އަލްބޭނިއާއަށް ދިން ބޮޑު ސައިބާ ހަމަލާއެއްގެ ފަހަތުގައި ވަނީ އިރާނު ކަމަށް ތުހުމަތުކޮށް، އެ ގައުމާއެކު އޮތް ސިޔާސީ ގުޅުން ކަނޑާލައިފި އެވެ.
ބޮޑު ވަޒީރު އެޑީ ރާމާ ވިދާޅުވީ ޖުލައި 15 ވަނަ ދުވަހު ސައިބާ ހަމަލާ ދިނުމަށް އިރާނުން ހަތަރު ގްރޫޕަކާ މަަސައްކަތް ހަވާލުކުރިކަމުގެ ހެކި ތަހުގީގަށް ލިބިފައިވާ ކަމަށެވެ.
ހެކަރުން މަސައްކަތް ކުރީ އާއްމު ހިދުމަތްތައް ހުއްޓުމަކަށް ގެނެސް، ސަރުކާރުގެ ޑޭޓާ ފޮހެލާ، މައުލޫމާތު ވަގަށް ނަގައި ބޮޑު ނުތަނަވަސް ކަމެއް އުފައްދަން ކަމަށް އެމަނިކުފާނު ތުހުމަތު ކުރެއްވި އެވެ.
އެމެރިކާއިން ބުނީ ނޭޓޯގެ އެކުވެރި ގައުމަކަށް ދިން ސައިބާ ހަމަލާ ކުށްވެރި ކުރާ ކަމަށާއި އިރާނު ޖަވާބުދާރީ ކުރުވަން ޖެހޭނެ ކަމަށެވެ.
އެކަމާ ގުޅޭ ގޮތުން އިރާނުން އަދި ވަކި އެއްޗެއް ނުބުނެ އެވެ. އެހެން ނަމަވެސް، އިރާން ދޫކޮށް ދިޔަ އެތައް ހާސް ރައްޔިތުންނަށް އަލްބޭނިއާއިން ރައްކާތެރިކަން ފޯރުކޮށްދީފައިވާ މައްސަލަައިގައި އިރާނާއި އަލްބޭނިއާގެ ގުޅުން އޮތީ ކުރިން ވެސް ގޯސްވެފަަ އެވެ.
