ޓޮކިޔޯ، ޖަޕާން (ޖޫން 7) - ކޮވިޑް-19 ފެތުރެން ފެށުމާއި ގުޅިގެން ޓޫރިސްޓުންނަށް ބޯޑަރު ބަންދުކޮށްފައި އޮންނަތާ ދެ އަހަރަށް ވުރެ ގިނަ ދުވަސް ފަހުން ޖަޕާން އަލުން ހުޅުވާލަން ނިންމައިފި އެވެ.
ޖޫން 10 އިން ފެށިގެން ހުޅުވާލަން ނިންމާފައިވާއިރު ފުރަތަމަ ފިޔަވަހީގައި ޖަޕާނަށް ދެވޭނީ ޕެކޭޖު ޓުއާ ދަތުރު ނަގާ ޓޫރިސްޓުންނަށެވެ.
ޖަޕާން ޓޫރިޒަމް އޭޖެންސީން އެކުލަވާލާފައިވާ ގަވާއިދުގައިވާ ގޮތުން ހުރިހާ ޓޫރިސްޓުން ވެސް މާސްކު އަޅައި އަމިއްލަ ހެލްތު އިންޝޫރެންސެއް ވެސް ނަގަން ޖެހެ އެވެ.
ކޮވިޑް ފެތުރެން ފެށިފަހުން އެންމެ ހަރުކަށި އުސޫލުތަކެއް ތަންފީޒު ކުރަމުން އަންނަނީ ޖަޕާނުގަ އެވެ. އެގޮތުން، އެ ގައުމުގެ ރައްޔިތުން ފިޔަވައި އެހެން ބަޔަކަށް އަދި ބޯޑަރު ވެސް ހުޅުވާލާފައެއް ނުވެ އެވެ.
ދުނިޔޭގެ ގިނަ ގައުމުތަކުން ކޮވިޑާ ދެކޮޅަށް އަޅާފައިވާ ގިނަ ފިޔަވަޅުތަކެއް އަޅާފައިވާއިރު ޖަޕާންގެ ބޮޑުވަޒީރު ވެސް ވަނީ އެގައުމުގެ އުސޫލުތައް ވެސް ތަރައްގީވެފައިވާ އެހެން ގައުމުތަކުން ކަނޑައަޅާފައިވާ އުސޫލުތަކާ ހަމަހަމަކުރައްވާނެ ކަމަށް ވިދާޅުވެފަ އެވެ.
ކޮވިޑުގެ ކުރިން ވެސް މާސްކު އެޅުމަކީ ޖަޕާނުގައި އާންމު ކަމެކެވެ. އެ ގައުމުގެ ސަރުކާރުން ދަނީ މާސްކު ގަވާއިދުތަކަށް މަޑުމަޑުން ލުއި ދެމުންނެވެ.
ޖަޕާނަށް 2019 ވަނަ އަހަރު 31.9 މިލިއަން ޓޫރިސްޓުން ދަތުރުކުރި އެވެ. އެ އަހަރު 36.28 ބިލިއަން ޑޮލަރު އެގައުމުގެ އިގްތިސާދަށް ވަނެވެ.
