ގައުމީ މުބާރާތުގެ 100 މީޓަރު ރޭސް ކާމިޔާބުކުރީ ސާއިދު އާއި އަލްހާ

Sep 23, 2022, 8:15 AM
އިއްޔެގެ ރޭހުގައި ސާއިދު (ވ) އާއި އަލްހާ ދުވަނީ.-- ފޮޓޯ: އިމޭޖަސް.އެމްވީ

އިއްޔެގެ ރޭހުގައި ސާއިދު (ވ) އާއި އަލްހާ ދުވަނީ.-- ފޮޓޯ: އިމޭޖަސް.އެމްވީ

ހުޅުމާލޭ ސިންތެޓިކް ޓްރެކުގައި އިއްޔެ ފެށި ގައުމީ އެތުލެޓިކްސް މުބާރާތުގެ 100 މީޓަރުގެ ރޭހުގެ ފިރިހެން ބައިގެ އެއް ވަނަ، ރާއްޖޭގެ އެންމެ ބާރު ދުވުންތެރިޔާ ހަސަން ސާއިދު ހޯދިއިރު، އަންހެން ބައިން މަރިޔަމް އަލްހާ ހުސެއިން ރަން މެޑަލް ހޯދައިފި އެވެ.

ސާއިދު ރަން މެޑަލް ހޯދީ އިއްޔެގެ ހީޓާއި ފައިނަލްގެ ވެސް އެއް ވަނަ ހޯދައިގެންނެވެ. ފައިނަލުގައި ސާއިދުގެ ޓައިިމިން އަކީ 10.86 ސިކުންތެވެ. ދެ ވަނަ އަށް ދިޔަ އިބާދުﷲ އާދަމްގެ ޓައިމިން އަކީ 10.96 ސިކުންތެވެ. ތިން ވަނަ ހޯދި އަހުމަދު ނަޖުދާން އަބްދުﷲ ނިންމީ 11.23 ސިކުންތުންނެވެ.

މިއީ މި ފަހަރުގެ ގައުމީ މުބާރާތުގައި މޮޅު އެތުލީޓުގެ މަގާމު ދިފާއުކުރަން ބަލާއިރު، ސާއިދަށް ރަނގަޅު ފެށުމެކެވެ.

Advertisement

އަންހެން ބައިގެ އެއް ވަަނަ މީގެ ކުރިން ހޯދި އައިޝަތު ހިމްނާ ހަަސަން މި ފަހަރު 100 މީޓަރު ދުވުމުގައި ވާދަނުކުރެ އެވެ. ސަތޭކަ މީޓަރުގެ ރޭސް ކާމިޔާބުކުރި އަލްހާ މިދިޔަ މަހު ބޭއްވި އެތުލެޓިކްސް އެސޯސިއޭޝަން ޗެމްޕިއަންޝިޕްގައި ނުދުވެ އެވެ. އެއީ އަނިޔާއަކުން ރިކަވާވަމުން އަންނާތީ އެވެ. އަލްހާ، 100 މީޓަރު ރޭސް ނިންމީ 12.97 ސިކުންތުންނެވެ. ދެ ވަނަ އަށް ދިޔަ ހައްވާ މުޒްނާ ފާއިޒުގެ ޓައިމިން އަކީ 13.09 ސިކުންތެވެ. އަދި ތިން ވަނަ ހޯދި އައިޝަތު ޝަބާ ސަލީމް ރޭސް ނިންމީ 13.14 ސިކުންތުންނެވެ.

އިއްޔެ ކުރިއަށްދިޔަ އެހެން އިވެންޓްތަކަށް ބަލާއިރު، ފިރިހެނުންގެ ހައި ޖަމްޕް އާއި ޖެވެލިން އުކުމުގެ އެއް ވަނަ ހޯދީ ޓްރެކް އެންޑް ފީލްޑް އެސޯސިއޭޝަންގެ ޝަރުވާން އަބްދުލް ހަމީދު އެވެ. ދެ ވަނަ އަށް ދިޔައީ ރޭސާސްގެ އިބްރާހިމް ރަޝްވާން އެވެ. ތިން ވަނަ ހޯދީ ކޭވައި ސްޕޯޓްސް އެކެޑަމީގެ އަހުމަދު ރައުލް އައްސަދު އެވެ.

އަންހެނުންގެ ހަތަރެއް ގުނަ 400 މީޓަރު ރިލޭގެ އެއް ވަނަ ހޯދީ ކްލަބް ރާވެރިޔާ އެވެ. އެއީ 4 މިނިޓް 21؛53 ސިކުންތުން ރޭސް ނިންމައިގެންނެވެ. ދެ ވަނަ އަށް ދިޔަ ޓްރެކް އެންޑް ފީލްޑް އެސޯސިއޭޝަން އިން ރޭސް ނިންމީ 4 މިނިޓް 43:33 ސިކުންތުންނެވެ. ތިން ވަނަ ހޯދި ސާއިދު ސްޕޯޓްސްގެ ޓައިމިން އަކީ 4 މިނިޓް 48:76 ސިކުންތެވެ.

އަންހެނުންގެ ހައި ޖަމްޕާއި ޖެވެލިން އުކުމުން އެއް ވަނަ ހޯދީ ކްލަބް ރާވެރިޔާގެ އައިޝަތު ޝާއިމް އަޒީޒް އެވެ.

އިއްޔެގެ އެންމެ ބޮޑު އުސްއައްޔަކީ އަންހެނުންގެ 5000 މީޓަރުގެ ދުވުން 20 މިނިޓަށް ވުރެ އަވަހަށް ނިންމައި އައިމިނަތު ޖާއިޝާ ޖުނީޒް ގައުމީ ރެކޯޑަކާ އެކު ތާރީހީ ކާމިޔާބެއް ހޯދުމެވެ. ޖާއިޝާ ރޭސް ނިންމީ 19 މިނިޓް 43.09 ސިކުުންތުންނެވެ، ދެ ވަނަ އަށް ދިޔަ އައިޝަތު ރާނިޔާ ރޭސް ނިންމީ 22 މިނިޓް 10.91 ސިކުންތުންނެވެ. އަދި ތިން ވަނަ އަށް ދިޔަ ހުސްނާ މުހައްމަދުގެ ޓައިމިން އަކީ 23 މިނިޓް 29.66 ސިކުންތެވެ.

ފިރިހެނުންގެ 5000 މީޓަރު ދުވުން ކާމިޔާބުކުރީ ހުސެއިން ފަޒީލް ހާރޫން (ފްލޭޝް) އެވެ. އޭނާގެ ޓައިމިން އަކީ 16 މިނިޓް 04.10 ސިކުންތެވެ. ދެ ވަނަ އަށް ދިޔަ ޔޫސުފް އިބްރާހިމް ރޭސް ނިންމީ 16 މިނިޓް 21.26 ސިކުންތުންނެވެ. އަދި ތިން ވަނަ ހޯދި މުހައްމަދު ރަޝީދު (މޯޑު) ރޭސް ފުރިހަމަކުރީ 16 މިނިޓް 39.95 ސިކުންތުންނެވެ.

މާސްޓާސް ޑިވިޝަނުގެ އަންހެނުންގެ 100 މީޓަރު ރޭހުގެ އެއް ވަނަ ހޯދީ މަރިޔަމް މުހައްމަދު މާޔަން އެވެ. ޓައިމިން އަކީ 16.26 ސިކުންތެވެ. ދެ ވަނަ އަށް ދިޔަ އައިމިނަތު ލީލާ ރޭސް ނިންމީ 17.38 ސިކުންތުންނެވެ. އަދި ތިން ވަނަ ހޯދި ޝަމާމާ އަހުމަދު ނަޖީބު ރޭސް ނިންމީ 17.44 ސިކުންތުންނެވެ. މާސްޓާސް ޑިވިޝަނުގެ ފިރިހެނުންގެ 100 މީޓަރު ދުވުމުން އެއް ވަނަ ހޯދީ 13.03 އިން ނިންމި މިނާމް ނަސީމް އެވެ. ދެ ވަނަ އަށް ދިޔަ އަހުމަދު ހަސަން ރޭސް ނިންމީ 13.08 ސިކުންތުންނެވެ. އަދި ތިނެއްގައި ނިންމި އަބްދުﷲ އިސްމާއިލްގެ ޓައިމިން އަކީ 13.83 ސިކުންތެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox