އެމެރިކާގެ ރައީސް ޖޯ ބައިޑެން ސައުދީ އަަރަބިއްޔާއަށް ވަަޑައިގެންނެވުމުން ވަލީ އަހުދު އަމީރު މުހައްމަަދު ބިން ސަލްމާން އެމަނިކުފާނަށް މަރުހަބާ ދަންނަވައިފި އެވެ.
ސަައުދީ އަަރަަބިއްޔާގެ އިންސާނީ ހައްގުތަކުގެ ރެކޯޑް ގޯސްކޮށް އޮއްވާ ވަލީ އަހުދާ ބައްދަަލުކުރައްވާތީ ގިނަ ބަޔަކު ދަނީ ބައިޑެންއާ މެދު ހިތްހަމަނުޖެހުން ފާޅުކުރަމުންނެވެ.
އެމެރިކާގެ ޖާސޫސީ އިދާރާތަަކުން ބުނާ ގޮތުގައު އިސްތަންބޫލްގައި ހުންނަ ސައުދީ ކޮންސިއުލޭޓް ތެރޭގަައި 2018 ވަނަ އަހަރު ނޫސްވެރިޔާ ޖަމާލް ހަަޝޮގްޖީ މަރާލައި، ފޮތިފޮތިކޮށްލީ ވަލީ އަހުދުގެ އަމުރު ކުރެއްވުމުންނެވެ. ނަމަަވެސް. އެއީ ދޮގު ތުހުމަތެއް ކަމަށް ވަލީ އަހުދު ވިދާޅުވެފައިވެ އެވެ.
އެ ހާދިސާއާ ގުޅިގެން ބައިޑެން ވިދާޅުވެފައި ވަނީ ސައުދީ އަރަބިއްޔާއަކީ ބައިނަލްއަަގްވާމީ މުޖުތަމައުއާ "އެކަހެރިވެގަނެގެން އުޅޭ" ދައުލަތެއް ކަމަށެވެ. އަދި، ސައުދީއާ ދުރު ހާރިޖީ ސިޔާސަތަކަށް ވައުދުވެވަޑައިގެންނެވި އެވެ.
މިދިޔަ ހޮނިހިރު ދުވަހު ދަަ ވޮޝިންޓަން ޕޯސްޓުގައި ޝާއިއުކުރެއްވި އޮޕް-އެޑެއްގައި ބައިޑެން ވަނީ ސަައުދީއަށް ކުރައްވާ ދަތުރު ދިފާއު ކުރައްވާފަ އެވެ. އެމަނިކުފާނު ވިދާޅުވީ "އަމާޒަކީ ގުޅުން ހަލާކު ނުކޮށް، މިސްރާބު ބަދަލު ކުރުން" ކަމަށެވެ.
މެދުއިރުމައްޗަށް ކުރައްވާާ ފުރަތަމަ ދަތުރުގައި ބައިޑެން ސައުދީއަށް ވަޑައިގެންނެވީ ސީދާާ އިޒްރޭލުންނެވެ. މީގެ ކުރިން އިޒްރޭލުން ސައުދީއަށް ވައިގެ ދަތުރު ކުރުން މަނަ އެވެ.
ސައުދީ ޕްރެސް އެޖެންސީ (އެސްޕީއޭ) އިން ބުނީ ރަސްގެފާނު ސަލްމާން ބިން އަބްދުލް އަޒީޒް އާއި ބައިޑެން ހުކުރު ދުވަހު ޖިއްދާގެ އަލް ސަލާމް ޝާހީ ގަނޑުވަރުގަައި ބައްދަލުކުރެއްވި ކަމަށެވެ.
އެސްޕީއޭއިން ބުނީ ދެ ލީޑަރުން މަޝްވަރާ ކުރެއްވީ ގުޅުން ރަނގަޅުކޮށް، އިތުރަށް ކުރިއަަށް ދެވޭނެ ދާއިރާތަކާ ގުޅޭ ގޮތުން ކަމަށެވެ.
ބައިޑެން އާާއި ރަސްގެފާނުގެ ބައްދަލުވުމަށް ފަހު ދެން އޮތީ ދެ ގައުމުގެ އިސް އޮފިޝަލުންގެ ބައްދަލުވުމެކެވެ. ވަލީ އަހުދު އިސްކޮށް އުޅުއްވި އެ ބައްދަލުވުމުގައި ވެސް ބައިޑެން ބައިވެރިވެވަަޑައިގެންނެވި އެވެ.
