ލަމްޕާޑްގެ އެވަޓަނުން ޗެލްސީ ބަލިކޮށްފި

May 1, 2022, 3:20 PM
ޗެލްސީގެ ރީސް ޖޭމްސް (ކ) ކައިރިން އެވަޓަންގެ ރިޗާލިސަން ބޯޅަ ހިފައިގެންދަނީ.

ޗެލްސީގެ ރީސް ޖޭމްސް (ކ) ކައިރިން އެވަޓަންގެ ރިޗާލިސަން ބޯޅަ ހިފައިގެންދަނީ.

ލަންޑަން (މެއި 1) - އިނގިރޭސި ޕްރިމިއާ ލީގުގައި މިރޭ ފްރޭންކް ލަމްޕާޑް ކޯޗުކޮށްދޭ އެވަޓަން އިން 1-0 އިން ޗެލްސީ ބަލިކޮށް، ރެލިގޭޝަނުން ސަލާމަތްވުމުގެ އުންމީދު ދަމަހައްޓައިފި އެވެ.

ޗެލްސީގެ ކޯޗުކަމުން މިިދިޔަ އަހަރުގެ ޖެނުއަރީ މަހު ވަކިކުރި ލަމްޕާޑް އެވަޓަން ކޯޗުކަމާ ހަވާލުވީ މި އަހަރުގެ ޖެނުއަރީ ފަހުކޮޅުގަ އެވެ. ކުރީގެ ކްލަބް އަތުން ލަމްޕާޑް މޮޅުވިއިރު، އޭނާ އަށް މި ހިތްހަމަޖެހުން ބޮޑުވަނީ ރެލިގޭޝަނުން ސަލާމަތްވާން އެވަޓަން އަށް މި ލިބުނު މުހިންމު ޕޮއިންޓްތަކުގެ ސަބަބުންނެވެ. ލަމްޕާޑްގެ ކޯޗުކަމުގައި އެވަޓަން އިން މި ވަނީ އަމިއްލަ ދަނޑުގައި މެންޗެސްޓާ ޔުނައިޓެޑާއި ޗެލްސީ ބަލިކޮށްފަ އެވެ.

އެވަޓަން ލީގުގެ 18 ވަނައިގައި އޮތީ 33 މެޗުން 32 ޕޮއިންޓާ އެކު އެވެ. ލީގުގެ 17 ވަނައިގައި އޮތް ލީޑްސް ޔުނައިޓެޑަށް ވަނީ 34 މެޗުން 34 ޕޮއިންޓް ލިބިފަ އެވެ.

އެވަޓަންގެ ގުޑިސަން ޕާކުގައި މިރޭ ކުޅުނު މެޗުގައި ފެނިގެންދިޔަ ހަމައެކަނި ގޯލު ޖެހީ މެޗުގެ ދެ ވަނަ ހާފުގައި ރިޗާލިސަން އެވެ. މެޗުގެ 46 ވަނަ މިނިޓްގައި ޗެލްސީގެ ކެޕްޓަން ސެޒާ އަޒްޕިލިކުއޭޓާ އަތުން ހެދުނު ގޯހެއްގައި ޑަމަރާއި ގްރޭ ދިން ބޯޅައަކުން އެވަޓަންގެ ގޯލު ޖެހީ ރިޗާލިސަން އެވެ.

އެވަޓަން އިން ލަނޑު ޖެހުމުން ލަމްޕާޑް އުފާފާޅުކުރަނީ.--- ފޮޓޯ: އޭއެފްޕީ

ލީޑުނެގުމަށް ފަހު އެވަޓަން އިން އެ ހިފަހައްޓަން ރަނގަޅު މަސައްކަތެއް ކުރި އެވެ. އެންމެ ރަނގަޅު ކުޅުމެއް ދެއްކީ އެ ޓީމުގެ ގޯލްކީޕަރު، ޖޯޑަން ޕިކްފޯޑް އެވެ.

ޗެލްސީ އަށް އެއްވަރުކޮށްދޭން މޭސަން މައުންޓް ޖެހި ބޯޅައެއް ދެ ދަނޑީގައި ޖެހިފައި ލިބުނީ އަޒްޕިލިކުއޭޓާ އަށެވެ. އޭނާ ޖެހި ބޯޅަ ގޯލު ރޮނގުކައިރިން މަތަކުރީ ކީޕަރު ޕިކްފޯޑް އެވެ. އޭގެ ފަހުން ކުޑަ އޭރިއާތެރެެއިން ޗެލްސީގެ އެންޓޯނިއޯ ރޫޑިގާ ޖެހި ބޯޅައެއް ވެސް ކީޕަރު ޕިކްފޯޑް ވަނީ ހުށިޔާރުކަމާ އެކު މަތަކޮށްފަ އެވެ. އަދި އޭރިއާ ބޭރުން ރުބެން ލޮފްޓަސް-ޗީކް ޖެހި ޝޮޓާއި އޭރިއާތެެރެއިން މަޓެއޯ ކޮވަސިޗް ފޮނުވާލި ހަމަލާގެ ހުރަހަކަަށް ވީ ވެސް ޕިކްފޯޑް އެވެ.

އެވަޓަން އަށް ދެ ވަނަ ގޯލެއް ޖަހައިދޭން ގްރޭ ޖެހި ބޯޅަ ދިޔައީ ހުރަސްދަނޑިމަތިންނެވެ. އަދި އެންތަނީ ގޯޑަން އޭރިއާތެރެއިން ބޯޅަ ހިފައިގެން ވަދެ، ޖެހި ބޯޅަ ޗެލްސީގެ ކީޕަރު އެޑޮއާޑް މެންޑީ ވަނީ މަތަކޮށްފަ އެވެ.

ޗެލްސީ މި މެޗުން ބަލިވި ނަމަވެސް އޮތީ ތިން ވަނައިގަ އެވެ. އެއީ 34 މެޗުން 66 ޕޮއިންޓާ އެކު އެވެ. މިރޭ، ލެސްޓާ ސިޓީ އަތުން 3-1 އިން މޮޅުވެ، ޓޮޓެންހަމް ހޮޓްސްޕާސް ވަނީ ހަތަރު ވަނަ އަށް ޖެހިލައިފަ އެވެ. އެއީ 34 މެޗުން 61 ޕޮއިންޓާ އެކު އެވެ. މިރޭ ފަހު މެޗުގައި އާސެނަލް ކުޅޭނީ ވެސްޓް ހޭމް ޔުނައިޓެޑާ ދެކޮޅަށް އެ ޓީމުގެ ދަނޑުގަ އެވެ. އެ މެޗުން މޮޅުވެގެން އާސެނަލަށް އަލުން ހަތަރު ވަނަ އަށް އެރޭނެ އެވެ. ވެސްޓް ހޭމް މޮޅުވެއްޖެނަމަ ހަ ވަނަ އަށް އެރޭނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox