ދެކުނު އެފްރިކާގެ ދަނޑުތަކަށް ގެއްލުންވެ، ޗޮކުލެޓް އުފައްދަން ބޭނުންކުރާ ކޮކޯގެ އަގު އުފުލިއްޖެ އެވެ.
މިދިޔަ އަހަރުން ފެށިގެން އަގު މައްޗަށް އަރަމުން ދިޔަ ކޮކޯގެ ޓަނެއްގެ އަގު 5،874 ޑޮލަރަށް މިހާރު އަރާފައިވާއިރު، މިއީ މިދިޔަ އަހަރާ އަޅައިބަލާއިރު ދެގުނައިގެ ބޮޑުވުމެކެވެ.
ކޮކޯގެ އަގު މަތިވަމުން ދިޔުމާ ގުޅިގެން ޗޮކުލެޓް ވިއްކާ ކުންފުނިތަކުން ވަނީ އަންދާޒާ ކުރި ވަރަށްވުރެ އާމްދަނީ ދަށްވާނެ ކަމަށް ބުނެފަ އެވެ. އަދި ޗޮކުލެޓްގެ އަގު މަތި ކުރަން ޖެހިދާނެ ކަމަށް ވެސް ބައެއް ކުންފުނިތަކުން ބުނެ އެވެ.
މިދިޔަ އަހަރު ވެސް ބައެއް ކުންފުނިތަކުން ޗޮކުލެޓްގެ އަގު ބޮޑުކޮށްފައިވެ އެވެ.
މޫސުމީ ބަދަލުތަކާ ގުޅިގެން، ދުނިޔޭގައި އެންމެ ގިނައިން ކޮކޯ އުފައްދާ ދެ ގައުމު ކަމަށްވާ ގާނާ އަދި އައިވަރީކޯސްޓަށް ދަނީ ގޮންޖެހުންތައް ދިމާވަމުންނެވެ.
