ކީއްކުރާ ހުންގާނެއް؟ އެއަށް ވުރެ ތެލުގެ ހަރަދު ކުޑަކޮށްދޭ ޖޮއިސްޓިކް މާ ސަޅި!

ވޮލްވޯ ޕެންޓާ އައިޕީއެސް ސިސްޓަމް މޯލްޑިވްސް މެރިން އެކްސްޕޯގައި ޑިސްޕްލޭކޮށްފައި: މިއީ ތިމާވެއްޓާ ރައްޓެހި، ހުރިހާ ގޮތަކުން ހަރަދު ކުޑަކޮށްދޭ ޕްރޮޕަލްޝަން ސިސްޓަމެއް. -- ފޮޓޯ: އަދަދު

ވޮލްވޯ ޕެންޓާ އައިޕީއެސް ސިސްޓަމް މޯލްޑިވްސް މެރިން އެކްސްޕޯގައި ޑިސްޕްލޭކޮށްފައި: މިއީ ތިމާވެއްޓާ ރައްޓެހި، ހުރިހާ ގޮތަކުން ހަރަދު ކުޑަކޮށްދޭ ޕްރޮޕަލްޝަން ސިސްޓަމެއް. -- ފޮޓޯ: އަދަދު

މިހާރު ކުރިޔަށްދާ މެރިން އެކްސްޕޯގެ ތެރެއިން އެންމެ ލޮލުގަ އަޅައިގަތް އެކައްޗަކީ ވޮލްވޯ ބްރޭންޑުގެ ރާއްޖޭގެ އޮތޮރައިޒްޑް ޑިސްޓްރިބިއުޓަރު މާކެޓެކް މޯލްޑިވްސްގެ ސްޓޯލުގައި ބަހައްޓާފައި ހުރި އެއްޗެއްގައި ހަރުކޮށްފައި ހުރި ބުރަފައްޗެވެ. ފުރަތަމަ ފެނުމުން ހިތަށްއެރީ އެ ބުރަފަތި އެއިނީ ނުބައިކޮށް ހަރުކޮށްފައި ކަމަށެވެ. އާންމުކޮށް ދޯނިތަކުގައި ބުރަފަތި ހުންނަނީ އެންމެ ފަހަތް ކޮޅުގަ އެވެ. އެކަމަކު މި ބުރަފަތި އިނީ ހުންގާނާ ވީކޮޅަށެވެ.

މިއީ ކިހިނެއްވާ ކަމެއްތޯ އޮޅުންފިލުވާލަން ސްޓޯލާ ގާތްވެލިއިރު، އެތާ ބަހައްޓާފައި ހުރި ޖޮއިސްޓިކެއް ބޭނުންކޮށްގެން ކުދިންތަކެއް ބޯޓެއް ގާތްކުރަން މަސައްކަތްކުރާ މަންޒަރު ވެސް ފެނުނެވެ. އެކަމަށް މާބޮޑު ފަރުވާލެއް ނެތި ކުރިން ފެނުނު ބުރަފައްޗާ ގުޅޭގޮތުން މައުލޫމާތު ހޯދާލަން މަސައްކަތް ކުރީމެވެ. އެ މައުލޫމާތު ދިނީ މާކެޓެކްގެ އަޖުވާދު ނަމަކަށް ކިޔާ މުވައްޒަފެކެވެ. އެންމެ ފުރަތަމަ ވެސް ބުނީ ބުރަފަތި ހުރީ ނުބައިކޮށް ހަރުކޮށްފައި ނޫން ކަަމަށާއި އެއީ އެ ކުންފުނިން ރާއްޖޭގެ ބާޒާރަށް ތައާރަފުކޮށްގެން ބޭނުންކުރަމުން އަންނަ ވޮލްވޯ ޕެންޓާ އައިޕީއެސް ސިސްޓަމުގައި ބުރަފަތި ހަރުކުރާ ގޮތް ކަމަށެވެ.

ތިމާވެއްޓާ ރައްޓެހި، ހަރަދުކުޑަ، އަޑު މަޑު، މޮޅު ސިސްޓަމެއް

ވޯލްވޯ ޕެންޓާ އިންބޯޑް ޕާފޯމަންސް ސިސްޓަމް (އައިޕީއެސް)އަކީ މާކެޓުގައި ދެވަނައެއް ނެތް ފަދަ ޕްރޮޕަލްޝަން ސިސްޓަމެކެވެ. ތިމާވެއްޓާ ރައްޓެހި މި ޕްރޮޑަކްޓަކީ މިހާރު އެންމެ ހިނގާ "ފިއުޗާ-ޕްރޫފް" އީޖާދެކެވެ. މާނައަކީ މުސްތަގުބަލުގައި ވެސް މި ޕްރޮޑަކްޓުގެ ބޭނުން އެންމެ ފުރިހަމަ ގޮތުގައި ހިފޭނެ އެވެ.

އަޖުވާދު ބުނި ގޮތުގައި މި ޕްރޮޑަކްޓު ތިމާވެއްޓާ ރައްޓެހި ކަމަށް ބުނަނީ މި ސިސްޓަމް ބޭނުންކޮށްގެން 30 ޕަސެންޓާ ހަމައަށް ތެލުގެ ހަރަދުކުޑަވުމާއި އެއާއެކީ ޖައްވަށް ދޫކުރާ ވިހަ ގޭހުގެ ނިސްބަތް 30 ޕަސެންޓާ ހަމައަށް ކުޑަކުރެވޭތީ އެވެ. ހަމައެހެންމެ 50 ޕަސެންޓާ ހަމައަށް އިންޖީނުގެ އަޑު މަޑުކޮށްދޭ މި ސިސްޓަމާއެކީ ޓޮޕް ސްޕީޑް 20 ޕަސެންޓާ ހަމައަށް އިތުރުވެ، ކްރޫޒް ކުރެވޭ ރާސްތާ 40 ޕަސެންޓާ ހަމައަށް އިތުރުކުރެވެ އެވެ.

ވޮލްވޯ ޕެންޓާ އައިޕީއެސް ސިސްޓަމް ބޯޓުތަކުގައި ހަރުކުރުމުން ހުންނާނެ ގޮތުގެ ކުރެހުމެއް. -- ފޮޓޯ: ވޮލްވޯ
ވޮލްވޯ ޕެންޓާ އައިޕީއެސް ސިސްޓަމް ބޯޓުތަކުގައި ހަރުކުރުމުން ހުންނާނެ ގޮތުގެ ކުރެހުމެއް. -- ފޮޓޯ: ވޮލްވޯ

ވޮލްވޯ ޕެންޓާ އައިޕީއެސް ސިސްޓަމް ބޯޓުތަކުގައި ހަރުކުރުމުން ހުންނާނެ ގޮތުގެ ކުރެހުމެއް. -- ފޮޓޯ: ވޮލްވޯ

މިއީ ލަގްޒަރީ ކްރޫސިންގައި ދެވަނައެއް ނެތް ޕްރޮޑަކްޓެއް ކަމަށް މާކެޓެކްއިން ބުންޏެވެ. އެގޮތުން މިހާރުވެސް ރާއްޖޭގެ މަތީފަންތީގެ ރިސޯޓުތަކުގައި މި ސިސްޓަމް ބޭނުންކުރަމުން އަންނައިރު އެ މީހުންގެ ތަޖުރިބާ ވަރަށް ރަނގަޅުކަމަށް ބުނެފައިވެ އެވެ.

އެ ސިސްޓަމް ބޭނުންކޮށްގެން އުޅަނދުތައް އޮޕަރޭޓްކުރާ ރިސޯޓުތަކުގެ ތެރޭގައި ހިމެނެނީ މުޅިން ވެސް އެންމެ މަތީފަންތީގައި ގުނާލެވޭ ރިސޯޓުތަކެވެ. އޭގެ ތެރޭގައި ވޮލްޑޯފް އެސްޓޯރިއާ އިތާފުއްޓާއި ވެލާ ޕްރައިވެޓް އައިލެންޑް ހިމެނެ އެވެ.

ހުންގާނެއްގެ ބަދަލުގައި ބޭނުންކުރަނީ ޖޮއިސްޓިކެއް؛ "10 އަހަރުގެ ކުއްޖަކަށް ވެސް އޮޕަރޭޓުކުރެވޭނެ"

ވޮލްވޯ ޕެންޓާ އައިޕީއެސް ސިސްޓަމުގެ އެންމެ ތަފާތު އަދި އެންމެ އީޖާދީ ފީޗާއަކީ ހުންގާނުގެ ބަދަލުގައި ޖޮއިސްޓިކްތަކެއް ބޭނުންކޮށްގެން އިންޖީނުގެ ބުރަފަތި ކޮންޓްރޯލް ކުރަން ލިބުމެވެ. ސްމާޓް އާލާތްތައް ބޭނުންކޮށްގެން "އެސިސްޓަޑް ޑޮކިން" އާއި "ގްލާސް ކޮކްޕިޓް ޑިސްޕްލޭ" ހިމެނޭ ފަދަ ފީޗާތައް ވެސް އެކުލަވޭ މި ސިސްޓަމަކީ އިންޑަސްޓްރީގައި ފުރަތަމަ ފަަހަރަށް ތައާރަފުކުރި ސިސްޓަމެވެ.

އަޖުވާދު ބުނި ގޮތުގައި މިއީ ހައި ޓެކެއް ކަމަކު ވަރަށް ފަސޭހައިން ބޭނުންކުރެވޭ ފީޗާއެއް ކަމަށެވެ. އަދި މެރީނާ ފަދަ ކުދި ޖާގަތަކުން ބޯޓުފަހަރު، ހާއްސަކޮށް ލަގްޒަރީ އުޅަނދުފަހަރު ވަދެ ނުކުމު ހަދާއިރު ޖޮއިސްޓިކް ބޭނުންކޮށްގެން އެހެން އެއްވެސް ސިސްޓަމަކުން ނުލިބޭހާ ކޮންޓްރޯލް ލިބޭނެ ކަމަށެވެ.

"މިއީ ކުޑަކުދިންނަށް، މިސާލަކަށް 10 ވަރަކަށް އަހަރުގެ ކުއްޖަކަށް ވެސް އޮޕަރޭޓުކުރެވޭނެހާ ފަސޭހަ ސިސްޓެމެއް" އޭނާ ބުންޏެވެ.

އެހެންކަމުން ސްޓޯލަށް ވަންއިރު ފެނުނު މި ފެނުނު "ވީޑިއޯ ގޭމް"އަކީ އަސްލު ގޭމެއް ނޫނެވެ. މި ޓެކްނޮލޮޖީ ބޭނުންކޮށްގެން ބޯޓެއް ޑޮކްކުރަން މަސައްކަތްކުރާ ސިމިއުލޭޓާއެކެވެ. މި ޕްރޮޑަކްޓާ ގުޅޭ އިތުރު މައުލޫމާތާއި މި ސިމިއުލޭޓާގެ އަޖުމަ ބަލާލަން މިހާރު ހުޅުމާލޭ ސެންޓްރަލް ޕާކުގައި ކުރިޔަށްދާ މޯލްޑިވްސް މެރިން އެކްސްޕޯގައި ހުރި މާކެޓެކްގެ ސްޓޯލަށް ޒިޔާރަތްކުރައްވާށެވެ.

މި އެކްސްޕޯ ކުރިޔަށް ދާނީ ހަވީރު 4:00 އިން މިރޭ 10:00 ގެ ނިޔަލަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox