އޮބާމަޔަން ގަންނަން ޔުނައިޓެޑާއި ޗެލްސީ އަށް ފުރުސަތެއް

Aug 11, 2022, 4:07 AM
އޮބާމަޔަން ގަންނަން ޔުނައިޓެޑާއި ޗެލްސީ އަށް ފުރުސަތެއް

ބާސެލޯނާ (އޮގަސްޓް 11) - މިދިޔަ ޖެނުއަރީ މަހު ބާސެލޯނާ އަށް ބަދަލުވި ޕިއޭ-އެމެރިކް އޮބާމަޔަން ގަންނަން މެންޗެސްޓާ ޔުނައިޓެޑާއި ޗެލްސީ އަށް ފުރުސަތު އެބައޮތް ކަމަށް ސްޕެއިނުގެ މީޑިއާ ރިޕޯޓްތައް ބުނެފި އެވެ.

ބާސެލޯނާ އިން އޮބާމަޔަން، 33، ދޫކޮށްލަން ނިންމާފައިވަނީ ލަލީގާގެ ގަވާއިދުތަކަށް ފައްތައިގެން އެ ކްލަބާ މި ފަހަރުގެ ޓްރާންސްފާގައި ގުޅުނު ކުޅުންތެރިން ރަޖިސްޓްރީ ކުރުމަށެވެ. އެ ގޮތުން، ބާސެލޯނާ އިން ވަނީ 2025 ވަނަ އަހަރާ ހަމައަށް އެ ކްލަބްގެ ކޮންޓްރެކްޓް ހެދި އޮބާމަޔަން ވިއްކާލާ ކުޅުންތެރިންގެ ލިސްޓުގައި ހިމަނައިފަ އެވެ.

ޔުނައިޓެޑާއި ޗެލްސީން އަންނަނީ ޓްރާންސްފާ މާކެޓްގައި ފޯވާޑެއް ހޯދުމުގެ މަސައްކަތް ކުރަމުންނެވެ. އެހެންވެ، ޗެލްސީން އޮބާމަޔަން ގަންނަން ބިޑްކޮށްފާނެ ކަމަށް ބެލެވޭ އެންމެ ބޮޑު ސަބަބަކީ އެ ޓީމުގެ ކޯޗު ތޯމަސް ޓުޗެލް އާއި އޮބާމަޔަން އެކުގައި ޑޯޓްމަންޑްގައި މަސައްކަތް ކޮށްފައިވުމެވެ. މީގެ ދެ އަހަރު ކުރިން، ޗެލްސީގެ ކޯޗުކަމާ ފްރޭންކް ލަމްޕާޑް ހަވާލުވެ ހުރިއިރު، އޮބާމަޔަން ގަންނަން މަޝްވަރާކުރި އެވެ. އެކަމަކު، އެ ފަހަރު އޮބާމަޔަން ކިޔާ މުސާރަ ބޮޑުވުމުން ޗެލްސީން އަމިއްލަ އަށް ރޭހުން ބޭރުވީ އެވެ.

Advertisement

އެންތަނީ މާޝިއަލްގެ އަނިޔާގެ މައްސަލަ އާއި ގޯލާ ރަށްޓެހި ސެންޓަ ފޯވާޑެއް ހޯދުމުގެ މަސައްކަތުގައި ޔުނައިޓެޑުން ޓްރާންސްފާ މާކެޓްގައި ގިނަ ކުޅުންތެރިންނަށް ފާރަލި އެވެ.

ބޮލޯނިއާ އަށް ކުޅޭ އޮސްޓްރިއާގެ ފޯވާޑް މާކޯ އާނައޮޓޮވިޗް ގަންނަން ޔުނައިޓެޑުން ކުރި ނުވަ މިލިއަން ޑޮލަރުގެ ބިޑް ވީ ނާކާމިޔާބެވެ. ޔުނައިޓެޑުން ފަހުން، އާނައޮޓޮވިޗަށް އިތުރު ބިޑެއް ނުކުރީ އެ ކްލަބްގެ ސަޕޯޓަރުންގެ ޕްރެޝަރާ ހެދި އެވެ. އާނައޮޓޮވިޗް ވަނީ ޕްރިމިއާ ލީގުގައި ސްޓޯކް ސިޓީ އާއި ވެސްޓް ހޭމް ޔުނައިޓެޑަށް ކުޅެފަ އެވެ.

ޓްރާންސްފާ މާކެޓް ނިމުމުގެ ކުރިން ޔުނައިޓެޑުން އޮބާމަޔަން ނޫނީ އަލްވާރޯ މޮރާޓާ އަށް ބިޑް ކުރުމުގެ ފުރުސަތު އެބައޮތެވެ. އެކަމަކު، އޮބާމަޔަންގެ ގާތް ފަރާތްތަކާ ހަވާލާދީ ސްޕެއިންގެ ނޫސްތަކުން ރިޕޯޓްކުރާގޮތުގައި އޮބާމަޔަން ހުރީ ބާސެލޯނާ ދޫކޮށްލާ ގޮތަކަށް ނޫނެވެ.

ޖެނުއަރީ މަހު އާސެނަލް ދޫކޮށް ބާސެލޯނާ އަށް ބަދަލުވި ފަހުން އޮބާމަޔަން އެ ޓީމަށް ކުޅެދިން 23 މެޗުން ވަނީ 12 ގޯލު ޖަހައިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox