ފަނޑިޔާރަކަށް ޔާމީނު އިންޒާރު ދެއްވި ކަމަށް ބެލެވޭތީ ޖޭއެސްސީން ފުލުހަށް މައްސަލަ ހުށަހަޅައިފި

ކުރީގެ ރައީސް އަބްދުﷲ ޔާމީން: ފަނޑިޔާރަކާ ގުޅޭ ގޮތުން ޔާމީން ދެއްކެވި ވާހަކަ ބަލަން ޖޭއެސްސީން ހުށަހަޅައިފި - ފޮޓޯ: މުހައްމަދު ޝާބިން | އަދަދު

ކުރީގެ ރައީސް އަބްދުﷲ ޔާމީން: ފަނޑިޔާރަކާ ގުޅޭ ގޮތުން ޔާމީން ދެއްކެވި ވާހަކަ ބަލަން ޖޭއެސްސީން ހުށަހަޅައިފި - ފޮޓޯ: މުހައްމަދު ޝާބިން | އަދަދު

ސުޕްރީމް ކޯޓުގެ ފަނޑިޔާރު އަލީ ރަޝީދާ ގުޅޭ ގޮތުން ކުރީގެ ރައީސް އަބްދުﷲ ޔާމީން ދެއްކެވި ވާހަކަ ފުލުހުންގެ ސަމާލު ކަމަށް ގެނެސް އޭގައި އެއްވެސް ޖިނާއީ ކަމެއް ހިމެނޭތޯ ބެލުމަށް ޖުޑިޝަލް ސާވިސް ކޮމިޝަން (ޖޭއެސްސީ) އިން ހުށަހަޅައިފި އެވެ.

ޖޭއެސްސީގެ ތަރުޖަމާނު އިޒްމީރާ ޝިހާމް "އަދަދު" އަށް ވިދާޅުވީ އެ ވާހަކައިގެ މައްސަލަ ބަލަން ފުލުހުންނަށް ހުށަހެޅީ ފަނޑިޔާރު އަލީ ރަޝީދަށް ނުރައްކާވާ ގޮތަށް ޔާމީން އިންޒާރު ދެއްވި ކަމަށް ބެލެވޭތީ ކަމަށެވެ. އެ މައްސަލަ ފުލުހަށް ފޮނުވީ މިދިޔަ ހަފުތާގައި ކަމަށް އޭނާ ވިދާޅުވި އެވެ.

"ފަނޑިޔާރަކު ކުރާ ހުކުމަކާ ގުޅިގެން، ޝަރީއަތް ކުރި ގޮތަކާ ގުޅިގެން، އިންޒާރު ދިން ކަމަށް ބެލެވޭ ނަމަ އެ ކަމެއް ފުލުހުންގެ ސަމާލު ކަމަށް ގެނައުމަކީ މި ކޮމިޝަނުގައި އަބަދުވެސް އޮންނަ އާންމު އުސޫލެއް،" އިޒްމީރާ ވިދާޅުވި އެވެ.

މި މައްސަލަ ބެލުމުގައި ޖިނާއީ ކަމެއް އޭގައި ހިމެނޭ ބެލުމުގެ އިތުރަށް ފަނޑިޔާރު އަލީ ރަޝީދުގެ ސެކިއުރިޓީއަށް ސަމާލުވާން ވެސް ޖޭއެސްސީން ފުލުހުންގެ ހިދުމަތުގައި ވަނީ އެދިފަ އެވެ.

ފުލުހުންގެ ސަމާލު ކަމަށް ގެނެސްފައިވާ ކަމަށް ބެލެވޭ ޔާމީންގެ ވާހަކަފުޅަކީ ވިލިމާލެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެމްބަރުކަމުގެ ބައި އިލެކްޝަންގެ ކެމްޕޭންގައި އެ ރަށުގައި އެމަނިކުފާނު ދެއްކެވި ވާހަކަފުޅެވެ. އެ ދުވަހު ޔާމީން ވަނީ އަލީ ރަޝީދަށް ވަރަށް ބޮޑަށް ފާޑުވިދާޅުވެ ވާހަކަ ދައްކަވައިފަ އެވެ.

ފަނޑިޔާރު އަލީ ރަޝީދަކީ ޔާމީނަށް ފަސް އަހަރުގެ ޖަލު ހުކުމެއް އިއްވި ކްރިމިނަލް ކޯޓުގެ ބެންޗުގެ ރިޔާސަތުގައި އޭރު އިންނެވި ގާޒީ އެވެ. އަލީ ރަޝީދަށް ސުޕްރީމް ކޯޓުގެ މަގާމު ލިބިވަޑައިގަތީ އެ ހުކުމަށް ފަހުގަ އެވެ.

ޔާމީން ލީޑު ކުރައްވާ އިދިކޮޅު ޕީޕީއެމް އާއި ޕީއެންސީ ކޯލިޝަނުން ތުހުމަތު ކުރާ ގޮތުގައި އަލީ ރަޝީދަށް ސުޕްރީމް ކޯޓުގެ މަގާމު ލިބިވަޑައިގަތީ ޔާމީނަށް ހުކުމް ކުރުމުން އޭގެ "ހަދިޔާއެއް" ގޮތުގަ އެވެ. ނަމަވެސް، ޖޭއެސްސީން ބުނަނީ އަލީ ރަޝީދުގެ ނަން މަޖިލީހަށް ފޮނުވީ ގާބިލުކަމަށް ބެލުމަށް ފަހުގަ އެވެ.

ދަށު ކޯޓުން ޔާމީންގެ މައްޗަށް އިއްވި އެ ހުކުމް ސުޕްރީމް ކޯޓުން ވަނީ ބާތިލުކޮށްފަ އެވެ. އެމްއެމްޕީއާރުސީ ބޮޑު ހިޔާނާތުގެ މައްސަލާގައި ޔާމީންގެ މައްޗަށް މަނީ ލޯންޑަރިން އާއި ރިޝްވަތުގެ ދައުވާތަކެއް އުފުލި، އެ މައްސަލަތައް ވެސް ކްރިމިނަލް ކޯޓުގައި ދަނީ ހިނގަމުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox