އިޒްރޭލުން ފަލަސްތީނުގައި ހިންގަމުންދާ ގަތުލްއާންމާ ގުޅިގެން އިންޓަނޭޝަނަލް ކޯޓް އޮފް އާބިޓްރޭޝަން (އައިސީޖޭ) އަށް ދެކުނު އެފްރިކާއިން ހުށަހެޅި މައްސަލައިގައި ސްޕެއިން އިން ބުނެފި އެވެ.
ސްޕެއިންގެ ފޮރިން މިނިސްޓަރު ހޯޒޭ މެނުއެލް އަލްބަރޭޒް ބުދަ ދުވަހު ވިދާޅުވީ ފަލަސްތީނުގައި ހިންގަމުންދާ ގަތުލްއާންމާ ގުޅިގެން ކަންބޮޑުވުންތަކެއް ހުރި ކަމަށާއި، ފަލަސްތީނުގެ އިތުރުން މެދުއިރުމައްޗަށް ހަމަޖެހުން އައުމަށް އެދޭ ކަމަށެވެ.
ދެކުނު އެފްރިކާއިން އައިސީޖޭއަށް މައްސަލަ ހުށަހެޅީ ޖެނުއަރީގަ އެވެ. މި މައްސަލައިގައި ގޮތެއް ނިންމަން ދުވަސްތަކެއް ނަގާނެ ކަމަށް ބެލެވެ އެވެ.
ދެކުނު އެފްރިކާއިން ހުށަހެޅި މައްސަލައިގައި ސްޕެއިންގެ އިތުރުން ބައިވެރިވާ ގައުމުތަކުގެ ތެރޭގައި ކޮލަމްބިއާ، މިސްރު އަދި ތުރުކީ ވެސް ހިމެނެ އެވެ.
ހަނގުރާމައިގެ އުކުޅެއްގެ ގޮތުގައި ބޭނުންކޮށް އިންސާނުން ބަނޑަށް ޖެއްސުން، ގަސްދުގައި މީހުން ހާލުގައި ޖައްސައި، ގަސްދުގައި މީހުން މެރުން، ހަނގުރާމައެއްގެ ތެރެއިން މަދަނީން މެރުން އަދި އިންސާނިއްޔަތާ ހިލާފު އަމަލުތައް ހިންގާފައިވާތީ އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ ހައްޔަރު ކުރުމަށް އައިސީޖޭގެ ޕްރޮސެކިއުޓަރުން ވަނީ އެ ކޯޓުގައި އެދިފަ އެވެ.
ފަލަސްތީނާ ދެކޮޅަށް އިޒްރޭލުން ހިންގަމުންދާ ގަތުލްއާންމާ ގުޅިގެން، ޔޫރަޕުގެ ގިނަ ގައުމުތަކުން އަންނަނީ ފަލަސްތީނަކީ މިނިވަން ދައުލަތެއް ކަމަށް ވެސް ބަލައިގަންނަމުންނެވެ.
އޮކްޓޯބަރު 7، ގައި އިޒްރޭލުން ފަލަސްތީނަށް ދޭން ފެށި ހަމަލާތަކުގައި މިހާތަނަށް 36،500 އަށްވުރެ ގިނަ މީހުން ވަނީ މަރުވެފަ އެވެ. އަދި އޭގެ ތެރޭގައި ގިނައީ އަންހެނުންނާއި ކުޑަކުދިންނެވެ.
