ބިންހިއްކުމުގެ މަަސައްކަތާއި ބަސް ދަތުރުގެ ހިދުމަތުގެ ދާއިރާގެ ވަޒީފާތަކުގެ 87 ފުރުސަތެއް އެމްޓީސީސީން ހުޅުވާލައިފި އެވެ.
ފުޅާދާއިރާއެއްގައި މުޅި ރާއްޖޭގައި ބޮޑެތި މަސައްކަތްތަކެއްކުރާ އެމްޓީސީސީން އެ ފުރުސަތުތައް ހުޅުވާލީ އެ ކުންފުނީގެ "ހުނަވަރު ޓްރެއިނިން ޕްރޮގްރާމް" ގެ ނަމުގައި ކުރިއަށް ގެންދާ ޕްރޮގްރާމެއްގެ ދަށުންނެވެ. އެމްޓީސީސީން ބުނީ އެއީ ވަޒީފާގެ ފުރުސަތުތަކަކީ ދިވެހިން ތަމްރީނުކޮށް ވަޒީފާގެ ފުރުސަތު ފަހިކޮށްދިނުމަށް ކުރިޔަށް ގެންދާ ޕްރޮގްރާމެއް ކަމަށެވެ.
އެ ޕްރޮގްރާމުގެ ދަށުން ވަޒީފާއަށް ހުޅުވާލަނީ، އެމްޓީސީސީގެ ކޮންސްޓްރަކްޝަން އެންޑް ޑްރެޖިން ޑިވިޝަނާއި މެރިން ޓްރާންސްޕޯޓު ޑިވިޝަނުންނެވެ. އަލަށް ހުޅުވައިލި ގިނަ އަދަދެއްގެ ވަޒީފާއަ ބެހޭ މައުލޫމާތު ދޭން އެމްޓީސީސީން މިއަދު ބޭއްވި ނޫސްްވެރިންގެ ބައްދަލުވުމެއްގައި އެ ކުންފުނީގެ ސީއީއޯ އާދަމް އާޒިމް ވިދާޅުވީ ޑްރެޖަރުތަކުގައި މަސައްކަތްކުރުމަށް ޖުމްލަ 11 މަގާމަކަށް 65 ވަޒީފާގެ ފުރުސަތު ހުޅުވާލާފައިވާ ކަމަށެވެ.
"އޭގެ ތެރޭގައި ޑްރެޖް މާސްޓަރުން، ޑްރެޖް އޮޕަރޭޓަރުން، ޑްރެޖް އޮޕަރޭޓަރު ޓްރެއިނީ، ޑްރެޖް މެނޭކްނިކް، ޑްރެޖް މެކޭނިކް ޓްރެއިނީ ހިމެނޭ،" އާޒިމް ވިދާޅުވި އެވެ.
އޭނާ ވިދާޅުވީ އެެ ހުރިހާ މަގާމުތަކަކީ ވެސް ބޮޑު މުސާރައިގައި ދިވެހިންނަށް މަސައްކަތްކުރަން ލިބޭ ރަނގަޅު ފުރުސަތުތަކެއްކަމަށެވެ. ޑްރެޖުތަކުގައި މަސައްކަތްކުރާ ފަރާތްތަކަށް 15،000-30،000ރ. މުސާރައެއް ލިބޭނެކަމަށް އާޒިމް ވިދާޅުވި އެވެ.
titledesc
އޭނާ ވިދާޅުވިގޮތުގައި އެ ވަޒީފާގެ ފުރުސަތުތަކުގައި އެމްޓިސީސީގައި މިހާރު ހުރި ޑްރެޖަރުތަކާއި ޖުލއި މަސް ތެރޭ ގެންނަ އާ ޑްރެޖަރުތަކުގައި ވެސް މަސައްކަތްކުރެވޭނެ އެވެ.
އެމްޓީސީސީން ދޭ ބަސްދަތުރުގެ ހިދުމަތަށް ބޭނުންވާ ޑްރައިވަރުން ހޯދުން ވެސް މިފަހަރުގެ އިންޓޭކްގައި ހިމެނެ އެވެ. އެހެންވެ، އައްޑޫ ސިޓީގެ ފޭދޫއާއި ހުޅުމީދޫ، ފުވައްމުލައް ސިޓީ، ލ. ގަން އަދި ލ. އިސްދޫގައި 34 ބަހެއް ދުއްވާނެ ޑްރައިވަރުން ތަމްރީނުކުރުން ވެސް ހަނަވަރު ޕްރޮގްރާމްގައި އެބަ އޮތެވެ.
ބަސް ދުއްވަން ހޮވޭ ފަރާތްތަކަށް ވެސް ތިން މަސް ދުވަހުގެ ތަމްރީނެއް ދޭނެކަމަށް އާޒިމް މިއަދު ވިދާޅުވި އެވެ. އަދި އޭގެ ފަހުން އެ ފަރާތްތަކަށް ލައިސަންސް ވެސް ލިބޭނެ އެވެ.
titledesc
ބަސް ޑްރައިވަރުންގެ ގޮތުގައި ވެސް މަސައްކަތް ކުރާ މީހުންނަށް 14،000-18،000ރ. ދެމެދުގެ މުސާރައެއް ލިބޭނެ އެވެ. އެމްޓީސީސީން އެ މަގާމުތަކަށް މީހުން ހޮވުމަށްޓަކައި ޖުމްލަ 11 ރަށެއްގައި އޯޕަން ޑޭ ބާއްވަން ވަނީ ހަމަޖެހިފަ އެވެ.
titledesc
