އިރާނުގެ ސެޓެލައިޓެއް ހިފައިގެން ރަޝިއާގެ ރޮކެޓެއް ކާމިޔާަބުކަމާ އެކު ޖައްވަށް ދަތުރުކޮށްފި އެވެ.
"ހައްޔާމް" ސެޓެލައިޓް ލޯންޗުކުރީ ރަޝިއާގެ ސޯޔުޒް ރޮކެޓެއްގައި ކަޒަކިސްތާނުގެ ބައިކްނޫރް ކޮސްމޯޑްރޯމްއިންނެވެ.
އެ ސެޓެލައިޓުގެ އެހީގައި ޔޫކްރެއިންގައި ރަޝިއާގެ ޖާސޫސީ ގާބިލްކަން އިތުރުވާނެ ކަމަށް ކުރާ ތުހުމަތުތަކަކީ ދޮގެއް ކަމަށް އިރާނުން ބުނެ އެވެ.
އިރާނުން ބުނީ ފުރަތަމަ ދުވަހުން ފެށިގެން ވެސް އެ ސެޓެލައިޓްގެ ފުރިހަމަ ކޮންޓްރޯލް އަދި އޮޕަރޭޝަން ހިންގާނީ އިރާނުން ކަމަށެވެ.
މިދިޔަ ހަފްތާގައި ވޮޝިންޓަން ޕޯސްޓް ނޫހުން ބުނީ ޖައްވީ ކަންކަމުގަައި އިރާނާއި ރަޝިއާގެ ގުޅުން ބަދަހިވާތީ އެމެރިކާއިން ކަންބޮޑުވާ ކަމަށެވެ.
އާ ސެޓެލައިޓާ އެކު ޔޫކްރެއިން ހަަނގުރާމައިގަައި ރަޝިއާއަށް ޖާސޫސީ މައުލޫމާތު ލިބުމާއި، އިޒްރޭލާއި މެދުއިރުމަތީގެ ޓާގެޓުތައް ކަނޑައެޅޭނެ ކަމަށް އެމެރިކާއިން ބުނެ އެވެ.
އިރާނުން ބުނީ ސެޓެލައިޓްގެ މަގްސަަދަކީ ސައިންސްގެ ދިރާސާތައްކޮށް، ދަނޑުވެރިކަމުގެ ބޭނުމަށް ތިމާވެޓި މޮނީޓާ ކުރުން ކަމަށެވެ.
