ގޮތުން  ރައްޔިތުންގެ މަޖިލީހުގެ އިދާރާއިން ބޭއްވި މަޒުމޫނު ލިޔުމުގެ މުބާރާތާއި ކުރެހުމުގެ މުބާރާތުގެ ނަތީޖާ ފާޅުކުރުމުގެ ރަސްމިއްޔާތުގައި ރައީސް މުހައްމަދު ނަޝީދު ވާހަކަފުޅު ދައްކަވަނީ --- ފޮޓޯ: މަޖިލިސް އިދާރާ

ބައިނަލްއަޤްވާމީ ޑިމޮކްރަސީ ދުވަސް ފާހަގަކުރުމުގެ ގޮތުން ރައްޔިތުންގެ މަޖިލީހުގެ އިދާރާއިން ބޭއްވި މަޒުމޫނު ލިޔުމުގެ މުބާރާތާއި ކުރެހުމުގެ މުބާރާތުގެ ނަތީޖާ ފާޅުކުރުމުގެ ރަސްމިއްޔާތުގައި ރައީސް މުހައްމަދު ނަޝީދު ވާހަކަފުޅު ދައްކަވަނީ --- ފޮޓޯ: މަޖިލިސް އިދާރާ

އަންނަ އަހަރު ރިޔާސީ އިންތިހާބު އޮންނާނެ ކަމަށާއި އެ އިންތިހާބަކީ މިނިވަން އިންތިހާބަކަށް ވުމަކީ ވަރަށް ބޭނުންތެރި ކަމެއް ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ބައިނަލްއަޤްވާމީ ޑިމޮކްރަސީ ދުވަސް ފާހަގަކުރުމުގެ ގޮތުން ރައްޔިތުންގެ މަޖިލީހުގެ އިދާރާއިން ބޭއްވި މަޒުމޫނު ލިޔުމުގެ މުބާރާތާއި ކުރެހުމުގެ މުބާރާތުގެ ނަތީޖާ ފާޅުކުރުމުގެ ރަސްމިއްޔާތުގައި ވާހަކަފުޅު ދައްކަވަމުން ނަޝީދު ވަނީ އެއީ ދެ ފުށް ފެންނަ ގޮތަށް ބާއްވާ ސުލްހަވެރި އިންތިހާބަކަށްވާން ޖެހޭ ކަމަށެވެ.

"ގާނޫނު ތަންދޭ ހުރިހާ އެންމެނަށް އެ އިންތިހާބުގައި ބައިވެރިވެވޭނެ. ހުރިހާ ރައްޔިތުންނަށް ވެސް އެ މީހުން އެދޭ ގޮތަށް އެ އިންތިހާބުގައި ވޯޓު ދެވޭނެ،" ނަޝީދު ވިދާޅުވި އެވެ.

ލާމަރުކަޒީ ނިޒާމުގެ ތެރެއިން ރަށްވެހިކަން ކުރިއަށްގެންގޮސް ރަށްރަށުގެ ތަރައްގީގެ ކަންކަމުގައި ކައުންސިލުތަކަށް ބަސް ބުނުމުގެ ފުރުސަތު މީގެކުރިއާ އަޅާބަލާއިރު ހާސް ގުނަ ތަފާތު ކަމަށް ވެސް އެމަނިކުފާނު ވިދާޅުވި އެވެ.

"ދިވެހިން އުފުލަމުން ގެންދިޔަ ވޭން، ޑިމޮކްރަސީއަށްޓަކައި ތެދުވި ކޮންމެ މީހަކަށް ލިބުނު އަނިޔާ، ލިބުނު ގެއްލުން އެއީ މި ބާވަތުގެ ދުވަހެއްގައި އަޅުގަނޑުމެން ކޮންމެހެން ވެސް ހަނދާން ކުރަން ޖެހޭ ޒާތުގެ ވާހަކަ. ރާއްޖޭގެ ޖަލުތަކުގައި ކުރެވުނު އަނިޔާ، އެއީ މިނިވަންކަމުގެ ރޫހަށް މަސައްކަތްކުރި ކޮންމެ މީހަކު ފިއްތުމަށް، އޮބަހެއްޓުމަށް ހުއްޓުވުމަށް ކުރަމުންގެންދިޔަ ނުތާހިރު އަނިޔާ،" ނަޝީދު ވިދާޅުވި އެވެ.

ޑިމޮކްރަސީ އަކީ ދެނެގަންނަން އުނދަގޫ ފަލްސާއެއް ކަމަށް ވިދާޅުވެ ނަޝީދު ވަނީ އެ ނިޒާމުގެ އަސާސީ ސިފަތައް ވިދާޅުވެ ދެއްވާފަ އެވެ.

"ޑިމޮކްރަސީގެ ކިތަންމެ ގޮތްތަކެއް އެބަ ހުރޭ. އެހެން ނަމަވެސް އަބަދުވެސް އަމާޒަކީ އެއް އަމާޒެއް. އެއީ ރައްޔިތުންގެ ބައިވެރިވުމާ އެކީ، ރައްޔިތުންގެ ރުހުމާ އެކީ ވެރިކަން ހިންގަމުން ދިޔުން،" މިއަދުގެ ރަސްމިއްޔާތުގައި ރައީސް ނަޝީދު ވިދާޅުވި އެވެ.

ރާއްޖެ އަކީ އަބަދުވެސް ވަރަށް ތައުލީމީ ގައުމެއްކަން ފާހަގަކުރައްވައި ނަޝީދު ވަނީ އޭގެ ނަތީޖާއެއްގެ ގޮތުން ވެރިކަން ހިންގުމުގައި ބައިވެރިވުމަށް ދިވެހިން އެދޭ މިންވަރު އިތުރުވި ކަމަށް ވިދާޅުވެފަ އެވެ. އަދި، އެކަމާ ގުޅިގެން ރާއްޖޭގައި ގާނޫނު އަސާސީއެއް އެކުލަވާލެވި ރައްޔިތުންގެ މަޖިލީހެއް އެކުލަވާލެވުނު ކަމަށް ވެސް އެމަނިކުފާނު ވިދާޅުވި އެވެ.

"ރާއްޖޭގެ ޑިމޮކްރަސީގެ މައި ގެއަކީ މި ގެ [ރައްޔިތުންގެ މަޖިލިސް]. ރާއްޖޭގެ ރައްޔިތުންގެ މަޖިލިސް ކުރާ ގެ. ސިޔާސީ ހަރަކާތުގެ ނާރެސްއަކީ މިއީ. ބައެއް ފަހަރު މިތަނުގައި ހިނގާ ބައެއް ކަންކަމަކީ ވަރަށް ހައްސާސް ކަންކަމަށް ވެގެންދޭ،" އެމަނިކުފާ ވިދާޅުވި އެވެ.

މިހާރު އަމަލުކުރަމުންދާ ގާނޫނޫ އަސާސީން ޑިމޮކްރަސީއަށް ފުޅާ މިންވަރެއްގައި ޖާގަ ދޭ ކަމަށާއި އެގޮތުން ގިނަ ހައްގުތަކެއް ކަށަވަރު ކުރެވިފައިވާއިރު އިންތިހާބަކުން މެނުވީ ވެރިކަން ބަދަލުނުކުރެވޭ ގޮތަށް ކަންކަން ރޭވިފައިވާ ކަމަށް އެމަނިކުފާނު ވިދާޅުވި އެވެ.

"ވެރިކަމެއް އުފެދިގެން އަންނަނީ ރައްޔިތުންގެ އުންމީދުތަކާއި، ރައްޔިތުންގެ އެދުންތައް، ރައްޔިތުންގެ އިހުސާސްތައް ހިމެނޭ ސިޔާސަތުތަކެއް ތަންފީޒުކުރުމަށް އެކުލަވާލެވޭ ސަރުކާރެއް މެދުވެރިވެގެންކަން އެއީ ގާނޫނު އަސާސީން ލިބިދީފައިވާ ކިތަންމެ ސިފައެއްގެ ތެރެއިން ބައެއް ސިފަ،" ރައީސް ނަޝީދު ފާހަގަކުރެއްވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox