ޖޮހަނެސްބާގް، ދެކުނު އެފްރިކާ (މޭ 8) - ދެކުނު އެފްރިކާގެ ހޮސްޕިޓަލެއްގައި ހޮނިހިރު ދުވަހު ފުލުހެއްގެ ބަޑި ޖަހައި ގަނެ ދިން ހަމަލާއެއްގައި ދެ މީހަކު މަރުވެއްޖެ އެވެ.
މަރުވީ ހޮސްޕިޓަލުގައި ފަރުވާ ހޯދަމުން ދިޔަ ދެ މީހުންނެވެ. ބަޑި ޖަހައި ގަތް ފުލުސް މީހާއަށް ސީރިއަސް އަނިޔާތަކެއް ލިބިފައިވާ ކަމަށް ރިޕޯޓުތައް ބުނެ އެވެ.
"ޕޭޝަންޓުންގެ ގަޔަށް ބަޑައި ޖަހައި މަރައި، ފުލުހަކަށް ސީރިއަސް އަނިޔާތަކެއް ލިބުނު. އެކަން ހިނގީ 40 އަހަރުގެ ފިރިހެނަކު ފުލުސް މީހާގެ ބަޑައި ޖަހައި ގަނެ ދިން ހަމަލާއެއްގައި،" ފުލުހުންގެ ތަރުޖަމާން ބްރިގޭޑިއާ ނޮވޭލާ ޕޮޓެލްވާ ވިދާޅުވި އެވެ.
ކުށެއްގައި ތުހުމަތުގައި ބަންދުކޮށްފައި ހުރި މީހާ ސޮމަސެޓް ހޮސްޕިޓަލަށް ގެންދިޔައީ ސިއްހީ ފަރުވާ ބޭނުންވެގެންނެވެ. އެއީ ފަތުރުވެރިންގެ މެދުގައި މަގްބޫލް ހިސާބެއްގައި ހުންނަ ހޮސްޕިޓަލެކެވެ.
"އެ މީހާ ވަނީ ފުލުސް މީހާގެ އަތުގައި އޮތް ބަޑި ޖަހައި ގަނެ އޭނާގެ ބޮލަށް ބަޑި ޖަހާފައި. އޭގެ ފަހުން ކައިރީގައި ތިބި ދެ ޕޭޝަންޓުންގެ ގަޔަށް ވެސް ބަޑި ޖެހި،" ފުލުހުން ބުންޏެވެ.
އޭނާ ހުއްޓުވީ އެ ތަނުގައި ތިބި އެހެން ފުލުހުންގެ މަސައްކަތުންނެވެ. ހަނގުރާމައެއް ހިނގަމުން ނުދާ ގައުމުތަކުގެ ތެރެއިން އެންމެ ގިނައިން ގަސްތުގައި މީހުން މަރާ ގައުމަކީ ދެކުނު އެފްރިކާ އެވެ.
އެގޮތުން 2021 ވަނަ އަހަރު ގަސްތުގައި މީހުން މެރުމުގެ ރޭޓް ދެކުނު އެފްރިކާގައި ދުވަހަކު ވެސް މައްޗަށް ނުދާ މިންވަރަށް މަތިވި އެވެ. އެގޮތުން ކޮންމެ 100،000 މީހުންގެ ތެރެއިން 64 މީހުން މަރާލަ އެވެ.
