ހުލާސާކޮށް އިއްޔެ: އަލީ ސޯލިހަށް ހަމަލާ ދީ ޒަހަމް ކޮށްލުން

Aug 23, 2022, 1:35 AM
އެންވަޔަރްމެންޓް މިނިސްޓްރީގެ ސްޓޭޓް މިނިސްޓަރު އަލީ ސޯލިހަށް މީހަކު ވަޅިން ހަމަލާދޭ މަންޒަރު ފެންނަ ވީޑިއޯއަކުން ނަގާފައިވާ މަންޒަރުތަކެއް.

އެންވަޔަރްމެންޓް މިނިސްޓްރީގެ ސްޓޭޓް މިނިސްޓަރު އަލީ ސޯލިހަށް މީހަކު ވަޅިން ހަމަލާދޭ މަންޒަރު ފެންނަ ވީޑިއޯއަކުން ނަގާފައިވާ މަންޒަރުތަކެއް.

ތިމާވެއްޓާ ބެހޭ މިނިސްޓްރީގެ ސްޓޭޓް މިނިސްޓަރު އަލީ ސޯލިހަށް ވަޅިއަކުން ހަމަލާދީ އޭނާ ޒަހަމްކޮށްލީ އިއްޔެ އެވެ.

އަލީ ސޯލިހަށް ހަމަލާ ދިން ވީޑިއޯ އާންމު ވެފައިވާއިރު، އެ ވީޑިއޯއިން ފެންނަ ގޮތުގައި ހަމަލާ ދީފައި ވަނީ ހުޅުމާލޭގެ މައި މަގެއްގައި އޭނާ ސައިކަލް ދުއްވާފައި ދަނިކޮށް ހުއްޓުވުމަށް ފަހު އެވެ. އެ ހަމަލާއިން އޭނާ ސަލާމަތްވީ ކިރިޔާ އެވެ.

ވީޑިއޯއަކުން ފެންނަ ގޮތުގައި ސައިކަލެއްގެ މަތީގައި އިން އަލީއަށް ހަމަލާދިން މީހާ ގައިގާ ހުރިހާ ބާރެއް ލާފައި ވަޅިއަޅަން މަސައްކަތްކުރީ އަލީގެ ކަރުގަ އެވެ. ފުރަތަމަ ފަހަރު އޭނާ ވަޅި މަޅައިލުމުން އަލީ ދިފާއުވީ ހަމަލާދިން މީހާއާ ދުރަށް އަރިވެގެންނެވެ. ދެވަނަ ފަހަރަށް އޭނާ ހަމަލާ ދިނީ ވީޑިއޯއިން ފެންނަ ގޮތުގައި އަލީގެ ކުރިމަތިން ވަރަށް ކައިރިއަށް ޖެހި ހުރެ އެވެ.

ކަރުގައި ވަޅި އަޅަން އުޅުމުން އަލީ އޭނާގެ ވައަތް ހުރަސްކޮށް އެ ހަމަލާއިން ސަލާމަތްވެ، ސައިކަލް ދޫކޮށްލާފައި ދުވެފައި ދާތަން ވީޑިއޯއިން ފެނެ އެވެ.

އެވަގުތު މަގުމަތީގައި ތިބި މީހުންގެ ތެރެއިން ބައެއް މީހުން، ހަމަލާދިން މީހާއާ ދިމާލަށް ދިޔަކަން ވީޑިއޯއިން އެނގެ އެވެ.

"އަޅުގަނޑު ހުރީ ސައިކަލުގައި. އޭނާ ވެސް ސައިކަލުގައި ފަހަތުން އައިސް ފުރަތަމަ ހަޅޭއްލެވީ. ފަހުން ދަބަހުން ވަޅިއެއް ނަގައި ހަމަލާދިނީ،" އަލީ ސޯލިހު ކިޔައިދިނެވެ.

އޭނާ ވިދާޅުވީ ހަމަލާދިން މީހާގެ ވަޅި އޭނާގެ ކަރަށް އަމާޒުނުވީ އަތް ނެގުމުން ކަމަށެވެ. ނަމަވެސް އަތަށް ގެއްލުންވި ކަމަށާއި މިހާރު އެކަމަށް ހޮސްޕިޓަލުން ފަރުވާ ހޯދާފައިވާ ކަމަށް ވިދާޅުވި އެވެ.

އަލީ ސޯލިހަށް ހަމަލާދިން މީހާ މިހާރު ވަނީ ފުލުހުން ހައްޔަރުކޮށްފަ އެވެ. އެއީ ސަލްމާން މިސްކިތުގެ މިމްބަރަށް އަރައި ހަޅޭއްލެވި މައްސަލައެއްގައި މީގެ ކުރިން ހައްޔަރު ކުރި މީހާ އެވެ.

ބައެއް މުހިންމު ހަބަރުތައް

  • އަލީ ސޯލިހަށް ދިން ހަމަލާއާ ގުޅިގެން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ރޭ ވިދާޅުވީ ރާއްޖޭގައި ހަރުކަށި ފިކުރުގެ އަމަލުތައް ހުއްޓުވަން ކުރާ މަސައްކަތް ހަރުދަނާވާން ޖެހޭ ކަމަށެވެ. ނަޝީދު ކުރެއްވި ޓުވީޓެއްގައި ސިފަކުރެއްވި ގޮތުގައި ރާއްޖޭގައި ހިންގަނީ އިންތިޒާމްވެގެން ހިންގާ ހަރުކަށި ފިކުރުމުގެ އަމަލުތަކެވެ.
  • މާލޭ އޯކިޑްމަގުގައި ހުންނަ މީޑިއާނެޓްގެ އޮފީހަށް ބަޔަކު ވަދެ ހިންގި މާރާމާރީއަކާ ގުޅިގެން ދެ މީހަކު ހައްޔަރުކޮށްފި ކަމަށް ރޭ ފުލުހުން ބުންޏެވެ. ހައްޔަރުކޮށްފައި ވަނީ 22 އަހަރުގެ މީހަކާއި 19 އަހަރުގެ މީހެކެވެ.
  • ދެމެހެއްޓެނިވި ގޮތުގައި ކުނި މެނޭޖްކުރުމާގުޅޭ ހޭލުންތެރިކަން އިތުރުކުރުމަށް ތިމާވައްޓާ ބެހޭ މިނިސްޓްރީން "ފަސްގަނޑު"ގެ ނަމުގައި ގައުމީ ކެމްޕެއިނެއް އިއްޔެ ފެށި އެވެ.
  • ރަށު ކައުންސިލްތައް ހިންގުމުގައި އިސްލާހު ކުރަންޖެހޭ ބައެއް ކަންކަން އެމަނިކުފާނަށް ފާހަގަ ކުރެއްވިފައިވާ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އިއްޔެ ވިދާޅުވި އެވެ،
  • އެއްޖިންސުން ގުޅުން ހިންގާ މަންޒަރު ފެންނަ ވީޑިއޯތަކެއް ލީކުވި މައްސަލައިގައި، ގާނޫނީ ވަކީލު ނާޒިމް އަބްދުއްސައްތާރު ހިމެނޭ ގޮތަށް އެ ވީޑިއޯތަކުން ފެންނަ ހަތަރު މީހެއްގެ މައްޗަށް ޖިނާއީ ދައުވާ ކުރުމަށް ޕްރޮސެކިއުޓާ ޖެނެރަލްގެ އޮފީހުން ކޯޓަށް ހުށަހަޅައިފި ކަމަށް ރިޕޯޓްކުރީ އިއްޔެ އެވެ.

ދުވަހުގެ ކޯޓޭޝަން

ސްޓޭޓް މިނިސްޓަރު އަލީ ސޯލިހަށް ދިން ހަމަލާއާ ގުޅިގެން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވީ:

ޖުމްހޫރީ ޕާޓީގެ ތަރުމާނު އަލީ ސޯލިހަށް ދިން ހަމަލާ އިންތިހާއަށް ކުށްވެރިކުރަން. ރާއްޖޭގައި އިންތިޒާމްވެގެން ހިންގާ ހަރުކަށި ފިކުރުގެ އަމަލުތައް ހުއްޓުވުމަށް ކުރާ މަސައްކަތް މާބޮޑަށް ހަރުދަނާވެ، އިތުބާރު ހިފެން ޖެހޭ،"

ދުވަހުގެ ފޮޓޯ

އެމްއެންޔޫއިން ބާއްވާ "ތެވެލި ބައިނަލްއަޤުވާމީ މަހާސިންތާ 2022" އިފުތިތާހު ކުރުމުގެ ރަސްމިއްޔާތަށް ނައިބު ރައީސް ފައިސަލް ނަސީމް އިއްޔެ އެމްއެންޔޫއަށް ވަޑައިގަންނަވަނީ. -- ފޮޓޯ: ރައީސް އޮފީސް
އެމްއެންޔޫއިން ބާއްވާ "ތެވެލި ބައިނަލްއަޤުވާމީ މަހާސިންތާ 2022" އިފުތިތާހު ކުރުމުގެ ރަސްމިއްޔާތަށް ނައިބު ރައީސް ފައިސަލް ނަސީމް އިއްޔެ އެމްއެންޔޫއަށް ވަޑައިގަންނަވަނީ. -- ފޮޓޯ: ރައީސް އޮފީސް

އެމްއެންޔޫއިން ބާއްވާ "ތެވެލި ބައިނަލްއަޤުވާމީ މަހާސިންތާ 2022" އިފުތިތާހު ކުރުމުގެ ރަސްމިއްޔާތަށް ނައިބު ރައީސް ފައިސަލް ނަސީމް އިއްޔެ އެ ޔުނިވާސިޓީ އަށް ވަޑައިގަންނަވަނީ. -- ފޮޓޯ: ރައީސް އޮފީސް

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox