ބުރު ސްޕޯޓްސް ކްލަބް ފުރަތަމަ ޑިވިޝަނަށް ޕްރޮމޯޓްވެއްޖެ

Aug 30, 2022, 4:00 PM
ބުރުގެ ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އަބްދުﷲ އިޔާން/ އަދަދު

ބުރުގެ ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އަބްދުﷲ އިޔާން/ އަދަދު

ދިވެހި ޕްރިމިއާ ލީގު ކޮލިފިކޭޝަންގައި މިއަދު ހަވީރު ހުއްޓާލަން ޖެހުނު މެޗުން ބުރު ސްޕޯޓްސް ކްލަބް މޮޅުވީ ކަމަށް މުބާރާތުގެ ކޮމިޓީން ކަނޑައެޅުމާ އެކު އެ ޓީމު ފުރަތަމަ ޑިވިޝަނަށް ޕްރޮމޯޓްވެއްޖެ އެވެ.

މިއަދު ހަވީރު ގަލޮޅު ދަނޑުގައި ކުޅުނު މެޗުގެ 87 ވަނަ މިނިޓްގައި މެޗުގެ ރެފްރީ އަހުމަދު ޝަކީލްގެ ނިންމުންތަކާ މެދު ހިތްހަމަނުޖެހިގެން، ކްލަބް ޓީނޭޖް އޮފިޝަލުން ދަނޑަށް އެރުމާ އެކު މެޗު ހުއްޓާލިއިރު، ބުރު އޮތީ 3-1 އިން ކުރީގަ އެވެ.

އެ މެޗު ކުރިއަށް ނުގެންދެވިގެން ހުއްޓާލަން ޖެހުނުއިރު، އަލުން ފަށްޓަން ކުރި މަސައްކަތުގައި ވެސް ކާމިޔާބެއް ނުލިބުނެވެ. އެހެންވެ، ކޮމިޓީން ގޮތެއް ނިންމުމަށް ހުށަހެޅުމުން، މިރޭ ކޮމިޓީން މައްސަލަ ބެލުމަށް ފަހު ނިންމީ ބުރު މޮޅުވީ ކަމަށެވެ.

މިއާ އެކު ބުރު ސްޕޯޓްސް ކްލަބަށް ވަނީ ދިވެހި ޕްރިމިއާ ލީގު ކޮލިފިކޭޝަންގެ ގަދަ ދެ ޓީމުގެ ތެރޭގައި ޖާގަ ކަށަވަރުވެ، އަންނަ ސީޒަނުގެ ދިވެހި ޕްރިމިއާ ލީގުން ޖާގަ ލިބިފަ އެވެ. އެންމެ ފަހުން ބޭއްވި ތިން ވަނަ ޑިވިޝަނާއި ދެ ވަނަ ޑިވިޝަންގެ ޗެމްޕިއަންކަން ހޯދި ބުރު ކޮލިފިކޭޝަން ނިންމާލީ ތިން މެޗުން ހަ ޕޮއިންޓް ހޯދައިގެންނެވެ. ކޮލިފިކޭޝަންގެ ފުރަތަމަ މެޗުން ބުރު ވަނީ ސަސް އަތުން ބަލިވެފަ އެވެ. އެކަމަކު، ދެން ކުޅުނު ދެ މެޗުން ދަ ގްރާންޑޭ ސްޕޯޓްސް ކްލަބާއި ކްލަބް ޓީނޭޖް ބަލިކުރުމަށް ފަހު ފުރަތަމަ ޑިވިޝަނުން ޖާގަ ޔަގީންކުރީ އެވެ.

ކޮމިޓީގެ ބައްދަލުވުމަށް ފަަހު، އެފްއޭއެމުން މިރޭ ނެރުނު ބަޔާނުގައި ބުނެފައިވަނީ ޓީނޭޖުގެ އޮފިޝަލުންތަކެއް މިއަދުގެ މެޗުގެ ރެފްރީ އަށް ހަމަލާދިނުމާއި ރެފްރީގެ ނިންމުންތަކާ މެދު ތަކުރާރުކޮށް ނުރުހުން ފާޅުކުރަމުން ގެންދާތީ އެ ފަދަ މާހައުލެއްގައި މެޗު ކުރިއަށް ގެންދެވެން ނެތް ކަމަށް މެޗު އޮފިޝަލުން މެޗު ކޮމިޝަނަރަށް އެނގި ކަމަށެވެ.

އެހެންވެ، އެފްއޭއެމްގެ މުބާރާތުގެ އިމަޖެންސީ ކޮމިޓީން ބެލުމަށް ފަހު ވަނީ މެޗު ހުއްޓާލިއިރު، ނަތީޖާ އޮތް ހާލަތާއި ކަންތައްތައް ހިނގާދިޔަ ގޮތް ބަލައި، މެޗުން ބުރު މޮޅުވީ ކަމަށް ކަނޑައަޅައިފަ އެވެ.

"އެ ގޮތުން 2023 ކޮލިފިކޭޝަން މުބާރާތް ކުޅޭ ގޮތުގެ ގަވާއިދުގެ 10.3 ގައި ބަޔާންކުރާ ކަންކަމަށް ރިއާޔަތް ކުރުމަށް ފަހު މެޗުގެ ފުރިހަމަ ވަގުތު ހަމަނުކުރެވުނީ ކްލަބް ޓީނޭޖުގެ އިހުމާލުން ކަމަށް ކަން ހިނގާފައިވާގޮތަށް ބެލުމުން އެނގެން އޮންނާތީ އާއި މެޗު ހުއްޓާލީ މެޗުގެ 87 ވަނަ މިނިޓްގައި ކަމަށް ވެފައި، އެ ވަގުތު ނަތީޖާ އޮތްގޮތަކީ މެޗުގެ ފުރިހަމަ ނަތީޖާ ކަމަށް ކަނޑައެޅުމާ އެކު އަދި މި މައްސަލަ އާ ގުޅިގެން އިތުރަށް ބަލަން ޖެހޭ ޑިސިޕްލިނަރީ ކަންކަން ބެލުމަށް މި އެސޯސިއޭޝަންގެ ޑިސިޕްލިނަރީ ކޮމިޓީ އަށް ފޮނުވުމަން ކޮމިޓީގެ އިއްތިފާގުން ވަނީ ނިންމައިފަ އެވެ،" އެފްއޭއެމުން މިރޭ ނެރުނު ބަޔާނުގައިވެ އެވެ.

އަންނަ އަހަރުގެ ދިވެހި ޕްރިމިއާ ލީގުގެ އަނެއް ޖާގަ އަށް ވާދަކުރަނީ ސުޕަ ޔުނައިޓެޑް ސްޕޯޓްސް (ސަސް) އާއި ދަ ގްރާންޑޭ އެވެ.

ކޮލިފިކޭޝަންގެ ފަހު މެޗުގައި މިރޭ ދަ ގްރާންޑޭ އާއި ސަސް ކުޅޭ މެޗު އެއްވަރުވެއްޖެނަމަ، ސަސް އަށް ފުރަތަމަ ޑިވިޝަނުގެ ޖާގަ ދެމެހެއްޓޭނެ އެވެ. ދަ ގްރާންޑޭ އަށް ފުރަތަމަ ޑިވިޝަނުގައި ދެމި އޮވެވޭނީ މިރޭ ސަސް އަތުން ދެ ގޯލުގެ ފަރަގަކުން މޮޅުވެގެންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox