މަންޓާ އެއާގެ ދަތުރުތައް ހޯރަފުއްޓަށް ފަށައިފި

Sep 6, 2022, 1:00 AM
ހޯރަފުއްޓަށް ކުރި މަންޓާ އެއާގެ ފުރަތަމަ ފްލައިޓަށް ބޮޑުބެރުގެ ހަރަކާތުން މަރުހަބާ ކިޔަނީ. ހޯރަފުއްޓަށް ކޮންމެ ދުވަހަކު ޗާޓަރު ދަތުރެއް އޮންނާނެ. -- އަބްދުﷲ އިޔާން/ އަދަދު

ހޯރަފުއްޓަށް ކުރި މަންޓާ އެއާގެ ފުރަތަމަ ފްލައިޓަށް ބޮޑުބެރުގެ ހަރަކާތުން މަރުހަބާ ކިޔަނީ. ހޯރަފުއްޓަށް ކޮންމެ ދުވަހަކު ޗާޓަރު ދަތުރެއް އޮންނާނެ. -- އަބްދުﷲ އިޔާން/ އަދަދު

މަންޓާ އެއާގެ އުދުހުން ފުޅާކޮށް، މާލެ އާއި ހއ. ހޯރަފުއްޓާ ދެމެދު ޗާޓަރު ދަތުރުތައް އިއްޔެ ފަށައިފި އެވެ.

މަންޓާގެ ފުރަތަމަ ފްލައިޓަށް ހޯރަފުށިން މަރުހަބާކީ ސަގާފީ ބޮޑުބެރުގެ ހަރަކާތާއެކު އެވެ. އެއަށް ފަހު ހޯރަފުށީ ކައުންސިލްގެ ފަރާތުން މަންޓާ އަށް މަލާފަތެއް އެރުވި އެވެ.

މަންޓާއިން ކޮންމެ ދުވަހަކު ހޯރަފުއްޓަށް ޗާޓަރު ދަތުރެއް ކުރަން ނިންމީ ޖޭއޭ މަނަފަރު ރިސޯޓާއެކު ހެދި އެއްބަސްވުމުގެ ދަށުންނެވެ.

ހޯރަފުށީ އެއާޕޯޓުގައި ފުލައިޓް ޖައްސާފައިވާއިރު، އެ އެއާލައިންގެ ސީއީއޯ ހަލީލު ބޯޓާ ދިމާއަށް ބައްލަވާލައްވަނީ. -- އަބްދުﷲ އިޔާން/ އަދަދު
ހޯރަފުށީ އެއާޕޯޓުގައި ފުލައިޓް ޖައްސާފައިވާއިރު، އެ އެއާލައިންގެ ސީއީއޯ ހަލީލު ބޯޓާ ދިމާއަށް ބައްލަވާލައްވަނީ. -- އަބްދުﷲ އިޔާން/ އަދަދު

ހޯރަފުށީ އެއާޕޯޓުގައި ފުލައިޓް ޖައްސާފައިވާއިރު، އެ އެއާލައިންގެ ސީއީއޯ ހަލީލު ބޯޓާ ދިމާއަށް ބައްލަވާލައްވަނީ. -- އަބްދުﷲ އިޔާން/ އަދަދު

މި ދަތުރުތަކުގައި ބޭނުން ކުރާނީ އެ އެއާލައިނުން އަލަށް ގެނައި ބީޗްކްރާފްޓް 1900ޑީ މަރުކާގެ 18 މީހުންގެ ޖާގައިގެ މަތިންދާ ބޯޓުތަކެވެ. މިއީ މިހާރު އޮޕަރޭޓާ އޭޓީއާރު މަތިންދާ ބޯޓުތަކާ އެއްވަރެއްގެ ދުވެލި ބާރު ބޯޓެކެވެ.

މަންޓާ އެއާގެ ސީއީއޯ މުހައްމަދު ހަލީލް ވިދާޅުވީ މި ދަތުރުތައް ފެށުމަކީ ލިބޭ ވަރަށް އުފަލެއް ކަމަށާއި މީގެ ސަބަބުން ހޯރަފުއްޓާއި މުޅި އެ ސަރަހައްދަށް ފައިދާ ކުރާނެ ކަމަށެވެ.

މި ދަތުރުތަކުގެ ސަބަބުން ހަމައެކަނި ފައިދާ ކުރާނީ މަނަފަރަކަށް ނޫން. ހޯރަފުށްޓާއި ރަށްތަކުގެ މީހުންނާއި ސަރަހައްދުގެ ވިޔަފާރިތަކަށް ވެސް ފައިދާ ލިބޭނެ،" ހަލީލު ވިދާޅުވި އެވެ.

މަނަފަރާއެކު ވެފައިވާ އެއްބަސްވުމުގެ ދަށުން ކުރާ ޗާޓަރު ދަތުރުތަކުގެ އިތުރުން އެހެން ފަރާތްތަކަށް ހޯރަފުއްޓަށް މަންޓާގެ ފްލައިޓް ޗާޓަރު ކުރެވޭނެ ކަމަށް އެ ކުންފުނިން ބުނެ އެވެ.

މަންޓާ އެއާގެ ދަތުރުތައް ރަސްމީކޮށް ފެށީ 2019 ވަނަ އަހަރުގެ ފެބްރުއަރީ މަހު އެވެ. މި އެއާލައިނުން ސީޕްލޭން ދަތުރުތައް ވެސް ކުރެ އެވެ.

ކޮމެންޓް

ފަހުގެ ޚަބަރު

ތިމަރަފުށްޓާއި ފޮނަދޫގައި ސިޓީ ހޮޓާ އަޅަން ހުޅުވާލައިފި

ތ. ތިމަރަފުށްޓާއި ލ. ފޮނަދޫގައި ފަތުރުވެރިކަން ފުޅާކުރުމަށްޓަކައި، އެ ދެ ރަށުގައި ސިޓީ ހޮޓާ އަޅައި ހިންގާނެ ފަރާތްތައް ހޯދުމަށް ޓޫރިޒަމް މިނިސްޓްރީން ބީލަމަށް ހުޅުވާލައިފި. މިއީ ރާއްޖޭގެ އެކި ސަރަހައްދުތަކަށް ފަތުރުވެރިކަން ފުޅާކުރުމަށް ސަރުކާރުން ގެންގުޅޭ ސިޔާސަތުގެ ދަށުން ކުރިއަށްގެންދާ މަސައްކަތެއް.

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

Newsletter

Get the latest news delivered straight to your inbox