ބީއެމްއެލް އިންޓަނޭޝަނަލް މަނީ ޓްރާންސްފާ މެދުވެރިކޮށް ރާއްޖެއިން ބޭރަށް ފައިސާ ފޮނުވާ ކަސްޓަމަރުންނަށް ހާއްސަ ޕްރޮމޯޝަނެއް އެ ބެންކުން މިއަދު ފަށައިފި އެވެ.
މިޕްރޮމޯޝަން ކުރިޔަށް ދާނީ 21 ސެޕްޓެންބަރުން ފެށިގެން 31 ޑިސެންބަރުގެ ނިޔަލަށެވެ. މިމުއްދަތުގެ ތެރޭގައި ބީއެމްއެލް އިންޓަނޭޝަނަލް މަނީ ޓްރާންސްފާ މެދުވެރިކޮށް ކުރައްވާ ކޮންމެ ޓްރާންސެކްޝަނެއް މިޕްރޮމޯޝަންގެ ދަށުން ގުރުއަތުގައި ބައިވެރި ކުރެވޭނެ އެވެ.
އަދި ކޮންމެ ދެ ހަފްތާއަކުން ހޮވޭ ނަސިބުވެރި އެއް ފަރާތަކަށް އައިފޯން13 ޕޮރޯއެއް ލިބޭނެ އެވެ. އަދި ޑިސެމްބަރު މަހު ފަހުކޮޅު މިޕޮރޮމޯޝަންގެ ހުރިހާ ބައިވެރިންގެ މެދުގައި ނެގޭ ގުރުއަތުން ހޮވޭ ނަސީބުވެރި ފަރާތަކަށް ރާއްޖޭގެ ލަގްޒަރީ ރިސޯޓަކުން ދެބޭފުޅަކަށް އޯލް-އިންކުލޫސިވް ދަތުރެއް ވެސް ލިބޭނެ އެވެ.
ކޮންމެ ދެހަފްތާއަކުން ގުރުއަތުން ހޮވޭ ނަސީބުވެރިންގެ މައުލޫމާތު ބީއެމްއެލްގެ ވެބްސައިޓަށް އަޕްޑޭޓް ކުރަމުން ދާނެއެވެ. މިޕްރޮމޯޝަނާ ގުޅޭ އިތުރު މައުލޫމާތު ބީއެމްއެލްގެ މިލިންކުން ލިބެން ހުންނާނެއެވެ.
titledesc
