ތައްޔާރީ ހާލަތުގައި ތިބޭ ނޭޓޯގެ ސިފައިންގެ އަދަދު ވަރަށް ބޮޑުތަނުން މަތިކޮށް، 300،000 އަށް އިތުރު ކުރަން ނިންމައިފި އެވެ.
މި ވަގުތު ނޭޓޯގެ ތައްޔާރީ ހާލަތުގައި ތިބޭ ސިފައިންގެ އަދަދަކީ 40،000 އެވެ. އޭގެ ތެރެއިން ގިނަ ސިފައިން ތިބީ ޔޫރަޕްގެ އިރުމަތީގަ އެވެ.
ނޭޓޯގެ ސެކެޓްރީ ޖެނެރަލް ޖެންސް ސްޓޮލްޓެންބާގް ވިދާޅުވި ތައްޔާރީ ހާލަތުގައި ތިބޭ ސިފައިންގެ އަދަދު އެހާ ބޮޑުތަނުން މަތި ކުރަން ނިންމީ ރަޝިއާގެ ފަރާތުން ޔޫރަޕަށް އޮތް ނުރައްކަލުގެ ސަަބަބުން ކަމަށެވެ.
"ނޭޓޯގެ ގައުމުތައް އެކުގައި އޮތް ކަމާއި ނޭޓޯގެ ގައުމަކަށް ހަމަލާ ދީފި ނަމަ ނުކުންނާނެ ނަތީޖާ ރަޝިއާގެ ރައީސް ލެޑިމިއަ ޕުޓިންއަށް އެނގިވަޑައިގަންނަވާނެކަން އަޅުގަނޑަށް ޔަގީން،" ސްޓޮލްޓެންބާގް ވިދާޅުވި އެވެ.
"ނަތީޖާއަކަށް ވާާނީ މުޅި ނޭޓޯ އެކުގައި ރައްދު ދިނުން. އެ މެސެޖު އިތުރަށް ވަރުގަދަ ކުރުމުގެ ގޮތުން ނޭޓޯ ސިފައިންގެ އަދަދު މި އިތުރު ކުރަނީ."
ނޭޓޯގެ ރެޕިޑް ރިއެކްޝަން ފޯސް ނުވަތަ ތައްޔާރީ ހާލަތުގައި އޮންނަ ފައުޖުގައި އެއްގަމާއި، ކަނޑު އަދި ވައިގެ ސިފއިން ހިމެނެ އެވެ.
އެ ފައުޖުގައި 2014 ވަނަ އަހަރާ ހަމައަށް ތިބީ 13،000 ސިފައިންނެވެ. އެއަށްފަހު މިހާރު އެ އަދަދު އުޅެނީ 40،000 ގަ އެވެ.
