ނަބްލޫސް، ފަލަސްތީން (ޖުލައި 24) - ހުޅަނގު އަައްސޭރީގެ ނަބްލޫސް ސިޓީގައި އިޒްރޭލުން ހިންގި އޮޕަރޭޝަނެއްގައި ފަލަސްތީނުގެ ދެ މީހުން މަރުވެއްޖެ އެވެ.
އިޒްރޭލް ސިފައިން ބުނީ އެ އޮޕަރޭޝަން ހިންގީ ޓެރަރިޒަމްގެ އަމަލު ހިންގާ ބަޔަކާ ދެކޮޅަށް ކަމަށާއި ތުހުމަތު ކުރެވޭ ހަތަަރު މީހުން ހައްޔަރު ކުރި ކަމަށެވެ.
ފަހަކަށް އަައިސް އިޒްރޭލުގައި ދޭ ހަމަލާތައް އިތުރުވެފައި ވާތީ އިޒްރޭލުން ވަނީ ހުޅަނގު އައްސޭރީގައި ހިންގާ އޮޕަރޭޝަންތައް ވެސް އިތުރުކޮށްފަ އެވެ. އިޒްރޭލުން ހުޅަނގު އައްސޭރި ވެރިކޮށްގެން އުޅެނީ 1967 ވަނަ އަހަރުން ފެށިގެންނެވެ.
ފަލަސްތީނުގެ ހެލްތު މިނިސްޓްރީން ބުނީ މަރުވީ އުމުރުން 25 އަހަރުގެ މުހައްމަދު އަޒީޒީ އާއި އުމުރުން 28 އަހަރުގެ އަބްދުލް ރަހްމާން ޖަމާލް ސުލެއިމާން ސޮބްހް ކަމަށެވެ. އިތުރު ހަ މީހުންނަށް އަނިޔާވި އިރު، ދެ މީހުންގެ ހާލު ސީރިއަސް އެވެ.
މިދިޔަ މާޗް މަހުގެ ފަހުކޮޅުން ފެށިގެން އިޒްރޭލްގެ ހަމަލާތަކުގައި ފަލަސްތީނުގެ 52 މީހުން މަރުވެފައިވެ އެވެ. އޭގެ ތެރެއިން ގިނަ މީހުން މަރުވީ ހުޅަނގު އައްސޭރީގަ އެވެ.
