މި މަހު އެމެރިކާގެ ރައީސް ޖޯ ބައިޑެން ސައުދީ އަރަބިއްޔާއަށް ކުރައްވާ ދަތުރުގައި ވަަލީ އަަހުދު އަމީރު މުހައްމަދު ބިން ސަލްމާންގެ އިތުރުން ރަސްގެފާނު ސަލްމާން ބިން އަބްދުލް އަޒީޒްއާ ބައްދަލުކުރައްވާނެ ކަމަށް ވައިޓް ހައުސްއިން ބުނެފި އެވެ.
"ރައީސް އާއި ރަސްގެފާނު ސަލްމާން ބައްދަލުކުރައްވައި، ރަސްގެފާނުގެ ލީޑާޝިޕް ޓީމާ އެކު މުހިއްމު މަަޝްވަރާތައް ކުރައްވާނެ. އެނގިވަޑައިގަަންނަވާނެ ފަދައިން ވަލީ އަހުދަކީ އެ ޓީމުގެ މެމްބަރެއް. އެހެންވީމާ، ވަލީ އަހުދާ ވެސް ރަައީސް ބައްދަލުކުރައްވާނެ،" ނޭޝަނަަލް ސެކިއުރިޓީ ކައުންސިލް ކޯޑިނޭޓާ ފޯ ސްޓްރެޓެޖިކް ކޮމިއުނިކޭޝަންސް ޖޯން ކާބީ ވިދާޅުވި އެވެ.
ބައިޑެން މެދުއިރުމައްޗަަށް ކުރައްވާ ފުރަތަމަ ދަތުރު ފައްޓަވާނީ އަންނަ ހަފްތާގަ އެވެ. ނޫސްވެރިންނަށް މައުލޫމާތު ދެއްވަމުން ކާބީ ވިދާޅުވީ މެދުއިރުމަތީގައި ހިނގާ ކޮންމެ ކަމެއްގެ އަސަރު އެމެރިކާއަށް ކުރާނެ ކަމަށެވެ.
ބައިޑެންގެ ދަތުރުގައި ސައުދީ އަރަބިއްޔާގެ އިތުރުން ވަޑައިގަންނަވާނީ ހުޅަނގު އައްސޭރި އާއި އިޒްރޭލަށެވެ. އަދި މެދުއިރުމަތީގެ ގިނަ ގައުމުތައް ހިމެނޭ ބަައިނަަލްއަަގްވާމީ ބައްދަލުވުމެއްގައި ބައިވެރިވެވަޑަައިގަންނަވާނެ އެވެ.
