ސަރުކާރުން މަޖިލީހަށް ހުށަހެޅި 5 ބިލެއް އެމްޑީޕީ ޕީޖީ ގުރޫޕާ ހަމާގައި

މަޖިލީހުގެ ކޮމިޓީއެއްގައި އަސްލަމް ބައިވެރިވެވަޑައިގަންނަވަނީ. -ފައިލް ފޮޓޯ: އަދަދު

މަޖިލީހުގެ ކޮމިޓީއެއްގައި އަސްލަމް ބައިވެރިވެވަޑައިގަންނަވަނީ. -ފައިލް ފޮޓޯ: އަދަދު

ރައްޔިތުންގެ މަޖިލީހުގެ މިއަހަރުގެ ދެވަނަ ދައުރަށް ސަރުކާރުން ހުށަހަޅާފައިވާ ބިލުތަކުގެ ތެރެއިން ފަސް ބިލެއް ސަރުކާރު ހިންގާ ކޯލިޝަނުގެ މައި ޕާޓީ އެމްޑީޕީގެ ޕާލިމަންޓަރީ ގުރޫޕުގައި އެބައޮތް ކަމަށް އެ ގުރޫޕުގެ ލީޑަރު މުހައްމަދު އަސްލަމް މިއަދު ވިދާޅުވެއްޖެ އެވެ.

މަޖިލީހުގެ މި ހިނގާ ދައުރަށް ސަރުކާރުން ޖުމްލަަ 22 ބިލެއް ހުށަހަޅަން ނިންމާފައި ވިޔަަސް އަދި ހުށަހެޅީ އެންމެ ދެ ބިލުކަމަށް މަޖިލީހުން ވަނީ ބުނެފަ އެވެ.

މި ދައުރުގައި ސަރުކާރުން ހުށަހަަޅަން ގަސްދުކުރާ ބިލުތަކުގެ ލިސްޓް މަޖިލީހަށް އިއްޔެ ފޮނުވުމުން، އިއްޔެގެ ޖަލްސާގައި މަޖިލީހުގެ ރައީސް މުހައްމަދު ނަޝީދު ވިދާޅުވީ އެ ލިސްޓްގައި ހުރި ގިނަ ބިލްތަކަކީ ހުށަހަޅަން ސަރުކާރުން އުއްމީދުކުރާތާ ގިނަ ދުވަސްތަކެއް ވެފައިވާ ބިލްތަކެއް ކަމަށެވެ. އެއީ ކުނި މެނޭޖްކުރުމުގެ ބިލާއި ދައުލަތުގެ މާލިއްޔަތުގެ ގާނޫނަށް އިސްލާހު ގެނައުމުގެ ބިލެވެ.

މި ދައުރަށް ހުށަހަޅާ ބައެއް މުހިންމު ބިލްތައް

  • ކޯޓްތަކުގެ ގާނޫނަށް އިސްލާހުގެނައުމުގެ ބިލް
  • ފަނޑިޔާރުންގެ ގާނޫނަށް އިސްލާހުގެނައުމުގެ ބިލް
  • ޖުޑިޝަލް ސާވިސް ކޮމިޝަނުގެ ގާނޫނަށް އިސްލާހުގެނައުމުގެ ބިލް
  • ގާނޫނީ ފަންނުގެ ގާނޫނަށް އިސްލާހު ގެނައުމުގެ ބިލް
  • މާލިއްޔަތު ގާނޫނަށް އިސްލާހުގެނައުމުގެ ބިލް
  • ކުނި ނައްތައިލުމާއި މެނޭޖްކުރުމުގެ ބިލް
  • ޖިނާއީ އިޖުރާއަތުގެ ގާނޫނަށް އިސްލާހުގެނައުމުގެ ބިލް

އެކަމުގެ ދިފާއުގައި ބަންޑާރަ ނައިބުގެ އޮފީހުން އިއްޔެ ބުނި ގޮތުގައި, މި ދައުރުގައި ހުށަހަޅަން ނިންމާފައިވާ ބިލްތަކުގެ ތެރެއިން ލިސްޓުގައި ހިމެނޭ ނުވަ ބިލެއް މަޖިލީހަށް ހުށަހެޅުމަށް ރައީސުލްޖުމްހޫރިއްޔާގެ އޮފީހަށް ފޮނުވާފައިވާނެ އެވެ.

ބިލުތައް ހުށަހެޅުން ލަސްވެގެން މަޖިލީހުގެ ތަޅުމުގައި ކުރާނެ މަސައްކަތެއް ނެތްކަމަށް ބުނެ ޖަލްސާތައް ވަރަށް ކުރުކޮށްލަން ޖެހިފައިވާއިރު، އޭޖީ ހާމަކުރި އަދަދުގެ ދިފާއުގައި ރައީސް އޮފީހުން ވެސް ވަނީ ނުކުމެފަ އެވެ.

ރައީސް އޮފީހުން ރޭ ބުނި ގޮތުގައި އޭޖީ އޮފީހުން ފޮނުވި ނުވަ ބިލުގެ ތެރެއިން ހަތް ބިލެއް އެމްޑީޕީ އޮފީހަށް ވަނީ ފޮނުވައިފަ އެވެ.

ސަރުކާރުން ހުށަހެޅި ބިލުތަކާ ގުޅޭގޮތުން، އެމްޑީޕީގެ ޕީޖީ ގުރޫޕުގެ ލީޑަރު އަދި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް "އަދަދު"އަށް މިއަދު ވިދާޅުވީ އެ ބިލުތަކުގެ ތެރެއިން ފަސް ބިލެއް އަދި އޮތީ ޕީޖީ ގުރޫޕާ ހަމާގައި ކަމަށެވެ. އަދި އެ ބިލުތައް ސްޕޮންސާ ކުރާނެ މެމްބަރުން ކަނޑައެޅި، ވީހާވެސް އަވަހަކަށް އެ ބިލުތައް ވެސް ތަޅުމާ ހަމައަށް ގެންދަން މަސައްކަތް ކުރަމުންދާ ކަމަށް އޭނާ ވިދާޅުވި އެވެ.

އޭނާ ވިދާޅުވި ގޮތުގައި ސަރުކާރުން މަޖިލީހަށް ހުށަހަޅާ ބިލުތަކާ ގުޅޭ ގޮތުން ޕާޓީގެ ތެރޭގައި ވެސް ފުޅާ ދާއިރާއެއްގައި މިހާރު މަޝްވަރާ ކުރެވެ އެވެ.

"އެ ބިލެއްގެ ލީގަލް ފްރޭމްވާކް އޮންނަ ގޮތާއި އެ ބިލެއް ހުށަހެޅުމުގެ މަފްހޫމް ފަދަ ކަންކަމާމެދު އަޅުގަނޑުމެންގެ މެދުގައި މަޝްވަރާކުރެވޭ،" އަސްލަމް ވިދާޅުވި އެވެ.

އެފަދަ މަޝްވަރާތަކަށް ބިލުތައް ތަޅުމާ ހަމައަށް ދިޔުމުން، އަސްލަމް ވިދާޅުވީ އެ ބިލެއް ސްޕޮންސާ ކުރާ މެމްބަރުންގެ އިތުރުން އެ ބިލުގެ ދިފާއުގައި ވާހަކަ ދައްކަންވެސް މެމްބަރުންނަށް ފަސޭހަވެގެންދާ ކަމަށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox