ޅ. ހިންނަވަރުގައި 100 ހައުސިން ޔުނިޓް އަޅަން ބަޔަކާ ހަވާލު ކޮށްފި އެވެ.
ހިންނަވަރުގައި 5،000 އަށްވުރެ ގިނަ މީހުން އުޅޭ އިރު އެ ރަށުގައި ހިއްކާފައިވާ ބޮޑު ބިމެއް އެބަ އޮތެވެ. ހިންނަވަރު ފަޅުން 28 ހެކްޓަރުގެ ބިން ހިއްކީ މީގެ 11 އަހަރު ކުރިން 2011ގަ އެވެ.
11 އަހަރުވެގެން ދިޔައިރުވެސް އެ ބިމުގައި ކޮށްފައިވާ ހަމައެކަކި މަސައްކަތަކީ ހިއްކި ބިމުގެ ދެކުނު ފަރާތުގައި ބޯޓް ޔާޑަކާއި މަސް ކައްކާތަނެއް ހެދުން އެކަންޏެވެ.
މިނިސްޓްރީ އޮފް ޕްލޭނިން އެންޑް، ހައުސިންގެ އެންޑް އިންފްރާންސްޓްރަކްޗާ އިން އެ މަސައްކަތް ހަވާލު ކޮށްފައި ވަނީ ދޮންބޭޒް ޕްރައިވެޓް ލިމިޓެޑާ އެވެ.
އެ މަޝްރޫއު އަކީ ސަރުކާރުގެ ޕީއެސްއައިޕީ މަޝްރުއުގެ ދަށުން ކުރިއަށް ގެންދާ މަސައްކަތެކެވެ.
ޕްލޭނިން މިނިސްޓްރީން ބުނެފައި ވަނީ ހިންނަވަރުގައި ހައުސިން ޔުނިޓް އެޅުމަށް ހަވާލުކޮށްފައި ވަނީ 83،807،840ރ. އަށް ކަމަށެވެ. އެ ކުއްފުންޏާ އެ މަސައްކަތް ހަވާލުކޮށްފައި ވަނީ އެއް އަހަރު ދުވަހުން ނިންމަށެވެ.
އެ މަޝްރޫއުގައި ހިމެނެނީ 700 އަކަފޫޓުގެ ދެ ބުރީގެ 50 ރޯ ހައުސް އާއި 1000 އަހަފޫޓުގެ އެއް ބުރީގެ 50 ހައުސިންގް ޔުނިޓެވެ.
titledesc
ޕްލޭނިން މިނިސްޓްރީން ބުނެފައި ވަނީ އިމާރާތުގެ ވަށާފާރާއި ހައުސިން ޔުނިޓްތަކުގައި ދިރިއުޅޭ މީހުންނަށް ހިތްފަސޭހަ މާހައުލެއް ގާއިމް ކުރުމަށްޓަކައި ޔުނިޓްތައް ވަށައިގެން އަލި ކުރާނެ ކަމަށެވެ.
