ލަންކާ މުޒާހަރާ ހޫނުވެ، ބައިވެރިން ބޮޑުވަޒީރު ރަނިލްގެ އޮފީހަށް ވަދެއްޖެ

Jul 13, 2022, 11:30 AM
ލަންކާ މުޒާހަރާ ހޫނުވެ، ބައިވެރިން ބޮޑުވަޒީރު ރަނިލްގެ އޮފީހަށް ވަދެއްޖެ

ސްރީލަންކާގެ ރައީސް ގޮތަބަޔަ ރާޖަޕަކްސަ ރޭ ގައުމުން ފިއްލަވަން ރާއްޖެއަށް ވަޑައިގެންނެވުމާއެކު އެގައުމުގައި ފެށުނު މުޒާހަރާތައް ހޫނުވެ، އެއްބަޔަކު ބޮޑުވަޒީރު އަދި ވަގުތީގޮތުން ވެރިކަމުގައި މިވަގުތު ހުންނެވި ރަނިލް ވިކްރަމްސިންހަގެ އޮފީހަށް ވަދެއްޖެ އެވެ.

ގޮތަބަޔަ ގައުމުން ފިއްލެވި ހަބަރު ފެތުރިގެން ދިއުމާއެކު ލަންކާގެ ގިނަ އަދަދެއްގެ ރައްޔިތުން ވަނީ އެގައުމުގެ ރިޔާސީ ގަނޑުވަރު ހުންނަ ސަރަހައްދަށް އެއްވެ މުޒާހަރާތައް ފަށާފަ އެވެ. މުޒާހަރާކުރާ މީހުން ގޮވަމުންދަނީ ޕްރައިމް މިނިސްޓަރު ކަމުގެ މަގާމުން ރަނިލް ވެސް އިސްތިއުފާ ދިނުމަށެވެ.

ރޮއިޓާސް އިން ރިޕޯޓުކޮށްފައިވާ ގޮތުން ރަނިލްގެ އޮފީސް ކުރިމަތީގައި މީހުން މުޒާހަރާކުރަމުން ދިޔައިރު ފުލުހުން ވަނީ އެއްވުން ރޫޅާލުމަށް ބާރުގެ ބޭނުންކޮށްފަ އެވެ. ނަމަވެސް މާހައުލު ހޫނުވެ، ކަރުނަ ގޭހާއި ފުލުހުންގެ ހަމަލާތަކަށް ގުޑާލުމެއް ނެތި މުޒާހަރާގެ ބައިވެރިން ވަނީ ހަރަކާތްތައް ކުރިއަށް ގެންގޮސްފަ އެވެ.

Advertisement

ރަނިލްގެ އަމުރުފުޅަށް ލަންކާގައި ވަނީ ކުއްލި ހާލަތު އިއުލާނުކޮށް، ސިޓީގެ ބައެއް ސަރަހައްދު ތަކަށް ކާފިއު ވެސް ނެރެފަ އެވެ.

ގޮތަބަޔަގެ ވެރިކަމާ ދެކޮޅު ލަންކާގެ ރައްޔިތުން ގަބޫލުކުރާ ގޮތުގައި ރަނިލް އަކީ ވެސް ރާޖަޕަކްސައާ އެއްކޮޅު މީހެކެވެ. އެހެންކަމުން ޕްރައިމް މިނިސްޓަރުގެ މަގާމުގައި ރަނިލް ހުންނަން އެމީހުން ބޭނުމެއްނުވެ އެވެ.

ގޮތަބަޔާ އޭނާގެ އާއިލާއާ އެކު ރޭ ރާއްޖެއަށް އައިސްފައިވާއިރު، މިދިޔަ ހޮނިހިރު ދުވަހު ސްރީ ލަންކާގެ އާންމުންގެ ވަރަށް ގިނަ ބަޔަކު އެއްވެ ގޮތަބަޔާގެ ގެކޮޅަށް ހިސޯރު ކުރުމަށް ކުރި ބޮޑު މުޒާހަރާއަށްފަހު އޭނާ ވަނީ ވެރިކަމުން އިސްތިއުފާދެއްވާނެ ކަމަށް ވިދާޅުވެފަ އެވެ. ނަމަވެސް އަދިވެސް މަގާމުން އިސްތިއުފާދެއްވާފައެއް ނުވެ އެވެ.

"އަދަދު" ނޫޫހަށް ކަށަވަރުވެފައިވާ ގޮތުގައި މިހާރު ގޮތަބަޔަ ހުންނެވީ ދެކުނު މާލެ އަތޮޅުގައި އޮންނަ ފަސް ތަރީގެ "ސުޕާ ލަގްޒަރީ" ވޮލްޑޯފް އެސްޓޯރިއާ އިތާފުށީގަ އެވެ. އަދި ސިންގަޕޫރުން ހިމާޔަތް ހޯއްދަވައިގެން ފުރަން މަސައްކަތް ކުރައްވަމުން ގެންދަވާ ކަމުގެ މައުލޫމާތު ވެސް ލިބިފައިވެ އެވެ.

ގޮތަބަޔަ ގައުމުން ފިއްލަވަން ރާއްޖެއަށް ވަޑައިގަތުމުން އެކަމާ ނުރުހުން ފާޅުކުރުމަށް މާލޭގައި ތިބި ލަންކާ ރައްޔިތުން ވެސް މިހާރު ވަނީ ކާނިވާ ސަރަހައްދުގައި މުޒާހަރާކުރަން ފަށާފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox