ނާސާގެ ޖޭމްސް ވެބް ސްޕޭސް ޓެލެސްކޯޕުން ނެގި ދަނބު ކުލައިގެ "ސްޕައިރަލް ގެލެކްސީ"އެއްގެ ފޮޓޯއަށް ބޮޑު ސަަމާލުކަމެއް ލިބިއްޖެ އެވެ.
އިނގިރޭސިވިލާތުން ދަ އިންޑެޕެންޑެންޓް ނޫހުން ބުނީ އެ ފޮޓޯ ޓްވިޓާގަައި އާާއްމު ކުރީ ޔުނިވާސިޓީ އޮފް ކޯޕެންހޭގަންގެ ނީލްސް ބޯރް އިންސްޓިޓިއުޓްގެ ކޮސްމިކް ޑޯން ސެންޓަރުގެ އެސްޓްރޮނޮމާ ގެބްރިއެލް ބްރާމާ ކަމަށެވެ.
މިދިޔަ އާދީއްތަ ދުވަހު ނަގާފައިވާ އެ ފޮޓޯއިން ފެންނަނީ ގެލެކްސީ އެންޖީސީ 628 އެވެ.
"މި ގެލެކްސީއަކީ އަހަރުމެންގެ ދުނިޔެ މިވާ މިލްކީ ވޭއާ ދާދި އެއް ގޮތް ގެލެކްސީއަކަށް ވެދާނެ،" ބްރާމާ ދަ އިންޑެޕެންޑެންޓް ނޫހަށް ބުންޏެވެ.
މީގެ ކުރިން ނާސާއިން ބޭނުން ކުރި ހަބްލް ސްޕޭސް ޓެލެސްކޯޕުން ވެސް ހަމަ މި ގެލެކްސީގެ ފޮޓޯ ނެގި އެވެ. އެކަމަކު އޭރުގެ ފޮޓޯތަކާއި ޖޭމްސް ވެބް ޓެލެސްކޯޕުން ނެގި ފޮޓޯއާ ވަރަށް ތަފާތެވެ.
"ހަބްލް ނޫނީ ބިމުގައި މި ގެންގުޅޭ އެހެން ޓެލެސްކޯޕުން ބަލައިފި ނަމަ މި ގެލެކްސީން ފެންނާާނީ ނޫ ކުލަ އާާއި ރަތް ކުލައިގެ ތަަރި،" ބްރާމާ ބުންޏެވެ.
"މި ފޮޓޯއިން ތަރިތަކަށް ވުރެ ބޮޑަަށް މި ފެންނަނީ މި ގެލެކްސީގައިވާ ގޭހާއި ހިރަފުސް."
ދިހަ ބިލިއަަން ޑޮލަރު ހޭދަަކޮށްގެން ހެދި ޖޭމްސް ވެބް ޓެލެސްކޯޕް ޖައްވަށް ފޮނުވައި ނެގި ފުރަތަމަ ފޮޓޯ ވައިޓް ހަައުސްއިން ދައްކާލީ ޖުލައި 11 ވަނަ ދުވަހު އެވެ.
ޖޭމްސް ވެބް ޓެލެސްކޯޕުން ނެގި ފުރަތަމަ ފޮޓޯ.
