ހިމްނާ އާއި އިބާދުﷲ: ދެ ސްކޮލާޝިޕާ އެކު އެތުލެޓިކްސް އަށް އުއްމީދީ މުސްތަގުބަލެއް

Sep 7, 2022, 7:57 AM
ޖެމެއިކާގައި ތަމްރީން ހެދުމުގެ ފުރުސަތު ލިބުނު ހިމްނާ އާއި އިބާދުﷲ - ފޮޓޯ: އަދަދު ގްރެފިކްސް / މުހައްމަދު އިސާމް ސާމިރު

ޖެމެއިކާގައި ތަމްރީން ހެދުމުގެ ފުރުސަތު ލިބުނު ހިމްނާ އާއި އިބާދުﷲ - ފޮޓޯ: އަދަދު ގްރެފިކްސް / މުހައްމަދު އިސާމް ސާމިރު

މުހިންމު ދެ މުބާރާތް ކުރިއަށް އޮއްވާ ރާއްޖޭގައި މި ވަގުތު ތިބި އެންމެ އުއްމީދީ ދެ ދުވުންތެރިން ދިގު މުއްދަތެއްގެ ތަމްރީންތަކަށް ރާއްޖެއިން ބޭރަށް ދިޔުމަކީ މުސްތަގްބަލްގައި ގިނަ ކާމިޔާބީތަކެއް ކުރެވޭކަމެއް ކަމަށް އެތުލެޓިކްސް އެސޯސިއޭޝަނުން ހާމަކޮށްފި އެވެ.

ރާއްޖޭގެ އެންމެ ބާރު އަންހެން ދުވުންތެރިޔާ، އައިޝަތު ހިމްނާ ހަސަން، 20، ތަމްރީންތަކަށް ޖެމެއިކާ އަށް ދާން ފުރުސަތު ލިބުނީ 2024 ގައި ޕެރިހުގައި ބާއްވާ އޮލިމްޕިކްސްއަށް އިންޓަނޭޝަނަލް އޮލިމްޕިކް ކޮމިޓީ (އައިއޯސީ) އިން ދޭ ސްކޮލާޝިޕެއްގެ ދަށުންނެވެ. ހިމްނާގެ ތަމްރީންތަކުގެ ހުރިހާ ހަރަދެއް ކުރާނީ އައިއޯސީ އިންނެވެ.

ފަހަކަށް އައިސް ފާހަގަކޮށްލެވޭ ގިނަ ކުރިއެރުންތަކެއް ހޯދަމުން އަންނަ، އިބާދުﷲ އާދަމް، 20، އަށް ލިބުނު ސްކޮލާޝިޕަކީ އޭނާ ހޯދަމުން އަންނަ ކުރިއެރުމަށް ބަލައި އެސޯސިއޭޝަނުން ފަހިކޮށްދިން ފުރުސަތަކެވެ. މި ސްކޮލާޝިޕްގެ ހުރިހާ ހަރަދެއް ކުރާނީ ޔޫތު މިނިސްޓަރީންނެވެ.

ކޮމަންވެލްތު ގޭމްސްގައި ހިމްނާ ދުވަނީ.--- ފޮޓޯ: ގެޓީއިމޭޖަސް

އެތުލެޓިކްސް އެސޯސިއޭޝަންގެ ޖެނެރަލް ސެކެޓްރީ އަހުމަދު މުންތަގިމް (މުންތޭ) ވިދާޅުވީ ހިމްނާގެ ސްކޮލާޝިޕްގެ ކަންކަން މި އަހަރުގެ ކުރީކޮޅު ހަމަޖެހުމާ އެކު އެސޯސިއޭޝަނުން ޓްރެއިނިން ސެންޓަރުތަކާއި ވާހަކަ ދެކެވި ފުރުސަތުތައް ހޯދަން މަސައްކަތްކުރި ކަމަށެވެ. އެ ދަނޑިވަޅުގައި ޔޫތު މިނިސްޓްރީ އިން ފަންޑު ކުރާ ގޮތަށް ބޭރުގައި ތަމްރީން ހަދަން އިތުރު ފުރުސަތެއް އެސޯސިއޭޝަނަށް ފަހިކޮށްދެއްވީ ކަމަށް މުންތޭ ވިދާޅުވި އެވެ.

"ހިމްނާގެ ސްކޮލަޝިޕަކީ މާ ކުރިން ނިމިފަ އިން އެއްޗެއް. މިނިސްޓްރީން ދިން ސްކޮލާޝިޕަކީ ވަކި ކުއްޖަކަށް ދިން އެއްޗެއް ނޫން. އެސޯސިއޭޝަނުން ނިންމީ ދާނީ ކާކުކަން. މަޝްވަރާތައް ކުރުމަށް ފަހު އިބާދުﷲ އަށް ދޭން ނިންމީ. މިވަގުތު ކުރިއެރުމަށް ބަލާއިރު ބޭރުގެ ތަމްރީންތަކުން އިބާދުﷲ އަށް ބޮޑު ކުރިއެރުމެއް ހޯދޭނެ އަދި ކާމިޔާބީތައް ލިބޭނެކަމުގެ އުއްމީދު ބޮޑު" މުންތަގިމް ވިދާޅުވި އެވެ.

މުންތަގިމް ވިދާޅުވީ ފުރަތަމަ ކަމަކަށް ބެލީ ދެ އެތުލީޓުންނަށްވެސް އެއް ގައުމެއްގެ އެއް ސެންޓަރެއްގައި ތަމްރީން ހެދޭނެ ގޮތެއްކަމަށެވެ.

"ދެ އެތުލީޓުން ވެސް އެއްކޮށް ތަމްރީން ހެދޭނެ ތަނެއް ބެލީ، އެ ގޮތަށް ބަލައި މިހާރު ޖެމެއިކާގެ މަތީ ފަންތީގެ ޓްރެއިނިން ސެންޓަރެއް ހަމަ މި ޖެހުނީ. މިއީ މަޝްހޫރު ދުވުންތެރިޔާ އަސަފާ ޕަވެލް ވެސް ޓްރެއިން ކުރިތަން" މުންތަގިމް ވިދާޅުވި އެވެ.

ދާދި ފަހުން ނިމުނު އެސޯސިއޭޝަން ޗެމްޕިއަންޝިޕްގައި އިބާދުﷲ ދުވަނީ.--- ފޮޓޯ: އަބްދުﷲ އިޔާން

އިބާދުﷲ އާއި ހިމްނާ އަކީ މި ވަގުތު ރާއްޖޭގެ އެންމެ ކާމިޔާބު ޒުވާން ދެ އެތުލީޓުންނެވެ. ހިމްނާ އަކީ މިވަގުތު ރާއްޖޭގެ އަންހެން ސްޕްރިންޓް ރޭސްތަކުގެ ހުރިހާ ގައުމީ ރެކޯޑެއް އޮތް އެތުލީޓެވެ. އޭނާ 100 މީޓަރު ރެކޯޑު މުގުރާލީ ކޮމަންވެލްތު ގޭމްސްގަ އެވެ. އޭގެ ކުރިން، ގިނަ ފަހަރުތަކެއް މަތިން، 400 މީޓަރު ގައުމީ ރެކޯޑުވެސް އޭނާ ހެދި އެވެ.

އިބާދުﷲ އަށް ބަލާއިރު، އޭނާ އަކީ ރާއްޖޭގެ އެންމެ ބާރު ދުވުންތެރިޔާ ހަސަން ސާއިދުގެ ފަހަތުން ރާއްޖޭގެ ދެ ވަނަ އެވެ. ނިމިދިޔަ ބޮޑެތި މުބާރާތްތަކުގައި ސާއިދުއަށް ރަނގަޅު ވާދައެއްކުރި އެތުލީޓެކެވެ. އަނެއްކޮޅުން އޭނާގެ މިހާރުގެ ޓައިމިންތަކަށް ބަލާއިރު ރަނގަޅު ތަމްރީންތަކެއް ލިބިއްޖެނަމަ ކާމިޔާބީތައް ހޯދޭނެ ކަމުގެ އުންމީދު ބޮޑެވެ.

އަންނަ އަހަރަކީ ރާއްޖޭގެ ކުޅިވަރަށް ވަކިން ޚާއްސަކޮށް އެތުލެޓިކްސް އަށް ބޮޑު އަހަރެކެވެ. އެތުލެޓިކްސްގެ ކާމިޔާބު އެތުލީޓު ސާއިދު ރަން ވަނަ ހޯދައި ތާރީހުން ޖާގަ ހޯދި އިންޑިއަން އޯޝަން އައިލެންޑް ގޭމްސް (އައިއޯއައިޖީ) އާއި ސައުތު އޭޝިއަން ގޭމްސް އަންނަ އަހަރު އޮންނާނެ އެވެ.

މި ދެ މުބާރާތުގައި އަންހެން އަދި ފިރިހެން ޓީމް ވެސް މެޑަލްތަކެއް ހޯދުމަކީ އެސޯސިއޭޝަންގެ އުއްމީދެވެ. އިބާދުﷲ އާއި ހިމްނާ އަށް މި ލިބުނު ފުރުސަތާ އެކު އެ އުއްމީދުތައް ޔަގީން ކަމަށް ބަދަލުވުމުގެ ހުވަފެން މިހާރު އެންމެން ވެސް ދެކޭނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox