ގައުމީ މުބާރާތުގައި ވެސް ސާއިދާއި ޖާއިޝާ އަދި ފަޒީލްގެ ކާމިޔާބީ ކުރިއަށް

Sep 23, 2022, 10:25 PM
ގައުމީ މުބާރާތުގެ އިވެންޓްތަކުގެ ތެރެއިން ސާއިދު (ކ)، ޖާއިޝާ (މ) އަދި ފަޒީލް.-- ފޮޓޯ: މުހައްމަދު ޝާބިން/ އަދަދު

ގައުމީ މުބާރާތުގެ އިވެންޓްތަކުގެ ތެރެއިން ސާއިދު (ކ)، ޖާއިޝާ (މ) އަދި ފަޒީލް.-- ފޮޓޯ: މުހައްމަދު ޝާބިން/ އަދަދު

މިހާރު ކުރިއަށްދާ ގައުމީ އެތުލެޓިކްސް މުބާރާތުގެ ދެ ވަނަ ދުވަހުގެ އިވެންޓްތަކުގައި ވެސް ރާއްޖޭގެ އެންމެ ބާރު ދުވުންތެރިޔާ، ހަސަން ސާއިދު އާއި ދިގު ދުވުންތަކުގައި ތަފާތު ދައްކަމުން އަންނަ ހުސެއިން ފަޒީލް ހާރޫން (ފްލޭޝް) އަދި އައިޝަތު ޖާއިޝާ ޖުނީޒް ކާމިޔާބީ ތަކުރާރުކޮށްފި އެވެ.

މި ފަހަރުގެ ދުވުމުގެ 100 މީޓަރު ކާމިޔާބުކުރި ސާއިދު ވަނީ މިއަދު 200 މީޓަރު ރޭސް ވެސް ކާމިޔާބުކޮށްފަ އެވެ. ސާއިދު 200 މީޓަރު ރޭސް ނިންމީ 21.80 ސިކުންތުންނެވެ.

Advertisement

ފޯރިގަދަކޮށް ކުރިއަށްދިޔަ ދެ ވަނަ ހޯދި އަހުމަދު ނަޖުދާން އަބްދުﷲގެ ޓައިމިން އަކީ 22.77 ސިކުންތެވެ. އަދި ތިން ވަނަ ހޯދި މުހައްމަދު މިންހާލް ޝާމިން ރޭސް ނިންމީ 22.78 ސިކުންތުންނެވެ.

އަންހެނުންގެ 200 މީޓަރު ރޭސް ކާމިޔާބުކުރީ ދާދި ފަހުން ގދ. ތިނަދޫގައި އެ އަތޮޅު ކައުންސިލުން އިންތިޒާމްކޮށްގެން ކުރިއަށްގެންދިޔަ އެތުލެޓިކްސް މުބާރާތުގެ 17 އަހަރުން ދަށުގެ ކެޓަގަރީގެ 100 މީޓަރާއި 200 މީޓަރު ރޭހުން ރަން ވަނަ ހޯދި ޒުވާން ދުވުންތެރިޔާ، ހދ. ކުޅުދުއްފުށީ އަހުނާ ނިޒާރު އެވެ. ދެ ވަނަ ހޯދީ 27:12 ސިކުންތުން ރޭސް ނިންމި ހައްވާ މުޒްނާ ފާއިޒު އެވެ. އަދި ތިން ވަނަ އަށް ދިޔަ ރިފާ މުހައްމަދުގެ ޓައިމިން އަކީ 27:16 ސިކުންތެވެ.

މިއަދު ކުރިއަށްދިޔަ 200 މީޓަރު ދުވުމުގެ ތެެރެއިން ޒުވާން ސްޕްރިންޓަރު އަހުނާ ދުވަނީ.--- ފޮޓޯ: އިމޭޖަސް.އެމްވީ

ރާއްޖޭގެ އެންމެ ކާމިޔާބު ސްޕްރިންޓް ދުވުންތެރިޔާ، އައިޝަތު ހިމްނާ ހަސަން، މި ފަހަރު ސްޕްރިންޓް ދުވުންތަކުގައި ނުދުވެ އެވެ. އެއީ އޭނާ ޖެމެއިކާ ޓްރެއިނިން ކޭމްޕް ދިއުމަށް ވިސާ ޖެހުމަށް ދާދި ފަހުން ލަންކާ އަށް ދާން ޖެހުމުން ޓްރެއިނިން މެދުކަނޑާލަން ޖެހުމާ އެކު އެވެ. ހިމްނާ ނެތި، 100 މީޓަރު ދުވުމުން އެއް ވަނަ ހޯދީ މަރިޔަމް އަލްހާ ހުސެއިންނެވެ.

ފުރަތަމަ ދުވަހު 5000 މީޓަރު ދުވުމުން ރަން މެޑަލް ހޯދި ފަޒީލް އާއި ޖާއިޝާ ވަނީ 1500 މީޓަރު ރޭސް ކާމިޔާބުކޮށްފަ އެވެ. ޖާއިޝާ 5 މިނިޓް 08.43 ސިކުންތުން ރޭސް ނިންމިއިރު، ދެ ވަނަ ހޯދި އައިޝަތު ރާނިޔާގެ ޓައިމިން އަކީ 5 މިނިޓް 27.98 ސިކުންތެވެ. އަދި ތިން ވަނަ އަށް ދިޔަ އައިމިނަތު ލުމާ އަސްލަމްގެ ޓައިިމިން އަކީ 5 މިނިޓް 59.80 ސިކުންތެވެ.

ފަޒީލް، ރޭސް ނިންމީ 4 މިނިޓް 10.83 ސިކުންތުންނެވެ. ދެ ވަނަ ހޯދި އަހުމަދު ވިސާމްގެ ޓައިމިން އަކީ 4 މިނިޓް 13.12 ސިކުންތުންނެވެ. ތިން ވަނަ ހޯދި ޔޫސުފް އިބްރާހިމްގެ ޓައިމިން އަކީ 4 މިނިޓް 13.13 ސިކުންތުންނެވެ.

މާދަމާ 800 މީޓަރުގެ ރޭހުގައި ޖާއިޝާ އާއި ފަޒީލް ވާދަކުރާނެ އެވެ. މި ދެ އިވެންޓަކީ މި ދެ އެތުލީޓުންނަށް ގައުމީ މުބާރާތުގެ މޮޅު އެތުލީޓުގެ މަގާމު ހޯދަން ބަލާއިރު މުހިންމު ދެ އިވެންޓެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox