މަޖިލީހުގެ ރިޔާސަތުން ނަޝީދު ވަކިކުރުމުގެ މައްސަލަ ހުށަހަޅާނެ ތާރީހެއް ނުބުނި!

ނަޝީދު މަޖިލީހުގެ ނައިބު ރައީސް އީވާ އަބްދުﷲއާއެކު އެމްޑީޕީގެ ކޮންގްރެސްގައި: ނަޝީދު ވަކި ކުރުމުގެ މައްސަލަ މަޖިލީހަށް ހުށަހަޅާ ވަރަށް ސޮއި އޮތީ ހަމަކޮށްފައި -- ފޮޓޯ: މުހައްމަދު ޝާބިން/އަދަދު

ނަޝީދު މަޖިލީހުގެ ނައިބު ރައީސް އީވާ އަބްދުﷲއާއެކު އެމްޑީޕީގެ ކޮންގްރެސްގައި: ނަޝީދު ވަކި ކުރުމުގެ މައްސަލަ މަޖިލީހަށް ހުށަހަޅާ ވަރަށް ސޮއި އޮތީ ހަމަކޮށްފައި -- ފޮޓޯ: މުހައްމަދު ޝާބިން/އަދަދު

ރައްޔިތުންގެ މަޖިލީހުގެ ރައީސްގެ މަގާމުން މޯލްޑިވިއަން ޑިމޮކްރެޓިކް ޕާޓިގެ ރައީސް މުހައްމަދު ނަޝީދު ވަކި ކުރުމަށް އެ ޕާޓީގެ ގާނޫނު ހަދާ މަޖިލީހުގެ މެމްބަރުން ފުރަމުންދާ ފޯމު މަޖިލީހަށް ހުށަހަޅާނެ ތާރީހެއް ބުނުމަށް އެ މަސައްކަތް ކުރާ މެމްބަރުން ދެކޮޅު ހަދައިފި އެވެ.

މަޖިލީހުގެ ރައީސްގެ މަގާމުން ކުރީގެ ރައީސް ނަޝީދު ވަކި ކުރުމަށް ސޮއި ހޯދަން ފެށީ ރައީސް އިބްރާހިމް މުހައްމަދު ސޯލިހުގެ އިސްތަށިފުޅުގައި ޖިނާއީ ކުށެއްގެ ތުހުމަތު އެޅުއްވުމުންނެވެ. ނަޝީދު ވަކި ކުރުމުގެ މައްސަލަ މަޖިލީހަށް ހުށަހެޅުމަށް ބޭނުންވާ 22 ސޮއި އެ މަސައްކަތް ކުރާ މެމްބަރުން މިހާރު ހަމަކޮށްފައިވާކަން މި ނޫހަށް ވަނީ އެނގިފަ އެވެ.

އެކަމާ ގުޅޭ ގޮތުން މި ނޫހުން ސުވާލު ކުރި މެމްބަރުން ވިދާޅުވީ މައްސަލަ މަޖިލީހަށް ނުވައްދަން މަޝްވަރާ ކުރެވިފައިނުވާ ކަމަށާއި އެހެންނަމަވެސް މަޖިލީހަށް މައްސަލަ ވައްދާނެ ތާރީހެއް ބުނެދޭން ނޭނގޭ ކަމަށެވެ.

"ނިޒާމުގެ މަޝްވަރާއަކާ ގުޅިގެން ވެސް އެ މައްސަލަ ހުށަހެޅުން ހުއްޓާލުމުގެ އެއްވެސް މަޝްވަރާއެއް ނުކުރޭ،" ރައްޔިތުން މަޖިލީހުގެ ދުވާފަރު ދާއިރާގެ މެންބަރު އިސްމާއީލް އަހުމަދު ވިދާޅުވި އެވެ.

އެކަމާ ގުޅޭ ގޮތުން ސުވާލު ކުރުމުން އެމްޑީޕީ ޕީޖީ ގްރޫޕުގައި ސީނިއާ މެމްބަރެއްގެ ގޮތުގައި މަސައްކަތް ކުރައްވާ ރައްޔިތުންގެ މަޖިލީހުގެ ހަނިމާދޫ ދާއިރާގެ މެންބަރު އަބްދުލް ޣަފޫރު މޫސާ ވިދާޅުވީ އެ މައްސަލަ ހުށަހަޅާނީ "އެންމެ މުނާސަބު" ވަގުތުގައި ކަމަށެވެ.

"އެ ހުށަހަޅަންވީ މުނާސަބު ވަގުތު އައިސް ޖެހުމުން އަޅުގަނޑުމެން އެ މައްސަލަ ހުށަހަޅާނަން،" ޣަފޫރު ވިދާޅުވި އެވެ.

ރައީސް ނަޝީދުގެ އަރިސް އަދި އެމަނިކުފާނަށް ތާއީދު ކުރައްވާ ބައެއް މެންބަރުން ވިދާޅުވާ ގޮތުގައި ވެސް މައްސަލަ ހުށަހަޅަން އުޅޭ ކަމެއް އެނގިވަޑައެއް ނުގަންނަވަ އެވެ. އެކަމާ ގުޅިގެން ބައެއް މެންބަރުން ވާހަކަ ދެއްކެވި ކަމާއި ދެން އެނގެނީ ނޫސްތަކުގައި ރިޕޯޓް ކޮށްފައި އޮތް މިންވަރެއް ކަމަށެވެ.

"އަޅުގަނޑު [ރައީސް ސޯލިހަށް ތާއީދު ކުރައްވާ] ބައެއް މެންބަރުން ކައިރީ އަހައިވެސް ލިން، އެ މެންބަރުން ވެސް ބުނަނީ އަދި ނޭނގެއޭ، ތިމަންނަމެން ސޮއިނުކުރަމޭ،" މާފަންނު މެދު ދާއިރާގެ މެންބަރު އިބްރާހިމް ރަޝީދު (ބޮންޑެ) ވިދާޅުވި އެވެ.

ނަޝީދާއެކު ތިއްބެވި ބައެއް މެމްބަރުން ވިދާޅުވީ އެމަނިކުފާނު ރިޔާސަތުން ވަކި ކުރުމަށް ކުރަމުންދާ މަސައްކަތުގައި ބައިވެރިވަނީ މަދު މެމްބަރުންތަކެއް ކަމަށެވެ.

"ބައެއް މެންބަރުން އެކަހަލަ ވާހަކަތަކެއް ދެއްކެވި، އެނގިފަ އޮތް ގޮތުން މަދު މެންބަރުންތަކެއް ސޮއި ވެސް ކުރީ، މާ ބޮޑަކަށް ތި ކަމެއް ހިނގާހެނެއް ހިއެއް ނުވޭ،" އުނގޫފާރު ދާއިރާގެ މެންބަރު މުހައްމަދު ވަހީދު (ވައްޑެ) ވިދާޅުވި އެވެ.

ގާނޫނުއަސާސީގައިވާ ގޮތުން ނަމަ ރައްޔިތުންގެ މަޖިލީހުގެ ރައީސްގެ އިތުބާރު ނެތް ކަމަށް ފާސްވާނީ ހާޒިރުވެ ވޯޓުގައި ބައިވެރިވާ މެންބަރުންގެ އަގުލަބިއްޔަތުންނެވެ. މަޖިލީހަށް އެ މައްސަލަ ހުށަހަޅައި ބަހުސް ފަށަން ބޭނުން ވަނީ 22 މެންބަރުންގެ ސޮޔެވެ.

ރައީސް ސޯލިހު ޖިނާއީ ކުށެއް ކުރެއްވި ކަމަށް ވިދާޅުވެ އެމަނިކުފާނު ދެއްކެވި ވާހަކަފުޅަކީ ރައީސަށް ކުރެއްވި ތުހުމަތެއް ނޫން ކަމަށް ނަޝީދު ފަހުން ވިދާޅުވެފައިވެ އެވެ. ނަޝީދު، ސޯލިހަށް ތުހުމަތުތަކެއް ކުރެއްވި ކަމަށް ބުނެ ނޫސްތަކުގެ ސުރުހީގައި އެ ވާހަކަ ޖެހީ ނޫސްވެރިން ކަމަށް ވެސް ނަޝީދު ވިދާޅުވި އެވެ.

"އަޅުގަނޑުގެ ނުކުތާއަކީ ލޮލަށް ފެންނަ ކޮންމެ ފޮޓޯއަކަށް ވެސް އެބާވަތުގެ ކަންކަމުގައި ގާނޫނު ބަޔާންކުރާ ގޮތަށް، އެއާއި މެދު އަމަލުކުރަން ޖެހޭނެކަން. އެއީ ރައީސުލްޖުމްހޫރިއްޔާގެ ފޮޓޯފުޅެއް ކަމަށް ބުނެ ބައެއް މީހުން ދައުރުކުރި އެއްޗަކަށް ވިޔަސް، އަޅުގަނޑާ ގުޅޭ ގޮތުން ބައެއް މީހުން ދައުރުކުރި އެއްޗަކަށް ވިޔަސް، އެހުރިހާ ކަމެއް ވެސް ހިނގަމުން ދާން ޖެހޭނީ ގާނޫނީ ތަރަހައިގެ ތެރޭން،" ނަޝީދު ކުރެއްވި ތުހުމަތުތަކަށް ފަހު ބޭއްވި ނޫސްވެރިންގެ ބައްދަލުވުމެއްގައި ވިދާޅުވެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox