އެމެރިކާގެ މިސިސިޕީ ސްޓޭޓުގެ ޖެކްސަން ސިޓީއަށް ބޯކޮށް ވާރޭވެހި ފެންބޮޑުވުމުގެ ސަބަބުން އެ ސިޓީގެ ދެ ލަައްކަ މީހުންނަށް ސާފު ފެން ލިބުން މެދުކެނޑިއްޖެ އެވެ.
ފެންބޮޑުވުމުގެ ސަބަބުން އެ ސިޓީގެ ފެން ސާފު ކުރާ މައި ފެސިލިޓީއަށް އަސަރުކޮށް، އެ ތަނުގެ މަސައްކަތް ވަނީ ހުއްޓިފަ އެވެ. އިދާރާތަކުން ބުނީ ފެން ތަގައްޔަރުވެފައިވާ ކަމަށެވެ.
ޖެކްސަން ސިޓީގައި ކުއްލި ނުރައްކަލުގެ ހާލަތު އިއުލާނުކޮށް، ސްކޫލްތަކާއި ރެސްޓޯރެންޓްތަކާއި ވިޔަފާރިތައް މިހާރު ހުރީ ވަގުތީ ގޮތުން ބަންދުކޮށްފަ އެވެ.
އެ ސިޓީ އާއި ސްޓޭޓުގެ އިދާރާތަކުން ފުޅީގައި ބަންދުކޮށްފައިވާ ސާފު ބޯފެން ބަހަަމުންދާ އިރު، ބޮޑެތި އުޅަނދުތަކުގައި ވެސް އެ ސިޓީގެ ރައްޔިތުންނަށް ސާފު ފެން ދަނީ ފޯރުކޮށްދެމުންނެވެ.
ޖެކްސަން ސިޓީގެ ފެން ސާފު ކުރާ ފެސިލިޓީއިން އާއްމު ގޮތެއްގައި ދުވާލަކު 190 މިލިއަން ލީޓަރުގެ ފެން ސާފުކުރެ އެވެ. ފެންބޮޑުވުމުން އެ ފެސިލިޓީގެ ތެރެއަށް ވެސް ފެން ވަދެ ގެއްލުންވެފައިވެ އެވެ.
ޖެކްސަން ސިޓީގައި ހުންނަ އިތުރު ފެން ސާފު ކުރާާ ފެސިލިޓީއެއްގެ ކެޕޭސިޓީ މިހާރު ވަނީ މަތިކޮށްފަ އެވެ.
