ގޮތަބަޔާ މާލެ ގެނައުމަށް ސިފައިންނަށް އަމުރު ނެރުނީ އެމަނިކުފާނު

ގޮތަބަޔާ ރާއްޖެ ވަޑައިގަތް މަރުކާރުގެ އަސްކަރީ ބޯޓެއް: އެމަނިކުފާނު ރާއްޖެ ވަޑައިގަތުމަށް އެހީތެރިވިދިން ކަމަށް އިންޑިއާއިން ވަނީ ދެކޮޅު ހަދައިފަ -- ފޮޓޯ: ޓެމިލް ގާޑިއަން

ގޮތަބަޔާ ރާއްޖެ ވަޑައިގަތް މަރުކާރުގެ އަސްކަރީ ބޯޓެއް: އެމަނިކުފާނު ރާއްޖެ ވަޑައިގަތުމަށް އެހީތެރިވިދިން ކަމަށް އިންޑިއާއިން ވަނީ ދެކޮޅު ހަދައިފަ -- ފޮޓޯ: ޓެމިލް ގާޑިއަން

ސްރީ ލަންކާގެ ރައީސް ގޮޔަބަޔާ ރާޖަޕަކްސަ ދިވެހިރާއްޖޭގެ ވެރިކަން ކުރާ ރަށް މާލެއަށް ގެނައުމަށް ސިފައިންނަށް އަމުރު ކުރެއްވީ އެމަނިކުފާނަށް ރައީސްގެ ހައިސިއްޔަތުން ލިބިވަޑައިގަނެފައިވާ ބާރުގެ ދަށުން ކަމަށް އެ ގައުމުގެ އެއާފޯސް އިން ބުނެފި އެވެ.

ޑުބާއީއަށް ވަޑައިގަތުމަށް މަސައްކަތް ކުރެއްވުމަށްފަހު އަދި އިންޑިއާއަށް ޖެއްސުމުގެ ހުއްދަ ނުލިބުމުން އަސްކަރީ އުޅަނދެއްގައި ގޮތަބަޔާ އޭނާގެ އަނބިކަނބަލުން އަދި ދެ ބޮޑީގާޑުންނާއެކު ހުޅުލެއަށް ޖެއްސީ ދަންވަރު 2:50 ހާއިރެވެ.

"ގޮތަބަޔާ ރާއްޖެ ވަޑައިގަތުމަށް ސްރީ ލަންކަން އެއާފޯސްގެ އުޅަނދެއް ހަމަޖައްސާފައި ވަނީ ރައީސަށް ލިބިފައިވާ ބާރުގެ ދަށުން އަދި ޑިފެންސް މިނިސްޓްރީގެ ހުއްދައާއެކު،" އެއާފޯސްއިން ނެރުނު ބަޔާނެއްގައި ބުނެފައިވެ އެވެ.

Advertisement

މިއަދުގެ ވަގުތެއްގައި އިސްތިއުފާ ދެއްވާނެ ކަމަށް އިއުލާނު ކުރައްވާފައިވާ ގޮތަބަޔާ ފިއްލަވައިގެން ދަންވަރު ރާއްޖެ ވަޑައިގެންނެވިއިރު އެމަނިކުފާނު މާލެއަށް ގެންނެވުމަށް އެހީތެރިވެދިން ކަމަށް ސްރީ ލަންކާގައި ހުންނަ އިންޑިއާގެ ހައި ކޮމިޝަނުން ވަނީ އިންކާރުކޮށްފަ އެވެ. ސޯޝަލް މީޑިއާގައި ނެރުނު ކުރު ބަޔާނެއްގައި ހައި ކޮމިޝަނުން ބުނެފައި ވަނީ "އިންޑިއާއިން އަބަދުވެސް ހުންނާނީ ސްރީ ލަންކާގެ ރައްޔިތުންނާއެކު" ކަމަށެވެ.

އިތުބާރު ހުރި މަސްދަރުތަކުން "އަދަދު" ނޫހަށް މައުލޫމާތު ލިބޭ ގޮތުގައި ގޮތަބަޔާ ރާއްޖެ ވަޑައިގަތުމުގެ ކަންކަން ހަމަޖެއްސެވުމަށް ނަޝީދު ވަރަށް ބޮޑަށް މަސައްކަތް ކުރެއްވި އެވެ. ގޮތަބަޔާ ވަޑައިގެންނެވި އަސްކަރީ ބޯޓު ހުޅުލެއަށް ޖެއްސުމުގެ ހުރިހާ އިންތިޒާމްތައް ހަމަޖެއްސީ ސަރުކާރުންނެވެ.

ނަޝީދަކީ ސްރީ ލަންކާއަށް ބޭރުގެ އެހީ ހޯދުމަށް އެ ގައުމުގެ ބޮޑުވަޒީރު ރަނިލް ވިކްރަމަސިންހެ ކަނޑައަޅާފައި ހުންނެވި ސަފީރެކެވެ. އަދި މީގެ ކުރިން ރާއްޖޭގެ ސަރުކާރުން ނަޝީދު ހައްޔަރު ކުރަން އުޅުމުން ކޮޅުނބުގައި އަރުވާލެވިގެން ހުންނެވި އެވެ.

ގޮތަބަޔާއަށް ރާއްޖެއަށް ވަޑައިގަތުމުގެ ހުއްދަ ދިނުމުން ސްރީ ލަންކާ އަދި ރާއްޖޭގެ ވަރަށް ގިނަ ބައެއްގެ ފާޑުކިޔުން ވަނީ ސަރުކާރަށް އަމާޒުވެފަ އެވެ. ނަމަވެސް މިހާތަށް އެކަމާ ގުޅޭ ގޮތުން ސަރުކާރު އަދި ރައީސް ނަޝީދުގެ ފަރާތްޕުޅުން އެއްވެސް އެއްޗެއް ވިދާޅެއްނުވެ އެވެ.

"މަސްދަރުތަކުން މައުލޫމާތު ލިބޭ ގޮތުގައި، ގޮތަބަޔާ ފިއްލެވުމަށް އެހީތެރިވަޑައިގަންނަވަނީ ހެޔޮ ވެރިކަމަށް ވަކާލާތު ކުރައްވާ ކަމަށް ވިދާޅުވާ މުހައްމަދު ނަޝީދު. ސްރީ ލަންކާ ރައްޔިތުންނަށް އިންސާފު ކޮބައިތޯ؟ އެތައް މިލިއަން ބައެއް ދަތިހާލުގައި ޖެއްސި ގޮތަބަޔާއަށް އަމާން ވެއްޓެއް ހޯއްދަވައިދެއްވީ ކީއްވެގެންތޯ؟،" ލަންކާގެ މަޝްހޫރު ނޫސްވެރިއެއް ކަމަށްވާ ޝިހާރު އަނީސް އޭނާގެ ޓުވިޓާ އެކައުންޓުގައި ލިޔެފައިވެ އެވެ.

ގޮތަބަޔާ ރާއްޖެ ވަޑައިގެންފައި މި ވަނީ މިދިޔަ ހޮނިހިރު ދުވަހު އޭނާގެ ގެކޮޅަށް ލަންކާގެ އާންމުން ވަދެގަތުމުގެ ކުޑަ އިރުކޮޅެއް ކުރިން ފިއްލެވުމަށްފަހު އެވެ. އާންމު ރައްޔިތުން އަދިވެސް ތިބީ ގޮތަބަޔާގެ ގެކޮޅުގަ އެވެ.

އިގްތިސާދު ގޯސްކޮށް ބެލެހެއްޓުމާއި ކޮރަޕްޝަންގެ އަމަލުތައް ހައްދުން ނެއްޓުމުން ލަންކާގެ އިގްތިސާދު އިނދަޖެހި އެތައް މިލިއަން ބަޔަކު ވަނީ ހާލުގައި ޖެހިފަ އެވެ. މިއަހަރު ފެށުނީއްސުރެ ތެޔޮ ގަންނާނެ ބޭރު ފައިސާ ވެސް އެ ގައުމަކު ނެތެވެ. އެކަމާ ދެކޮޅަށް ނިކުތް އާންމުންނަށް ފުލުހުންނާއި ސިފައިން މެދުވެރިކޮށް ވަނީ ބޮޑެތި އަނިޔާތަކެއް ދީފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox