މީޑިއާގައި ހުރި ހަބަރުތައް ނަގަން މަޖިލީހަކަށް ނޭންގޭނެ: އެމްޖޭއޭ

Sep 22, 2022, 6:26 AM
އެމްޖޭއޭގެ ރައީސް އަލީ ރިފްޝާން މީގެކުރިން ނޫސްވެރިންނަށް މައުލޫމާތު ދެއްވަނީ: ހަބަރުތައް ނަގަން މީޑިއާތަކަށް ނޭންގޭނެ ކަމަށް އެ ޖަމިއްޔާއިން ބުނި - ފޮޓޯ: އަދަދު

އެމްޖޭއޭގެ ރައީސް އަލީ ރިފްޝާން މީގެކުރިން ނޫސްވެރިންނަށް މައުލޫމާތު ދެއްވަނީ: ހަބަރުތައް ނަގަން މީޑިއާތަކަށް ނޭންގޭނެ ކަމަށް އެ ޖަމިއްޔާއިން ބުނި - ފޮޓޯ: އަދަދު

ނޫސްތަކުގައި ލިޔާ ހަބަރުތައް ނެގުމަށް ރައްޔިތުންގެ މަޖިލީހަށް ނޭންގޭނެ ކަމަށް ނޫސްވެރިންގެ ހައްގުގައި މަސައްކަތް ކުރާ ޖަމިއްޔާ, މޯލްޑިވްސް ޖާނަލިސްޓްސް އެސޯސިއޭޝަން (އެމްޖޭއޭ)އިން މިއަދު ބުނެފި އެވެ.

އެ ޖަމިއްޔާއިން މިހެން ބުނީ, އިއްޔެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ, 241 ކޮމިޓީގެ ސިއްރު ބައްދަލުވުމެއްގެ ހަބަރުތައް މީޑިއާތަކުން ރިޕޯޓްކޮށްފައިވާތީ, އެ ހަބަރުތައް ނެގުމަށް އަންގައި މަޖިލީހުން ބަޔާނެއް ނެރުމުންނެވެ.

އެ ކޮމިޓީ ބައްދަލުވުން ސިއްރު ކުރަން ނިންމި ނަމަވެސް, މަޖިލީހުގެ ރަސްމީ ޔޫޓިއުބް އެކައުންޓުން ބައްދަލުވުން ވަނީ ލައިވްކޮށްފަ އެވެ. އެކަން ކުރެވުނީ އޮޅުމަކުން ކުޑަ ވަގުތުކޮޅަކަށް ކަމަށް މަޖިލީހުން ބުނެފައިވީ ނަމަވެސް, ކޮމިޓީ ބައްދަލުވުން 50 ވަރަކަށް މިނެޓް ލައިވްކޮށްފައިވެ އެވެ.

އެކަމާ ގުޅިގެން އެމްޖޭއޭއިން މިއަދު ނެރުނު ބަޔާނުގައި ބުނީ ކޮމިޓީގެ ސިއްރު ބައްދަލުވުމެއްގެ އޯޑިއޯ މަޖިލީހުގެ ޓެކްނިކަލް މައްސަލައެއްގެ ސަބަބުން އާންމުވެ، އެ އޯޑިއޯއާ ހަވާލާދީ ބައެއް ނޫސްތަކުން ލިޔެފައިވާ ހަބަރުތައް ނެގުމަށް މަޖިލީހުން އަންގާފައިވާތީ އެއީކަ ންބޮޑުވާ ކަމެއް ކަމަށެވެ.

"އެ ހަބަރުތައް ލިޔުނު ނޫސްތަކުން މި އެސޯސިއޭޝަނަށް މައުލޫމާތު ދީފައިވާ ގޮތުގައި އެ އޯޑިއޯ 50 ވަރަކަށް މިނެޓަށް ލައިވްކުރިއިރު, އެއަށް ހަވާލާދީ ހަބަރުތައް ޝާއިއުކުރުމުގެ ކުރިން އެ އޯޑިއޯގެ މައްޗަށް ހަބަރު ނުލިޔުމަށް އިރުޝާދެއް ދީފައެއްނުވޭ," ބަޔާނުގައިވެ އެވެ.

ރައްޔިތުންގެ މަޖިލީހުގެ ގަވައިދަށް ބެލުމުން އެނގޭ ގޮތުގައި ސިއްރު ކޮމިޓީތަކުގެ ސިއްރުކަން ހިފެހެއްޓުމާއި މައުލޫމާތުތައް ހާމަނުކުރުމަކީ މަޖިލީހުގެ ޒިންމާއެއްކަން އެމްޖޭއޭއިން ފާހަގަކުރެ އެވެ. އެހެންކަން އޮތް އިރު، ނޫސްތަކުގައި ޖެހި އެ ހަބަރުތައް ނެގުމަށް މަޖިލީހުުގެ އިދާރާއަށް ސީދާ ނޫސްތަކަށް އެންގިދާނެ ކަމަށް އެއީ އެ ޖަމްއިއްޔާއިން ގަބޫލު ކުރާ ކަމެއް ނޫން ކަމަށް ބުންޏެވެ.

"...އޭގެ ބަދަލުގައި ނޫހެއްގެ ކޮންޓެންޓާ މެދު އެއްވެސް ފަރާތެއްގެ ޝަކުވާއެއް އޮތް ނަމަ އެކަމެއް މީޑީއާ ކައުންސިލަށް ހުށަހަޅުއްވައިގެން ކުރިއަށް ގެންދިޔުމަކީ މި ޖަމްއިއްޔާއިން ގަބޫލުކުރާ ހަމަ," ބަޔާނުގައިވެ އެވެ.

މަޖިލީހުގެ ގަވައިދުގައިވާ ގޮތުން, ކޮމިޓީ ބައްދަލުވުމެއް ސިއްރު ކުރެވޭނީ އެއީ, ގައުމީ ސަލާމަތަށް ނުރައްކާވާ ފަދަ ނުވަތަ މީހެއްގެ އަބުރަށް ގެއްލުންވާ ފަދަ ކަމެއް ހިމެނޭ ވާހަކަތަކެއް ދައްކަން ޖެހޭނަމަ އެވެ. އެފަދަ ބައްދަލުވުންތައް ސިއްރު ކުރުމާއި އޭގެ ސިއްރުކަން ހިފެހެއްޓުމަކީ, އެ މަޖިލީހުގެ ގަވައިދުގެ ދަށުން އެ މަޖިލީހަށް އޮތް ޒިންމާއެކެވެ.

އިއްޔެ 241 ކޮމިޓީއަށް ހާޒިރުކޮށްފައިވަނީ ހޯމް މިނިސްޓަރު އިމްރާން އަބްދުالله އެވެ. އޭނާ މައިގަނޑު ގޮތެއްގައި ވާހަކަ ދެއްކެވީ ޕޮލިސް ބޯޑާއި އެ މިނިސްޓްރީއާ ދެމެދު އޮތް ހިޔާލު ތަފާތުވުންތަކުގެ ވާހަކަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox