ނޭޝަންސް ލީގު: ހަންގޭރީން އިންގްލެންޑް ލަދުގަންނުވާލައިފި، އިޓަލީ އަތުން ޖަރުމަަނަށް ބޮޑު މޮޅެއް

Jun 14, 2022, 9:03 PM
އިންގްލެންޑް ކޮޅަށް ގޯލު ޖެހުމަށް ފަހު ހަންގޭރީ ކުޅުންތެރިން އުފާފާޅުކުރަނީ.--- ފޮޓޯ: އޭއެފްޕީ

އިންގްލެންޑް ކޮޅަށް ގޯލު ޖެހުމަށް ފަހު ހަންގޭރީ ކުޅުންތެރިން އުފާފާޅުކުރަނީ.--- ފޮޓޯ: އޭއެފްޕީ

ވުލްވްސް (ޖޫން 15) - ޔުއެފާ ނޭޝަންސް ލީގުގައި މިރޭ ހަންގޭރީން 4-0 އިން އިންގްލެންޑް ލަދުގަންނުވާލިއިރު، ޔޫރަޕްގެ ޗެމްޕިއަން އިޓަލީ އަތުން 5-2 އިން ޖަރުމަނު ބޮޑު މޮޅެއް ހޯދައިފި އެވެ.

ޔުއެފާ ނޭޝަންސް ލީގުގެ ޑިވިޝަން އެކެެއްގެ ގްރޫޕް ސީގައި ކޮންމެ ޓީމެއް ހަތަރު މެޗު ކުޅެފައިވާއިރު، އެއް ވަނައިގައި ހަންގޭރީ އޮތީ ހަތް ޕޮއިންޓާ އެކު އެވެ. ދެ ވަނައިގައި އޮތް ޖަރުމަނަށް ހަ ޕޮއިންޓް ލިބިފައިވާއިރު، ތިން ވަނައިގައި އިޓަލީ އޮތީ ފަސް ޕޮއިންޓް ހޯދައިގެންނެވެ. އެންމެ ފުލުގައި އޮތީ މޮޅެއް ނުލިބި ދެ ޕޮއިންޓާ އެކު އޮތް އިންގްލެންޑް އެވެ. އިންގްލެންޑަށް ވަނީ މިރޭގެ ބައްޔާ އެކު ފައިނަލް ބުރަށް ދިއުމުގެ ދޮރު ބަންދުވެފަ އެވެ.

ހަންގޭރީން ވަނީ މި މަހު ހަތަރު ވަނަ ދުވަހު ބުޑަޕެސްޓްގައި ކުޅުނު މެޗުން 1-0 އިން އިންގްލެންޑް ބަލިކޮށްފަ އެވެ. އެކަމަކު، މިރޭ އިންގްލެންޑްގެ ވުލްވްސްގެ މޮލިނެއުކްސް ސްޓޭޑިއަމްގައި ބޮޑު ތަފާތަކުން ހަންގޭރީ މޮޅުވިއިރު، އިންގްލެންޑުން މެޗު ނިންމާލީ ޖޯން ސްޓޯންސްގެ ރަތް ކާޑާ އެކު އެއް ކުޅުންތެރިއަކު މަދުކޮށެވެ. މިރޭގެ ނަތީޖާއާ އެކު މިއީ، އިނގިރޭސި ފުޓްބޯޅަ ތާރީހުގައި ވެސް އަމިއްލަ ދަނޑުގައި ލަނޑެއް ނުޖެހި މިހާ ތަފާތުކޮށް ބަލިވި ފުރަތަމަ ފަހަރެވެ. އެންމެ ފަހުން އެ ޓީމު ހަތަރު ގޯލުގެ ތަފާތަކުން އަމިއްލަ ދަނޑުގައި ބަލިވީ 1928 ވަނަ އަހަރު ސްކޮޓްލެންޑް އަތުން 5-1 އިންނެވެ.

Advertisement

ހަންގޭރީގެ ނާގީ ކައިރިން ބޯޅަ ހިފައިގެންދާން އިންގްލެންޑްގެ ސްޓާލިން މަސައްކަތްކުރަނީ.--- ފޮޓޯ: އޭއެފްޕީ

ހަންގޭރީން މިރޭ ލީޑުނެގީ ފުރަތަމަ ހާފު ފަށައިގެން 15 ވަނަ މިނިޓްގައި ރޮލާންޑް ސަލާއި ޖެހި ގޯލުންނެވެ. ސަލާއި ޖެހި ބޯޅަ ގޯލަށް ވަނީ އިންގްލެންޑްގެ ކީޕަރު އާރޮން ރަމްސްޑޭލް އަތުގައި ޖެހިފަ އެވެ. ކައުންޓަ އެޓޭކުގައި ސަލާއި ވަނީ މެޗުގެ 70 ވަަނަ މިނިޓްގައި ހަންގޭރީ އަށް ލީޑުފުޅާކޮށްދީފަ އެވެ. އޭގެ ފަހުން، ސޯލްޓް ނެގީ ހަންގޭރީގެ ތިން ވަނަ ގޯލު ޖަހާފައިވަނިކޮށް، އިންގްލެންޑްގެ ސްޓޯންސަށް ދެ ވަނަ ރީނދޫ ކާޑާ އެކު ރަތް ކާޑެއް ދެއްކި އެވެ. އޭގެ ފަހުން ހަންގޭރީން ވަނީ ހަތަރު ވަނަ ގޯލެއް ޖަހައިފަ އެވެ. މި ލަނޑު ޖެހީ ޑެނިއަލް ގަޒްޑާގް އެވެ.

ޖަރުމަނު ދަނޑުގައި ކުޅުނު މެޗުގައި މިރޭ އެ ޓީމުގެ ގޯލުތައް ޖެހީ، ޔޯސުއާ ކިމިކާއި، ޕެނަލްޓީ އަކުން އިލްކާއި ގުންޑޮގާން، ތޯމަސް މުލާގެ އިތުރުން ޓިމޯ ވާނާ ދެ ގޯލެވެ. އިޓަލީގެ ގޯލުތައް ޖެހީ، ސްވިޒަލެންޑްގެ ޒިއުރިކް ޓީމަށް ކުޅޭ 18 އަހަރުގެ ވިންގް، ވިލްފްރިއެޑް ޖިއޯންޓޯ އާއި ޑިފެންޑަރު އަލެސަންދްރޯ ބަސްޓޯނީ އެވެ.

ޖަރުމަނުގެ ގްނަބްރީ (ކ) އާއި ޓީމޯ ވާނާ ގޯލު ޖެހުމަށް ފަހު އުފާފާޅުކުރަނީ.--- ފޮޓޯ: އޭއެފްޕީ

މިއީ މި ފަހަރުގެ ނޭޝަންސް ލީގުގައި ޖަރުމަނުގެ ފުރަތަަމަ މޮޅެވެ. ޖަރުމަނުން ފުރަތަމަ ތިން މެޗު ވެސް ވަނީ އެއްވަރުވެފަ އެވެ. ޖަރުމަނުގެ ކޯޗުކަމާ ހަންސީ ފްލިކް ހަވާލުވި ފަހުން އެ ޓީމު މި ވަނީ ބަލިނުވެ، 13 މެޗު ފުރިހަމަކޮށްފަ އެވެ.

ނޭޝަންސް ލީގުގެ ޑިވިޝަން އެކެއްގެ ގްރޫޕް ޑީގައި މިރޭ ފޯރިގަދަ މެޗަކަށް ފަހު ނެދަލެންޑްސް ވަނީ 3-2 އިން ވޭލްސް ބަލިކޮށްފަ އެވެ. ނޮއެލް ލޭންގްގެ ގޯލުން ނެދަލެންޑްސް ލީޑުނަގައިފައިވަނިކޮށް، ކޯޑީ ގަކްޕޯ ވަނީ އެ ޓީމަށް ދެ ވަނަ ގޯލެއް ޖަހައިދީފަ އެވެ. ވޭލްސް އަށް އުންމީދެެއް ލިބުނީ ބްރެނަން ޖޯންސަން ޖެހި ގޯލުންނެވެ. މެޗުގެ އިތުރު ވަގުތުގައި ގަރެތު ބޭލްގެ ޕެނަލްޓީން ވޭލްސް އެއްވަރުކުރިއިރު، މެޗު އެ ގޮތަށް ނިމޭނެ ކަމަށް ބަލައިގެން ހުއްޓައި، މެމްފިސް ޑިޕާއި ވަނީ ގޯލެއް ޖަހައި، ނެދަލެންޑްސް މޮޅުކޮށްދީފަ އެވެ.

މިޝީ ބަޓްޝުއާޔީގެ ހަމައެކަނި ގޯލުން މިރޭ ރަށުންބޭރުގައި ކުޅުނު ބެލްޖިއަމް ވަނީ 1-0 އިން ޕޮލެންޑް ބަލިކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox