ބަޔާންގެ 19 ހަމަލާ ހުއްޓުވައި ކީޕަރު ސޮމާ އަށް ރެކޯޑެއް

Aug 27, 2022, 8:00 PM
ކީޕަރު ސޮމާ ބޯޅައެއް ހުއްޓުވަނީ: އޭނާ ވަނީ ބަޔާނުގެ ގިނަ ހަމަލާތަކެއް މަތަކޮށްފައި.

ކީޕަރު ސޮމާ ބޯޅައެއް ހުއްޓުވަނީ: އޭނާ ވަނީ ބަޔާނުގެ ގިނަ ހަމަލާތަކެއް މަތަކޮށްފައި.

މިއުނިކް (އޮގަސްޓް 27) - ޖަރުމަނު ލީގުގައި މިރޭ ޗެމްޕިއަން، ބަޔާން މިއުނިކާއި ބޮރޫޝިއާ މުންޗެންގްލަޑްބެކް 1-1 އިން އެއްވަރުވި މެޗުގައި ބަޔާނުން ފޮނުވާލި 19 ހަމަލާއެއް ހުއްޓުވައި، މުންޗެންގްލަޑްބެކްގެ ގޯލްކީޕަރު ސްވިޒަލެންޑްގެ ޔެން ސޮމާ، ޖަރުމަނު ލީގުގެ ރެކޯޑެއް ހަދައިފި އެވެ.

މީގެ ކުރިން ޖަރުމަނު ލީގުގައި އެއް މެޗެއްގައި އެންމެ ގިނަ ބޯޅަ ހުއްޓުވުމުގެ ރެކޯޑް އޮތީ ހެމްބާގްގެ ކީޕަރު އަލެކްސަންޑަ ޝްވޯލޯވް އަތުގަ އެވެ. މި އަހަރު ކުރީކޮޅުގައި ބަޔާން އަތުން 4-1 އިން ހެމްބާގް ބަލިވި މެޗުގައި ޝްވޯލޯވް ވަނީ ބަޔާނުން ފޮނުވާލި 14 ހަމަލާއެއް ހުއްޓުވައިފަ އެވެ.

މިދިޔަ ދެ ސީޒަނަށް ބަލާއިރު، މުންޗެންގްލަޑްބެކް އަކީ ބަޔާން ކައިރިން އެންމެ ރަނގަޅު ނަތީޖާ ނެރެފައިވާ ޓީމެވެ. އެ ޓީމުން ވަނީ ބަޔާން ދެ ފަހަރެއްގެ މަތިން ބަލިވެސް ކޮށްފަ އެވެ.

މިރޭ ބަޔާން ދަނޑުގައި ކުޅުނު މެޗުގައި ލީޑުނެގީ ވެސް މުންޗެންގްލަޑްބެކް އިންނެވެ. މެޗުގެ 43 ވަނަ މިނިޓްގައި މުންޗެންގްލެޑްބެކްގެ ގޯލު ޖެހީ މާކަސް ތުރާމް އެވެ. މިއީ ބަޔާންގެ ޑިފެންޑަރު، ޑަޔޫޓް އުޕަމެކާނޯ ހެދި ގޯހަކުން ހާފުގެ މެދެއްހާ ހިސާބުން ލިބުނު ބޯޅައެއް ހިފައިގެން ގޮސް ތުރާމް ޖެހި ގޯލެކެވެ.

ބަޔާންގެ ފޯވާޑް ސަޑިއޯ މާނޭ ޖެހި ދެ ގޯލެއް އޮފްސައިޑް ކަމަށް ނިންމި މި މެޗުގައި އެ ޓީމު ހުއްޓުވުމުގައި ހީރޯ އަކީ ސޮމާ އެވެ. ޖަރުމަނު ލީގުގައި މި ފަހަރުގެ ސީޒަނުގައި ފުރަތަމަ ތިން މެޗުގައި ސޮމާ އަށް މަތަކުރެވުނީ ތިން ބޯޅަ އެވެ. އެކަމަކު، މިރޭ ބަޔާނުން ފޮނުވާލި 19 ހަމަލާއެއްގެ ހުރަހަކަށް ވީ ސޮމާ އެވެ.

ސޮމާ، 33، އަންނަނީ 2014 ވަނަ އަހަރުން ފެށިގެން މުންޗެންގްލަޑްބެކް އަށް ކުޅެމުން: އެ ޓީމުގެ ކެޕްޓަން ބޭންޑް އަޅައިގެން ސޮމާ ވަނީ ގިނަ މެޗުތަކެއްގައި މޮޅު ކުޅުމެއް ދައްކާފައި.

މި މެޗުގައި ބަޔާނަށް އެއްވަރުކޮށްދިން ގޯލު ޖެހީ މެޗުގެ 83 ވަނަ މިނިޓްގައި ލެރޯއި ސާނޭ އެެެވެ. ޖަމާލް މުސިއާލާ ދިން ބޯޅައަކުން ސާނޭ ޖެހި މި ބޯޅައަކީ ބަޔާނުން މި މެޗުގައި ފޮނުވާލި 25 ވަނަ ޝޮޓެވެ. އޭގެ ތެރެއިން 15 ޝޮޓް ދިޔައީ ގޯލާ ދިމާލަށެވެ. އޭގެ ފަހުން ބަޔާނުން މޮޅުވާން ފޮނުވާލި ހަތަރު ބޯޅައެއް ސޮމާ މަތަކުރި އެވެ. އެ ގޮތުން އިތުރު ވަގުތުގައި ބަޔާންގެ ބެންޖަމިން ޕަވާޑް ޖެހި ބޯޅަ ހުއްޓުވުމުގައި ސޮމާގެ ހުށިޔާރުކަން ފެނުނެވެ.

ބަޔާން އެއް ވަނައިގައި އޮތީ ދެ ވަނައިގައި އޮތް ޔޫނިއަން ބާލިންއާ އެއްވަރަށް ހަތަރު މެޗުން 10 ޕޮއިންޓް ހޯދައިގެންނެވެ. ޔޫނިއަން ބާލިން ވަނީ މިރޭ ކުޅުނު މެޗުން 6-1 އިން ޝާލްކާ ބަލިކޮށްފަ އެވެ.

ތިން ވަނައިގައި އޮތް ފްރެއިބާގާއި ހަތަރެއްގައި އޮތް ހޮފެންހައިމް އަދި ފަސް ވަނައިގައި އޮތް ޑޯޓްމަންޑަށް ވަނީ ނުވަ ޕޮއިންޓް ލިބިފަ އެވެ. މުންޗެންގްލަޑްބެކް ހަ ވަނައިގައި އޮތީ އަށް ޕޮއިންޓާ އެކު އެވެ. ޑޯޓްމަންޑް މިރޭ ވަނީ ރަށުންބޭރުގައި 1-0 އިން ހާތާ ބާލިން ބަލިކޮށްފަ އެވެ. އަދި ހޮފެންހައިމް ވަނީ އަމިއްލަ ދަނޑުގައި 1-0 އިން އޮއުސްބާގް އަތުން މޮޅުވެފަ އެވެ.

ލީގުގެ 10 ވަނައިގައި އޮތް އާރްބީ ލައިޕްޒިގުން ވަނީ 2-0 އިން ވުލްފްސްބާގް ބަލިކޮށް މި ފަހަރު ލީގުގައި ފުރަތަމަ މޮޅު ހޯދައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox