އިޓަލީ ސެމީ އަށް، އިންގްލެންޑާއި ޖަރުމަނު އެއްވަރު

Sep 27, 2022, 4:20 AM
ލަނޑު ޖެހުމަށް ފަހު އިޓަލީ ކުޅުންތެރިން އުފާފާޅުކުރަނީ

ލަނޑު ޖެހުމަށް ފަހު އިޓަލީ ކުޅުންތެރިން އުފާފާޅުކުރަނީ

ލަންޑަން (ސެޕްޓެމްބަރު 27) - ޔުއެފާ ނޭޝަންސް ލީގުގައި ރޭ ހަންގޭރީ އަތުން 2-0 އިން މޮޅުވެ، އިޓަލީ ސެމީ ފައިނަލަށް ދިޔައިރު، ފޯރިގަދަ ކުޅުމަކަށް ފަހު އިންގްލެންޑާއި ޖަރުމަނު 3-3 އިން އެއްވަރުވެއްޖެ އެވެ.

ނޭޝަންސް ލީގުގެ ސެމީގެ ހަތަރު ޖާގައިގެ ތެރެއިން ތިން ޖާގަ ވަނީ ކަށަވަރުވެފަ އެވެ. އެ ގޮތުން ސެމީ އަށް ގޮސްފައިވާ ގައުމުތަަކަކީ އިޓަލީ، ނެދަލެންޑްސް އަދި ކްރޮއޭޝިއާ އެެވެ. ދެން އޮތް ޖާގަ އަށް ވާދަކުރަނީ ސްޕެއިނާއި ޕޯޗުގަލް އެވެ.

ނޭޝަންސް ލީގުގެ ޑިވިޝަން އެކެއްގެ ގްރޫޕް ސީގެ އެއް ވަނަ ހޯދައި އިޓަލީން ސެމީ ފައިނަލަށް ދިޔައީ ހަ މެޗުން 11 ޕޮއިންޓް ހޯދައިގެންނެވެ. ދެ ވަނަ ހޯދި ހަންގޭރީ އަށް ވަނީ ހަ މެޗުން 10 ޕޮއިންޓް ލިބިފަ އެވެ. ޖަރުމަނަށް ހަ މެޗުން ހަތް ޕޮއިންޓް ލިބުނުއިރު، މޮޅެއް ނުލިބި އިންގްލެންޑް ގްރޫޕް ނިންމާލީ ހަ މެޗުން ތިން ޕޮއިންޓާ އެކު އެވެ. އިންގްލެންޑް ވަނީ ނޭޝަންސް ލީގުގެ ދެ ވަނަ ޑިވިޝަނަށް ރެލިގޭޓްވެފަ އެވެ.

Advertisement

ހަންގޭރީގެ ޕުސްކަސް އެރީނާގައި ރޭ ކުޅުނު މެޗުގައި އިޓަލީން ވަނީ ފުރަތަމަ ހާފުގައި ލީޑުނަގައިފަ އެވެ. ހަންގޭރީގެ ފަހަތުން ހެދި ގޯހެއްގެ ފައިދާނަގައި މި ގޯލު ޖެހީ މި ވަގުތު ރަނގަޅު ފޯމެއްގައި ހުރި އިޓަލީގެ ފޯވާޑް ޖިއަކޯމޯ ރަސްޕަޑޯރީ އެވެ.

ދެ ވަަނަ ހާފްގެ ކުޅުން ފެށިގެން ހަތް މިނިޓް ތެރޭ އިޓަލީން ދެ ވަނަ ގޯލެއް ޖެހި އެވެ. މި ލަނޑު ޖެހީ މެޗުގެ 52 ވަނަ މިނިޓްގައި ބްރަޔާން ކްރިސްޓަންޓޭ ނެގި ހުރަހަކުން ފެޑެރީކޯ ޑިމާކޯ އެވެ.

ވެމްބްލީ ސްޓޭޑިއަމްގައި ރޭ ކުޅުނު މެޗުގެ ހަ ގޯލު ވެސް ފެނުނީ ދެ ވަނަ ހާފުގަ އެވެ. ފުރަތަމަ ހާފުގައި އިންގްލެންޑަށް ލީޑުނަގައިދޭން ރަހީމް ސްޓާލިން ޖެހި ބޯޅައެއް ޖަރުމަނުގެ ކީޕަރު ޓާ ސްޓެގެން ވަނީ މަތަކޮށްފަ އެވެ. ޖަރުމަނުން ލީޑުނެގީ މެޗުގެ 52 ވަނަ މިނިޓްގައި އިލްކާއި ގުންޑޮގާން ޖެހި ޕެނަލްޓީންނެވެ. މިއީ އިންގްލެންޑްގެ ހެރީ މެގުއާ އޭރިއާތެރެއިން ޖަރުމަނުގެ ޖަމާލް މުސިއާލާ އަށް ކުރި ފައުލަކަށް ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލާފައި ދިން ޕެނަލްޓީ އެކެވެ.

އިންގްލެންޑްގެ ހެރީ ކޭން ޕެނަލްޓީ ކާމިޔާބު ކުރުމަށް ފަހު އުފާފާޅުކުރަނީ.--- ފޮޓޯ: އޭއެފްޕީ

މެޗުގެ 67 ވަނަ މިނިޓްގައި ކައުންޓަ އެޓޭކަކުން ޖަރުމަނުގެ ދެ ވަނަ ގޯލު ޖެހީ ކައި ހަވާޓްޒް އެވެ. ޓިމޯ ވާނާ ދިން ބޯޅަ ކޮންޓްރޯލް ކުރުމަށް ފަހު ހަވާޓްޒް ޖެހި ބޯޅަ ވަނީ ގޯލުގެ މަތީ ކަނަށެވެ. އިންގްލެންޑުން ވަނީ އޭގެ ފަހުން 12 މިނިޓް ތެރޭ ތިން ގޯލު ޖަހައި ނަތީޖާ އަނބުރާލައިފަ އެވެ. މިއީ އެ ޓީމުގެ ކޯޗު ގަރެތު ސައުތުގޭޓް ގެނައި ދެ ބަދަލަށް ފަހު އައި ގޯލުތަކެކެވެ. ސައުތުގޭޓް ވަނީ ޖަރުމަނުން ދެ ގޯލުގެ ލީޑުނެގިތަނާ މޭސަން މައުންޓާއި ބުކާޔޯ ސަކާ ކުޅެން އަރުވައިފަ އެވެ.

އިންގްލެންޑްގެ ފުރަތަމަ ގޯލު 71 ވަަނަ މިނިޓްގައި ޖެހީ އޭރިއާތެރެއިން ލޫކް ޝޯ އެވެ. އޭގެ ހަތަރު މިނިޓް ފަހުން ސަކާ ދިން ބޯޅައަކުން މައުންޓް ވަނީ ގޯލެއް ޖަހައި، ނަތީޖާ ހަމަހަމަކޮށްދީފަ އެވެ. އިންގްލެންޑަށް ލީޑު ލިބުނީ 83 ވަނަ މިނިޓްގައި ހެރީ ކޭން ޖެހި ޕެނަލްޓީންނެވެ. މިއީ އިންގްލެންޑްގެ ޖޫޑް ބެލިންހަމް އަށް ކުރި ފައުލަކަށް ވީއޭއާރް އިން ބަލާފައި ދިން ޕެނަލްޓީ އެކެވެ.

ހަ މެޗުގެ ތެރެއިން ފުރަތަމަ ފަހަރަށް މޮޅެއް ހޯދަން އިންގްލެންޑުން ކުރި މަސައްކަތް ފެނަށް ދިޔައީ މެޗުގެ 87 ވަނަ މިނިޓްގައި ކައި ހަވާޓްޒް އިތުރު ގޯލެއް ޖަހައި ޖަރުމަނަށް އެއްވަރުކޮށް ދިނުމުންނެވެ. މިއީ އޭރިއާބޭރުން ސާޖް ގްނަބްރީ ޖެހި ޝޮޓެއް އިންގްލެންޑްގެ ކީޕަރު ނިކް ޕޯޕް އަތުގައި ޖެހިފައި ނުކުތް ވަގުތު ރީބައުންސް ބޯޅައަކުން ހަވާޓްޒް ޖެހި ގޯލެކެވެ.

އިންގްލެންޑަށް މި މެޗުގައި ވެސް މޮޅެއް ނުލިބި ނިންމާލަން ޖެހުނުއިރު، ނޮވެމްބަރު މަހު ގަތަރުގައި ފަށާ ވޯލްޑް ކަޕްގެ ކުރިން އެ ޓީމުގެ ކޯޗު ސައުތުގޭޓަށް އޮތް ޕްރެޝަރު ވަނީ ބޮޑުވެފަ އެވެ. މިއީ އިންގްލެންޑުން 1993 ވަނަ އަހަރަށް ފަހު މޮޅެއް ނުލިބި މިހާ ގިނަ މެޗު ނިންމާލަން ޖެހުނު ފުރަތަމަ ފަހަރެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox