ރާއްޖޭގެ އެންމެ ބޮޑު ސުޕަމާކެޓް ޗެއިން، ރެޑްވޭވްގެ ރޯދަ ސޭލްގެ ނަސީބުވެރިން މިއަދު ހޮވައިފި އެވެ.
ޖެނުއަރީ މަހުން ފެށިގެން ރޯދަ މަހުގެ ނިޔަލަށް ކުރިޔަށް ގެންދިޔަ އެ ޕްރޮމޯޝަންގެ 11 ނަސީބު ވެރިޔަކަށް 200،000 ރުފިޔާގެ ފައިސާގެ އިނާމު ލިބޭއިރު، އެހެން ނަސީބުވެރިންނަށް އަގު ބޮޑެތި އިނާމުތައް ހުށަހަޅާފައިވެ އެވެ.
ޕްރޮމޯޝަންގައި ބައިވެރިވުމަށް ހުށަހެޅި 200،000 އަށް ވުރެ ގިނަ ކޫޕަން ކޮޅުގެ ތެރެއިން، 100،000ރ. ގެ ލިބިފައިވަނީ އިސްމާއިލް މުހައްމަދު (ކޫޕަން ނަންބަރު: 0188697) އަށެވެ. މީގެ އިތުރުން 10،000ރ. ލިބޭ 10 ނަސީބުވެރިން ހޮވި އެވެ.
އަގު ހުރި އިނާމު ލިބޭ ފަސް ނަސީބުވެރިޔަކު ވެސް ހޮވި އެވެ.
ޕްރޮމޯޝަންގައި ކޫޕަން ދޫކުރީ 500ރ އިން މަތީގެ ވިޔަފާރިއަށެވެ.
ރޯދަ ސޭލްގައި ވިޔަފާރިކޮށްގެން އިނާމު ލިބުނު ފަރާތްތަކުގެ އިތުރުން، ރޯދަ ސޭލްގެ މުއްދަތުގައި ރެޑްވޭވްގެ ފޭސްބުކްގައި ކުރިއަށް ގެންދިޔަ ލައިކް އަދި ޝެއާ ޕްރޮމޯޝަންގެ ޓޮޕް ފޭނުންނަށް ވެސް އިނާމު ދެ އެވެ.
މި ޕްރޮމޯޝަންގައި ބައިވެރިވުމަށް 200،000 އަށް ވުރެ ގިނަ ކޫޕަން ހުށަހަޅާފައިވޭ. -- ފޮޓޯ: ރެޑްވޭވް
titledesc
