އެމެރިކާގެ ރިޕަބްލިކަން ޕާޓީގެ ސާރާ ޕޭލިން 10 އަހަރަށް ފަހު ކުރީގެ ރައީސް ޑޮނަލްޑް ޓްރަމްޕްގެ ތާއީދާ އެކު މަޖިލީހުގައި އެލެސްކާ ސްޓޭޓް ތަމްސީލް ކުރަން އެނބުރި އަންނަން މަސައްކަތް ފަށައިފި އެވެ.
ސާރާ ޕޭލިން މަގްބޫލުވީ 2008 ވަނަ އަހަރު ނައިބު ރައީސްގެ ކެންޑިޑޭޓުގެ ގޮތުގަ އެވެ. ހައުސް އޮފް ރެޕްރެޒެންޓޭޓިވްސްއަށް އެކަމަނާ އިންތިހާބު ކުރުމާ ގުޅޭ ގޮތުން ބުދަ ދުވަހު ވޯޓު އޮންނާނެ އެވެ.
ދެހާސް ސޯޅަ ވަނަ އަހަަރު ޓްރަމްޕް ރައީސްކަމަަށް އިންތިހާބުވުމުގެ ކުރިން ސާރާ އުޅުއްވީ ސިޔާސީ ދާއިރާއާ ދުރުގަ އެވެ. ދާއިރާއަށް އެނބުރި އަައުމަށް ކުރާ މަސައްކަތުގަައި އެކަމަނާއަަށް އެއްބާރުލުން ދެއްވަނީ ޓްރަމްޕް އެވެ.
އުމުރުން 58 އަހަރުގެ ސާރާ ވަނީ 2006 އިން 2009 އަށް އެލެސްކާގެ ގަވަރުނަރުކަން ކުރައްވައިފަ އެވެ.
ބުދަ ދުވަހުގެ ވޯޓުގައި އެކަމަނާއާ ވާދަކުރައްވަނީ ރިޕަބްލިކަން ޕާޓީގެ ނިކް ބެގިޗް އަދި ޑިމޮކްރެޓުންގެ މޭރީ ޕެލްޓޯލާ އެވެ.
ކުރިން ހައުސް އޮފް ރެޕްރެޒެންޓޭޓިވްސްގައި އެލެސްކާ ތަމްސީލް ކުރެއްވި ރިޕަބްލިކަން ޕާާޓީގެ ޑޮން ޔަަންގް އަަވަހާރަަަވީ މިދިޔަ މާޗް މަހުގަ އެވެ. އޭނާ ވަނީ 49 އަހަރު އެ މަގާމު ފުރުއްވާފަ އެވެ.
އަލަށް އިންތިހާބުވާ ކެންޑިޑޭޓް އެ މަގާމު ފުރުއްވާނީ ފަސް މަހަށެވެ. އޭގެ ފަހުން އާ ދައުރަކަށް ވޯޓު ނަގާނެ އެވެ.
