ނޭޝަންސް ލީގު: ހަންގޭރީން ޖަރުމަނު ބަލިކުރިއިރު، އިޓަލީން އިންގްލެންޑް ރެލިގޭޓްކޮށްލައިފި

Sep 24, 2022, 12:28 AM
ނޭޝަންސް ލީގު: ހަންގޭރީން ޖަރުމަނު ބަލިކުރިއިރު، އިޓަލީން އިންގްލެންޑް ރެލިގޭޓްކޮށްލައިފި

ލައިޕްޒިގު، ޖާމަނީ (ސެޕްޓެމްބަރު 24) - ޔުއެފާ ނޭޝަންސް ލީގުގައި ރޭ ކުޅުނު މެޗުތަކުން ހަންގޭރީން ޖަރުމަނު ބަލިކުރިއިރު، އިޓަލީ އަތުން ބަލިވެ، އިންގްލެންޑް ނޭޝަންސް ލީގުގެ ދެ ވަނަ ޑިވިޝަނަށް ރެލިގޭޓްވެއްޖެ އެވެ.

ހަންގޭރީން ޖަރުމަނު ދަނޑުގައި މޮޅުވީ 1-0 އިންނެވެ. އިޓަލީން ވަނީ އަމިއްލަ ދަނޑުގައި އިންގްލެންޑް އަތުން 1-0 އިން މޮޅުވެފަ އެވެ. މި ގްރޫޕްގައި ބާކީ އެއް މެޗު ކޮންމެ ޓީމަކަށް އޮތްއިރު، އިންގްލެންޑް ރެލިގޭޓްވުމުން، އެ ޓީމު ދެން އަންނަ ނޭޝަންސް ލީގުގެ ދެ ވަނަ ޑިވިޝަނުން ފަށަން ޖެހޭއިރު، 2024 ވަނަ އަހަރުގެ ޔޫރޯ ކޮލިފައިންގައި ގުރުއަތުލުން ބާއްވާއިރު، ދެ ވަނަ ޕޮޓަށް ވެއްޓޭނެ އެވެ.

ގްރޫޕްގެ އެއް ވަނައިގައި ހަންގޭރީ އޮތީ ފަސް މެޗުން 10 ޕޮއިންޓް ހޯދައިގެންނެވެ. ދެ ވަނައިގައި އޮތް އިޓަލީ އަށް ފަސް މެޗުން އަށް ޕޮއިންޓް ލިބިފައިވާއިރު، ތިން ވަނައިގައި އޮތް ޖަރުމަނަށް ވަނީ ހަ ޕޮއިންޓް ލިބިފަ އެވެ. ފަސް މެޗު ކުޅުނުއިރު، އިންގްލެންޑަށް އަދި މޮޅެއް ނުލިބެ އެވެ. އެ ޓީމު ފުލުގައި އޮތީ ދެ ޕޮއިންޓާ އެކު އެވެ.

Advertisement

މިލާނުގެ ސެންސީރޯ ސްޓޭޑިމުގައި ރޭ ކުޅުނު މެޗުގައި އިޓަލީގެ ހަމައެކަނި ގޯލު ޖެހީ ފަަހަކަށް އައިސް ނަޕޯލީގައި ވެސް މުހިންމު ގޯލުތަކެއް ޖަހަމުން އަންނަ، ފޯވާޑް، ޖިއަކޯމޯ ރަސްޕަޑޯރީ އެވެ. މެޗުގެ 68 ވަނަ މިނިޓްގައި، އިޓަލީގެ ކެޕްޓަން ލެއޮނާޑޯ ބޮނޫޗީ ފަހަތުން ދިން ބޯޅައެއް އިނގިރޭސި އޭރިއާތެރެއިން ރަސްޕަޑޯރީ ކޮންޓްރޯލް ކޮށްލުމަށް ފަހު ގޯލުގެ ދުރު ކަނަށް ވައްދާލީ އިންގްލެންޑްގެ ކީޕަރު ނިކް ޕޯޕަށް އެއްވެސް ފުރުސަތެއް ނުދީ އެވެ. ޕޯޕް މި މެޗުގައި ކުުޅުވީ އިނގިރޭސި އެއް ވަަނަ ކީޕަރު ޖޯޑަން ޕިކްފޯޑް އަނިޔާގައި ހުރުމުންނެވެ.

ހަންގޭރީގެ ކެޕްޓަން ސަލާއި މެޗަށް ފަހު އުފާފާޅުކުރަނީ

ލައިޕްޒިގުގެ ރެޑްބުލް އެރީނާގައި ކުޅުނު ރޭގެ މެޗުގެ 17 ވަނަ މިނިޓްގައި ހަންގޭރީގެ ހަމައެކަނި ގޯލު ޖެހީ ޓީމުގެ ކެޕްޓަން، އެޑަމް ސަލާއި އެވެ. މިއީ ޑޮމިނިކް ސޮބޯސްލާއީ ނެގި ކޯނަރަކަށް އަރައި ސަލާއި ޖެހި މޮޅު ގޯލެކެވެ. ބޯޅަ ގޯލަށް ވަންއިރު، ޖަރުމަނު ގޯލުގައި ހުރި މާކް އަންދްރޭ ޓާސްޓެގެން އަށް މާ ބޮޑު ކަމެއް ނުކުރެވުނެވެ. ސްޓެގެން މި މެޗުގައި ކުޅުނީ ޖަރުމަނުގެ ކެޕްޓަން މެނުއަލް ނޯޔާއާ ކޮވިޑް ޖެހިގެން ޓީމުން ބާކީކުރުމުންނެވެ.

ނަތީޖާ ހަމަހަމަކުރަން މެޗުގެ 26 ވަނަ މިނިޓްގައި ބަޔާންގެ ލެރޯއި ސާނޭ އޭރިއާބޭރުން ޖެހި ބޯޅަ ހުރަސްދަނޑިމަތިން ދިޔައިރު، ފުރަތަމަ ހާފު ނިމުމުގެ ކުރިން ތޯމަސް މުލާ ޖެހި ބޯޅަ އަމާޒުވީ ހަންގޭރީގެ ކީޕަރު ޕީޓަ ގުލާޝީ އަތަށެވެ. ދެ ވަނަ ހާފުގައި ސާނޭ އާއި ޓިމޯ ވާނާ އޭރިއާތެރެއިން ޖެހި ބޯޅަތައް ވެސް ކީޕަރު ގުލާޝީ ވަނީ ހުއްޓުވައިފަ އެވެ.

ހަންގޭރީ އަށް ދެ ވަނަ ގޯލެއް ޖަހައިދޭން މެޗުގެ 73 ވަނަ މިނިޓްގައި އެޑަމް މާޓިން ޖެހި ބޯޅަ ޓާ ސްޓެގެން ވަނީ މަތަކޮށްފަ އެވެ.

މިއީ ޖަރުމަނު ކޯޗުކަމާ ހަންސީ ފްލިކް ހަވާލުވި ފަހުން އެ ޓީމު ކުޅުނު 14 މެޗުގެ ތެރެއިން ބަލިވި ފުރަތަމަ ފަހަރެވެ. މީގެ ކުރިން ކުުޅުނު 13 މެޗުގެ ތެރެއިން ނުވަ މެޗުން މޮޅުވިއިރު، ހަތަރު މެޗު ނިމުނީ އެއްވަރުވެގެންނެވެ.

މި ގްރޫޕުން ސެމީގެ ފުރުސަތު އޮތީ ހަންގޭރީ އާއި އިޓަލީ އަށެވެ. އަންނަ އަންގާރަ ދުވަހުގެރޭ ހަންގޭރީން އަމިއްލަ ދަނޑުގައި އިޓަލީ ކައިރިން އެއްވަރުކޮށްލައިގެން ވެސް ސެމީ އަށް ދެވޭނެ އެވެ. އެންމެ ފަހުގެ ޔޫރޯ ޗެމްޕިއަން އިޓަލީ އަށް ސެމީގެ ޖާގައެއް ލިބޭނީ ހަންގޭރީ ބަލިކޮށްގެންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox